Osheya 3:4 - MUKANDA WA MYIDI MUKULU

⁴ Nanku, bena Izrayele nebashale matuku a bungi kabayi ne mukalenga, kabayi ne bamfumu, kabayi ne milambu, nansha makunji a tshijila, kabayi kabidi ne binta bionsu bidi biambuluisha bua kumanya disua dia Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bualu bua Bena Isalele nebashale matuku a bungi kabayi ne mukelenge, kabayi ne mukokeshi, kabayi ne milambu mishihela Yehowa, kabayi ne dikunshi dia tshijila, kabayi ne tshilamba tshia efoda, ne kabayi ne telafima.

Osheya 3:4 ပူးပေါင်းရင်းမြစ်များ

Genese 31:19

Kadi pavua Labane muye kukosa miosa ya mikoku yende, Rakele kuiba mpingu ileja mvidie ivua bena diku dia tatuende Labane batendelela.

Genese 31:34

Rakele uvua muangate mpingu ayi, muyisokoke muinshi mua biseba bivua bitenteka pa kamelu, musombapu. Labane kukala mu nzubu muonsu. Kena mupete mpingu mu ntenta wa Rakele to.

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

2 Samuele 6:14

Pashishe Davide kutuadija kuja maja ne bukole buende buonsu bua kutumbisha Maweja-Nangila. Uvua muvuale anu tshilamba tshia ndanda tshia batuangaji.

2 Bakalenga 23:24

Yoshiya kuipata bantu bonsu bavua bakonka bakishi malu ba mu Yerushalayime ne mu ditunga dia Yuda, bua kukumbaja malu, adibu bafunde mu mukanda wa mikenji, uvua Ilkiya, mutuangaji munene, muangule mu nzubu wa Mvidi Mukulu. Kunyangakajaye mpingu ne bintu bikuabu bionsu bivua bantu ba mu bisamba bikuabu batendelela.

2 Kulondolola 15:2

Kuyaye kumonangana ne Asa bua kumuambila ne: — Mukalenga Asa ne nuenu bonsu bena Yuda, ne bena Binyamine, nunteleje! Maweja-Nangila neikale nenu anu panuikala bamuitabe. Nuenu bamukebe, nenumupete. Nuenu bamubenge, yeye kabidi neanubenge.

Ekesode 28:4

Bilamba abi bikale bia mushindu ewu: tshilamba tshia pa tshiadi, tshia efode, tshia muntumpu, tshia muinshi tshilengeja ne buanda bua mishindu mishilangane, tshifulu ne mukaba. Muanenu Arone ne bana bende ba balume nebavuale bilamba abi padibu benza mudimu wa butuangaji.

Ekesode 28:6

“Nanku, tshilamba tshia efode tshia mutuangaji munene, tshikale tshitela kudi batedi ba kalanda-musenga. Tshikale tshitela ne buanda bua ndanda busambakaja ne bua miosa ya nyama bufikuluke, bukunzubile ne bukunze kunzuu. Tshilamba atshi, tshikale tshitela bimpe ne buanda bua mpawungi.

Muadi 2:9

Biibi bia tshimenga kupuka. Mvidi Mukulu kutshibula milonda ya kukanga nayi biibi abi. Mukalenga ne balombodi ba mu bukalenga buende, badi mu bianza bia bantu ba bisamba bikuabu. Kakuena muntu udi mua kuamba tshidi Mvidi Mukulu musue; nansha bambi mene kabatshiena bapeta mukenji wa kudi Mvidi Mukulu.

Yezekiyele 19:14

Kapia kupatukila mu muonji ewu, kabutula matamba awu ne bimuma biawu. Kawena kabidi ne ditamba dimpe, didibu mua kuenza dikombu dia bukalenga. Kasala aka nka kuela, badila muadi.

Yezekiyele 20:32

Nudi nuela meji ne: nudi mua kuikala bu bantu ba bisamba bikuabu, badi batendelela mitshi ne mabue anyi? Nansha kakese! Kabiakuenzeka to.

Yezekiyele 21:21

Wewe muele mutue, ushipe bantu ku dia balume, ubashipe ku dia bakaji, ubashipe nseke yonsu!

Yezekiyele 21:31

Meme Maweja-Nangila Mvidi Mukulu ndi ngamba ne: kuakuikala kabidi ne bimanyinu bia bukalenga to. Nebakutale tshifulu tshia bumfumu. Malu onsu mmandamuke. Bantu bapuekele nebasombe miaba ya lumu. Bantu ba bukole nebabapuekeshe.

Danyele 11:31

Bena mvita bavuaye mutume nebanyange muaba wa tshijila. Nebakandike bantu, bua kabalambudi Mvidi Mukulu mulambu wa ku dituku ne ku dituku. Nebateke ‘Bualu bubi butambe’ ” pa tshilambuilu.

Danyele 12:11

Kubangila ku diba didibu bumbusha mulambu wa buatshia buatshia wa kuoshela Mvidi Mukulu, ne ku diba didibu bateka “Bualu bubi butambe” pa tshioshelu, matuku neapite tshinunu ne nkama ibidi ne makumi tshitema.

Danyele 9:27

Mu bidimu muanda mutekete bia ku nshikidilu, mfumu ewu neakengeshe tshisumbu tshinene tshia bantu bikole. Kunyima kua bidimu bisatu ne tshitupa, nealekeshe difila dia milambu ya kuosha, ne dia bintu bia pa madimi. Muena tshinyangu ewu neenze malu mabi ne lukasa luonsu, too ne diba didiye ufua lufu luvua Mvidi Mukulu mujadike.’ ”

Osheya 13:10

Mukalenga wenu udi penyi? Ke yeye uvua ne bua kunusungidila! Bamfumu benu bonsu badi penyi? Ke bavua ne bua kunulombola! Nuenu ke bavua bandomba mukalenga, bandomba kabidi ne bamfumu.

Osheya 13:11

Meme kunupesha bakalenga, kadi ne tshiji! Bu mumvua munufikile munda, meme kununyengabu.

Osheya 2:11

Nanku, tshikondu tshia dinowa, nemmunyenge ntete yanyi ya kuenza bukula imvua mumupeshe. Tshikondu tshia kupola tumuma tua mvinyo, nemmunyenge maluvu anyi a mvinyo, amvua mumupeshe. Nemmunyenge kabidi bilamba bia ndanda, ne bia boya bua nyama, bimvua meme mumupeshe bua kuvualaye.

Lewitiki 8:7

Kuvuadikaye Arone muntumpu, kumusuika mukaba, kumuvuadika muntumpu mulamika tshilamba tshia efode kutshisuikila panyima ne tukaba tuatshi.

Zekâya 10:2

Mvidie inudi nukonka malu, idi inuambila malu a dishima. Batempi ba mbuku badi banudinga, bilota bidibu bawilangana bidi bia patupu. Badi basamba bantu ne miaku ya patupu. Ke pavua bantu balalakana, bu mikoku idi ikenga, kayiyi ne mulami.

Zekâya 13:2

Maweja-Nangila wa bukole buonsu udi wamba ne: Dituku adi, nengumushe mu ditunga mpingu ya kutendelela nayi nwidie. Muntu nansha umue kakuvuluka kabidi nansha mena ayi. Nengumushe kabidi mu ditunga bantu bonsu badi badiamba ne: tudi bambi. Nentuyishe dijinga dienu dia kutendelela nwidie.

Luke 21:24

Nebabashipe ku muele wa nwita. Nebaye nabu mu matunga makuabu onsu, basuika nkanu. Bantu ba bisamba bikuabu nebanyange Yerushalayime, too ne pakumbana tshikondu tshiabu.

Yowanane 19:15

Bobu kuela mbila ne: — Afue! Afue! Umupopele ku mutshi mutshiamakane! Pilate kubakonka ne: — Ndi ne bua kupopela mukalenga wenu ku mutshi mutshiamakane anyi? Bamfumu ba batuangaji kuandamuna ne: — Katuena ne munga mukalenga to, amu mukalenga wa bakalenga.

Ebrewu 10:26

Bualu tuetu tukadi bamane kumanya bulelela. Nanku patudi tutungunuka ku bukole ku dienza malu mabi, kakuena mulambu mukuabu udi mua kujimija mibi.

Balombodi 17:5

Kadi muntu ewu Mika uvua ne muaba wa kutendelela ku nzubu kuende. Kuenzejaye lupingu lukuabu, kabidi ne bintu bia kubuka nabi. Pashishe kubanjijaye muanende mukuabu wa balume, bua amuenzele mudimu wa batuangaji.

Balombodi 18:14

Bena mvita batanu bavwa bamane kutentekela buloba bua Layishe, kuambilabu balunda babu ne: — Numanye ne: ku nzubu eyi, kudi nzubu mukuabu muikale ne lupingu, ne bintu bia kubuka nabi. Mudi kabidi lupingu lukuabu lua tshiamu tshienguluke. Nuenu nkayenu nujadike tshinudi ne bua kuenza.

Balombodi 8:27

Ngideyone kuenza lupingu ne biamu bia mpawungi abi. Kulutekaye mu musoku wabu wa Ofra. Bena Izrayele kuya kuntendelela. Nanku lupingu alu kuenza buteyi kudi Ngideyone ne kudi bena diku diende.

1 Samuele 14:3

Mutuangaji uvua muimane muaba awu, ne bintu bia tshijila bivua bibambuluisha mua kuebeja Mvidi Mukulu malu. Mutuangaji awu, dina diende Akiya, muana wa Akitube. Akitube uvua muanabu ne Ikabode (Ikabode uvua muana wa Pinhase, kabidi muikulu wa Eli. Eli ke uvua mutuangaji wa Maweja-Nangila ku Silo.) Ku bena mvita bonsu, muntu nansha umue kavua mumanye ne: Yonatane mmuye kuluisha bena Peleshete to.

1 Samuele 15:23

Kadi kubenga kutumikila, nkuenza bualu bubi amu bu mudi kubuka lubuku. Kubenga kuitaba Maweja-Nangila, nkuenza bualu bubi anu bu mudi kutendelela mvidie. Nanku, bu muudi mubenge mua kutumikila mikenji ya Maweja-Nangila, wakubengi. Kuakuikala kabidi mukalenga wa bantu bende bena Izrayele to.

1 Samuele 2:18

Kadi Samuwele muana, uvua ukumbaja mudimu wende bimpe kumpala kua Maweja-Nangila, uvuala tshilamba tshia buanda bua ndanda.

1 Samuele 21:9

Davide kukonka mutuangaji Akimeleke ne: — Muaba ewu, kuenaku ne difuma nansha muela anyi? Bu muvua mukalenga Shawule muntume lukasa lukasa, tshivua ne mushindu wa kuangata muela wanyi, nansha tshintu tshikuabu tshia mvita to.

1 Samuele 22:18

Ke, mukalenga Shawule kuambila Doweje, muena Edome, ne: — Wewe, shipa batuangaji aba. Doweje kusemena, kudishipela yeye batuangaji. Dituku adi, Doweje uvua mushipe bantu balume makumi muanda mukulu ne batanu, bavua ne tshibidilu tshia kuvuala bilamba bia tshijila.

1 Samuele 23:6

Tshikondu tshivua Abiyatare, muana wa mutuangaji Akimeleke, munyemena kudi Davide mu tshimenga tshia Keyila, uvua mufike ne bintu bia tshijila bidi biambuluisha bua kukonka Maweja-Nangila malu.

1 Samuele 23:9

Davide kumvua lumu ne: Shawule mmumuelele tshifufu tshibi. Nanku, kutumaye diyi bua mutuangaji Abiyatare afike ne bintu bia tshijila bua kukonkabu Mvidi Mukulu bualu abu.

1 Samuele 30:7

Davide kuambila mutuangaji Abiyatare, muana wa Akimeleke, ne: — Mpesha Urime ne Tumime, bintu bia tshijila, bua nkonke Maweja-Nangila. Abiyatare kumupesha bintu abi.