Osheya 3:1 - MUKANDA WA MYIDI MUKULU

¹ Maweja-Nangila kungambila ne: “Mpindiewu, uye kunanga kabidi mukaji awu muena tshiendenda, udi mukutombokele, wenda ne balume bakuabu. Unange mukaji awu, anu bu mundi meme Maweja-Nangila munange bena Izrayele, nansha bobu batendelela mvidie mikuabu, bananga mikata mienza ne tumuma tua mvinyo.”

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa wakangambila ne, Ya kabidi, nanga mukashi udi munangibue kudi mulunda wandi ne udi muena masandi, bu mudi Yehowa unanga Bena Isalele, nansha bobo bafila mitshima yabo kudi nzambi mikuabo ne bananga mikata ya tumuma tua nvinyo.

Osheya 3:1 ပူးပေါင်းရင်းမြစ်များ

2 Samuele 6:19

Pashishe Davide kuabanyina bena Izrayele bonsu, balume ne bakaji, biakudia. Muntu yonsu kupeta diampa dipepela, mukata muenza ne bimuma bia date, mukuabu muenza ne tumuma tua mvinyo tumane kuuma. Ke muntu yonsu kupingana ku nzubu kuende.

2 Bakalenga 13:23

Kadi, pashishe Maweja-Nangila kufuila bena Izrayele luse, kulekela bubi buabu, bua ndondu uvuaye mutue ne Abrahame, Izake ne Yakobe. Nanku, Maweja-Nangila kena mubutule bena Izrayele to. Kavua muanji kubatuma kule mu bupika to.

1 Kulondolola 16:3

Pashishe kuabanyinaye bena Izrayele biakudia. Mulume yonsu ne mukaji bavua bapeta diampa, mukata muenza ne bimuma bia date, ne mukata muenza ne tumuma tua mvinyo tuume.

Nehemya 9:31

Kadi bu mudi dinanga diebe kadiyi ndekelu, wewe kuena mubabutule to. Kuena mubalekele, bualu udi Mvidi Mukulu wa luse ne dinanga.

Misambu 123:2

Bu mudi mesu a bapika, matangile tshianza tshia mfumuabu, bu mudi mesu a muena mudimu mukaji matangile tshianza tshia mamuende wa nzubu, ke mudi mesu etu matangile kudi Maweja-Nangila Mvidi Mukulu wetu, too ne muatuambuluishaye.

Ekesode 32:6

Bena Izrayele kujuka mu dinda dionsu, kufilabu milambu ya kuosha ne ya ditua ndondu. Pashishe, kudiabu, kunuabu, kutuadijabu kunaya.

Musambu wa Solomo 2:5

“Undishe tumuma tua mvinyo, umpeshe bimuma, umpingajile bukole, bualu dinanga didi dinsamisha muoyi.”

Yeshaya 45:22

Nuenu badi basombe ku ndekelu kua buloba, fikayi kundi meme. Nennusungidile. Bualu Mvidi Mukulu ke meme! Kakuena mukuabu to.

Yirmeya 3:20

Kadi nuenu bena Izrayele, nuvua bantombokele mudi mukaji utombokela bayende. Meme Maweja-Nangila ndi njadika nanku.

Yirmeya 31:20

Maweja-Nangila udi wamba ne: Efrayime ke muananyi musuibue, ke muana undi mupite kunanga. Misangu yonsu indi ntela dina diende, ndi mmuvuluka tshiyi mua kumupua muoyi. Ndi mumunange bikole, tshiena ne mushindu wa kubenga kumufuila luse.

Osheya 11:8

Nuenu bena Efrayime, tshiena mua kunutekela to. Nuenu bena Izrayele, tshiena mua kunuelela meji mabi to. Tshiena mua kunubutula, mumvua mubutule bimenga bia Adma ne Seboyime to. Bualu meme muenze nanku, ndi mua kumvua bibi; nengikale ne kanyinganyinga kakole.

Osheya 2:5

Yeye kayi muenze nanku, nemmuvule bilamba, mmushiye butaka, muvuaye dituku divuabu bamulele! Ditunga diende, nediandamuke tshipela, nendienze buloba buume. Nemmufuishe ne nyota.

Osheya 4:11

Bundumba ne dikuatshika dia maluvu bidi binyanga lungenyi lua muntu.

Osheya 7:5

Dituku dia tshibilu tshia mukalenga wabu, balombodi badi banua maluvu. Padi maluvu abakuata, badi bakula tshiakulakula.

Amosa 2:8

Bilamba bivua bapele bafila bu tshieya, badi babiadija panshi, balalapu miaba yonsu idibu batendelela mvidie. Mu nzubu ya mvidie yabu ayi, badi banuinamu maluvu, avuabu banyenge bantu ku bukole.

Amosa 6:6

Nudi nunuina maluvu mu makopu manene. Nudi nudilaba pambidi mafuta a dipembu dimpe. Kadi kanuena nunyingalala bua bisamba bia Yozefe, bidi biamba kubutuka.

Mika 7:7

Kadi meme ndi ntangila kudi Maweja-Nangila. Bu mundi ntekemena Mvidi Mukulu, neansungidile. Mvidi Mukulu wanyi neumvue dilomba dianyi.

Zekâya 1:16

Ke pandi meme Maweja-Nangila wa bukole buonsu ngamba ne: nempingane mu Yerushalayime, bua kumufuila luse, kumunanga. Nebasemu nzubu wanyi tshiakabidi, nebibakulule tshimenga.”

Matayi 26:50

Yezu kumuamba ne: — Mulunda wanyi, tshiudi musue kuenza, utshikumbaje lukasa. Nanku bavua Yudase nabu kusemena kudi Yezu, kumukuata, kumulama bikole.

1 Korente 10:21

Kanuena mua kunuina mu dikopu dia Mfumu, kunuina kabidi mu dikopu dia mikishi mibi. Kanuena mua kudila ku mesa a Mfumu, kudila kabidi ku mesa a mikishi mibi nansha.

1 Korente 10:7

kabidi bua kanutendeledi mvidie, muvua bamue ba kudibu benze. Mukanda wa tshijila udi wamba ne: “Bantu aba kusomba mu tshibilu bua kudia ne kunua; pashishe kujukabu bua kuenza malu mabi.”

1 Petro 4:3

Bualu ku kale nuvua bajimije meba mapite bungi, nuenza malu adi bantu badi kabayi bamanye Mvidi Mukulu basue kuenza. Nuvua bende mu njila mibi, balonde majinga mabi, bakuatshike maluvu, badie budiavi, banue bunuavi, batendelele mvidie mibi ya patupu.

Balombodi 10:16

Ke bena Izrayele kumusha mvidie ya bantu benyi ivuabu batendelela. Kutendelelabu tshiakabidi Maweja-Nangila. Nanku Maweja-Nangila kavua kabidi ne disanka bua kumona dikenga dia bena Izrayele to.

Balombodi 9:27

Kuyabu ku mionji yabu ya tumuma tua mvinyo. Kupolabu tumuma, kutukama. Kulongololabu tshibilu. Kuyabu mu nzubu wa mvidie wabu. Kuenzabu didia dinene dia disanka. Kushipabu Abimeleke.