Osheya 2:9 - MUKANDA WA MYIDI MUKULU

⁹ Neenze muende muonsu bua kupeta babayende abu, kadi kakubasangana kabidi to. Pashishe neambe ne: “Mbimpe mpingane kudi bayanyi wa kumpala, bualu kudiye mvua ne disanka, dipite dindi nadi mpindiewu!”

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nunku nengangate kabidi manvua anyi mu tshidimu tshiau, ne nvinyo mihia-mihia mu tshikondo tshiai; nenyenge miosa yanyi ya mikoko ne bilulu bia lin biakadiye nʼabi bualu bua kubuikila butaka buandi.

Osheya 2:9 ပူးပေါင်းရင်းမြစ်များ

Yezekiyele 16:27

Ke meme kukuleja panyi bukole buanyi, kukupala biakudia, kukufila mu bianza bia baluishi bebe, bua baye nebe mu bimenga bia bena Peleshete, batua bumvua bundu bua malu mabi auvua muenze.

Yezekiyele 16:39

Nenkufile mu bianza bia bananga bebe. Nebupule bibumba bionsu ne bilambuilu biuvua muenze. Nebakuvule bilamba, bakukopola bilengejilu biebe bionsu, bakushiya butaka menemene.

Yezekiyele 23:26

Nebakuele bilamba biebe, bumushe ne bilengejilu biebe.

Danyele 11:13

Mukalenga wa ditunga dia ku mutu neakunguje tshisumbu tshia bena mvita tshitambe tshia kumpala ku bunene. Papita bidimu bikese, neapingane ne tshisumbu tshinene tshia bena mvita, tshikale ne bintu bia bungi bia kuluangana nabi.

Osheya 2:3

Ambilayi bana benu ba balume ne ba bakaji ne: Maweja-Nangila udi unuinyika ne: “Bantu banyi,” kabidi ne: “Bananga banyi,”

Osheya 8:7

Nanku, tshiudi ukuna, ke tshiudi upola. Udi ubuelakana ne mvidie ya patupu, udi udienza kabidi wa patupu. Tshikolakola katshiyi ne miepu, katshiena mua kupetesha ntete ya kuenza bukula to. Nansha yoyi mitupeshe bukula, nebabudie anu kudi bantu benyi.

Osheya 9:2

Kadi ntete ya bukula idibu bashipula, ne mafuta adibu bakama, kanuakubiangata to. Maluvu a mvinyo mapiamapia anudi batekemene, nenumvue anu mupuya wawu.

Yowele 2:14

Misangu mikuabu udi mua kushintulula meji adiye nawu, kunusankisha pa mutu pa kunukengesha. Diba adi, nudi mua kumutuadila milambu, ya ntete, ne ya maluvu.

Sefanya 1:13

Kadi nebapawule bubanji buabu, nebupule nzubu yabu. Nebibake nzubu, kadi kabena balalamu. Nebakune mionji ya nwinyo, kadi kabena banua maluvu ayi.”

Malaki 1:4

Pikala bena Edome bamba ne: “Mbatubunde, kadi netuibake tshiakabidi bimenga bietu bidibu banyangakaje.” Meme Maweja-Nangila wa bukole buonsu ndi ngamba ne: “Nansha bibake tshiakabidi bimenga abi, kadi meme ne-mbiupule.” Nebinyike ditunga diabu ne: “Ditunga dia malu mabi.” Badi basombamu nebabinyike ne: “Bantu badi Maweja-Nangila ulekela tshiji.”

Malaki 3:18

Pashishe nenumone dishilangana didi pankatshi pa bantu bimpe ne bantu babi, pankatshi pa badi benzela Mvidi Mukulu mudimu ne badi kabayi bamuenzela mudimu.