Osheya 2:5 - MUKANDA WA MYIDI MUKULU

⁵ Yeye kayi muenze nanku, nemmuvule bilamba, mmushiye butaka, muvuaye dituku divuabu bamulele! Ditunga diende, nediandamuke tshipela, nendienze buloba buume. Nemmufuishe ne nyota.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua mamu wabo wakulonda malu a masandi; yeye wakabalela wakuenza malu a bundu. Bualu bua wakamba biandi ne, Nendonde bannangi badi bampa bidia bianyi ne mai a kunua, miosa yanyi ya mikoko ne buanda bua lin, manyi anyi ne bia kunua bianyi.

Osheya 2:5 ပူးပေါင်းရင်းမြစ်များ

Yeshaya 1:21

Mmunyi muvua tshimenga tshia bantu bavua bangitaba, tshiandamuka tshia bena buendenda? Tshimenga tshivua bantu banemekangana, banemeka ne bintu bia bantu bakuabu, mpindiewu tshikadi tshimenga tshia bashipianganyi.

Yeshaya 50:1

Maweja-Nangila udi unuebeja ne: Nudi nuamba ne: ndi mubenge Yerushalayime, mamuenu, kadi mukanda udi ujadika mundi munubenge wepi? Meme munusumbishe, munutume ku bupika, bua meme kufuta mabanza, kadi ndi munutume kudi nganyi? Eyowa, bavua banusumbishe bua malu enu mabi, bavua babenge mamuenu bua buntomboji buende, bua buntomboji buenu.

Yirmeya 11:13

Mu ditunga dia bena Yuda, tshimenga tshionsu tshidi ne watshi mvidie. Mu musesu onsu wa mu Yerushalayime mudi amu tshilambuilu tshia kulambula mvidie Baale udi utukuatshisha bundu.”

Yirmeya 13:22

Nanku neukonke ne: “Makenga onsu aa adi ankuata bua tshinyi?” Bu muudi wenza tshilema tshinene, nebakuvule bilamba, babibandishe too ne ku mutu, nebakuenzeje malu ku bukole.

Yirmeya 2:20

Maweja-Nangila udi wamba ne: Wewe Izrayele, kukadi matuku a bungi audi mumbenge, muntombokele, wamba ne: “Ndi musue kudisombela.” Ke paudi ulala miaba yonsu pa mikuna, ne muinshi mua mitshi idi ne dileji dia bungi, bu mukaji muena tshiendenda.

Yirmeya 6:8

“Wewe Yerushalayime, udimuke. Kuyi mudimuke, meme nenkubenge. Muebe nemushale anu tshipela, muaba udi bantu kabayi basa.”

Yezekiyele 16:35

“Wewe Yerushalayime, muena tshiendenda, teleja diyi dia Maweja-Nangila.

Yezekiyele 16:39

Nenkufile mu bianza bia bananga bebe. Nebupule bibumba bionsu ne bilambuilu biuvua muenze. Nebakuvule bilamba, bakukopola bilengejilu biebe bionsu, bakushiya butaka menemene.

Yezekiyele 16:4

Pavuabu bakulela muntu nansha umue kavua mukose mumfu webe to. Kabavua bakoweshe mayi, kabavua bakufite luepu, kabavua ba-kuvuadike mikaya.

Osheya 1:2

Teleja malu avua Maweja-Nangila mutuadije kumanyisha Osheya, bua ambile bena Izrayele. Uvua mumuambile ne: “Uye kusela mukaji muena tshiendenda. Bana bawalela ne mukaji awu, nebalonde bibidilu bibi bia mamuabu. Bualu bena Izrayele bonsu mbambenge meme Maweja-Nangila, basue kuikala bena tshiendenda.”

Osheya 2:2

Diba adi, bena Yuda ne bena Izrayele nebumvuangane. Nebasungule mukalenga wabu umuepele. Nebavulangane, basombe mu ditunga dijima. Eyowa, dituku adi nedikale dituku dinene dia Yizreyele

Osheya 2:8

Kadi meme Maweja-Nangila nenjikile mukaji awu njila ne lupangu lua meba. Nemmuele mu tshimana bua kamonyi njila wa kupitshila.

Osheya 3:1

Maweja-Nangila kungambila ne: “Mpindiewu, uye kunanga kabidi mukaji awu muena tshiendenda, udi mukutombokele, wenda ne balume bakuabu. Unange mukaji awu, anu bu mundi meme Maweja-Nangila munange bena Izrayele, nansha bobu batendelela mvidie mikuabu, bananga mikata mienza ne tumuma tua mvinyo.”

Osheya 4:5

Udi ulenduka mu munya. Nansha muambi udi utetuka nebe butuku. Nembutule ne mamuebe Izrayele mene.

Osheya 8:9

Bakuya ku bena Ashure. Nyama wa mpunde wa mu tshisuku, udi udienzela malu nkayende. Kadi bena Efrayime badi badikebela balunda, badi mua kubafikisha ku buenzayi.

Osheya 9:10

Maweja-Nangila kuamba ne: Kale pamvua musangane bena Izrayele, bivua bu tumuma tua mvinyo, tudi muntu upeta mu tshipela. Mvua mumone bankambua benu, bu tshimuma tshia tshianyi, tshidibu bapeta ku mutshi wa mfiku. Kadi batshifikilaku ku Bete-Peyore kudifilabu kudi Baale-wa-bundu. Kushalabu bantu babi, bafuanangane ne Baale, munanga wabu mupiamupia.

Amosa 8:13

Dituku adi nansha bansongalume ne bansongakaji, ba mubidi mukole, ne muimpe kabidi, nebafubidile, bafue nyota.

Balombodi 16:23

Dituku dikuabu, bakalenga ba bena Peleshete kudisangisha bua kuenza tshibilu tshia ditshimuna diabu. Kulambulabu mvidie wabu Dagone mulambu munene, bimba misambu, bamba ne: — Mvidie wetu watupeshi Shimeshone, muluishi wa bena Peleshete.