Osheya 4:16 - MUKANDA WA MYIDI MUKULU

¹⁶ Bena Izrayele mbatomboke bu ngombe ubenga kukoka ditempu. Nanku Maweja-Nangila udi mua kunudisha mu mpata munene, bu mudiye udisha bana ba mikoku anyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bena Isalele bakulua bena tshitshu bu lukungulu lua ngombe ludi ne tshitshu; Yehowa neamanye mua kubadisha bu mudiye udisha muana wa mukoko mu mpata mimene, anyi?

Osheya 4:16 ပူးပေါင်းရင်းမြစ်များ

Misambu 78:8

Nenku, kabakulonda kabidi ngenzelu ya bankambua babu ivua mibi, ya bantu batomboke, bena mpala ibidi, kabayi balamate Mvidi Mukulu.

Yeshaya 22:18

Neakuele kule, mu ditunga dialabale, amu bu mudibu bela ndundu wa dinaya nende. Muaba awu ke uwafuila, neufuilemu, pabuipi ne matempu ebe audi uditemba nawu, bualu udi munyange lumu lua lubanza lua mfumuebe!

Yeshaya 30:23

Maweja-Nangila neanulokeshile, mvula bua maminu, anudi bakuna mu buloba, atoloke bimpe. Nenku nenunowe pa madimi enu ntete mivule, kabidi mimpe. Dituku adi, bimuna bienu nebikale ne biakudia bivule mu mpata mialabale.

Yeshaya 5:17

Mu misesu ya mu tshimenga nemuikale tshisuku. Mikoku neidiemu bisosa, amu bu bidiyi idia mu mpata. Bana ba mbuji ba manyi, nebakebemu biakudia biayi.

Yirmeya 14:7

Bulelela bilema bietu bidi bibipisha. Kadi wewe Maweja-Nangila, utuambuluishe, anu bua dina diebe wewe. Tudi bakuenzele bibi misangu mivule. Tudi bakutombokele.

Yirmeya 3:11

Maweja-Nangila kuamba kabidi ne: — Izrayele, muena tshiendenda, udi umueneka bu muimpe pa kumufuanyikija ne Yuda ntomboji.

Yirmeya 3:6

Tshikondu tshi vua mukalenga Yoshiya mu bukalenga, Maweja-Nangila kungambila ne: — Udi mumone mudi Izrayele wenda tshiendenda anyi? Udi uya miaba yonsu ku mikuna, ne muinshi mua mitshi yonsu idi ne dileji dia bungi, bua kuenda tshiendenda.

Yirmeya 3:8

Yuda mmujadike mumvua mupeshe Izrayele muena tshiendenda mukanda wa kushipa nawu dibaka, mumvua mumubenge, mumulekele bua tshiendenda tshiende. Kadi Yuda ntomboji kena utshina to. Kena umona bionsu ebi bu bualu to. Yeye mene ukadi ubanga kuenda tshiendenda.

Yirmeya 31:18

Mvua mumvue bena Efrayime badila muadi, bamba ne: “Maweja-Nangila, udi mutunyoke bikole, mudibu banyoka muana wa nyama wa ngombe wa balume, udibu kabayi banji kutekesha bimpe. Kadi mpindiewu utupingaje kuudi, bua tupingane kuudi bulelela, bualu wewe Maweja-Nangila ke udi Mvidi Mukulu wetu.

Yirmeya 5:6

Nanku, nyama wa ntambue neapatuke muitu, abaluishe. Nyama wa tshimungu neapatuke mu mpata, abasunsule. Tshisumpa ntambue netshibaalamine pabuipi ne bimenga biabu. Netshipandulule bantu bonsu badi bapatukamu. Bualu bantu badi amu ne buenzavi. Badi bela Mvidi Mukulu nyima misangu mipite bungi kayiyi kubala.

Yirmeya 7:24

Kadi kabena bitabe to, kabena banteleja to. Kulondabu anu meji abu, ne tshitunu, kabidi ne lonji. Pa mutu pa bena Izrayele kupinganabu kundi, mbambenge.

Yirmeya 8:5

Kadi, bena mu Yerushalayime badi bapambuke mu njila, kabena bapingana mu njila bua tshinyi? Badi anu batungunuka ne kutendelela mvidie ya tshianana? Kabena basue kupingana kundi.

Osheya 10:11

Bena Efrayime, mbafuanangane ne kana ka ngombe, kavuabu balongeshe bimpe, kasua kuenza mudimu wa kushipula ntete ya kuenza bukula. Kadi, bu mumvua mumone ne: nshingu ya bena Efrayime idi ne bukole bua bungi, mvua musue bua bikale bakoka ditempu dia kudima nadi, bena Yuda benda basekuna, bena Izrayele benda balandakaja.

Osheya 11:6

Ke mudi bena myita babuela mu bimenga bia bena Izrayele, babinyangakaja, banyangakaja kabidi bintu bionsu. Ke difutu didi bena Izrayele bapete, bua meji abu mabi.

Osheya 11:7

Bantu banyi bena Izrayele mbantombokele. Badi babikila mvidie Baale. Kadi mvidie ewu kena mua kubambuluisha to.

Lewitiki 26:33

Nennuluishe, nnutangalaje mu matunga makuabu. Ditunga dienu nedishale tshipela, bimenga bienu bionsu nebibutuke.

Zekâya 7:11

Kadi bantu bavua babenga kuteleja. Bawa bangela nyima, bajibika ne matshi, bua kabumvu.

1 Samuele 15:11

— Ndi ne kanyinganyinga bua Shawule undi musungule bua kuikalaye mukalenga. Shawule mmumbenge. Kena utumikila mikenji yanyi to. Bualu abu kutonda Samuwele bikole. Kutendelelaye Maweja-Nangila butuku bujima.