Osheya 2:3 - MUKANDA WA MYIDI MUKULU

³ Ambilayi bana benu ba balume ne ba bakaji ne: Maweja-Nangila udi unuinyika ne: “Bantu banyi,” kabidi ne: “Bananga banyi,”

Mukanda wa Nzambi Dihungila Dikulukulu ne Dihungila Dihia-dihia 2003

³ bua tshiadi bivualu biandi, tshimushiyi butaka bu muakadiye mu dituku diakamulelabo; tshimuvuishi bu tshihela tshia lusenga, tshimuvuishi bu buloba bûme, tshimushihi ne nyota.

Osheya 2:3 ပူးပေါင်းရင်းမြစ်များ

Ekesode 17:3

Kadi bu muvua bantu bonsu bapungila ne nyota, bavua anu banungana, bamba ne: — Udi mutupatule mu Ejipitu bua tuetu kufua nyota ne bana betu ne bimuna bietu bua tshinyi?

Yeshaya 33:9

Ditunga didi mu madilu, diume, dilakata. Mikuna ya Lebanone idi ifubidila ne bundu. Mpata wa Sarone ukadi tshipela. Mu Bashane ne pa mukuna wa Karmele, mitshi idi idinyuka, mabeji apopoka panshi.

Yeshaya 47:3

Lekela kumvua bundu. Leja bantu, bamone biudi musokoke. Meme nendisombuele, muntu nansha umue kayi unkandika.

Yeshaya 64:10

Nzubu webe wa Tshijila, muvua batatuetu bakutumbishila, nzubu wetu mulengele wa kutendelela, mbamoshe mujima kudi kapia. Muaba ewu utuvua banange bikole, ukadi mpindiewu dikolu.

Yirmeya 12:10

Benyi, balami ba mikoku ba bungi, mbafike ne nyama yabu. Nyama kunyanga budimi buanyi bua mvinyo, kudiatakaja lupangu luanyi. Lupangu luanyi luvua luimpe lutambe, kadi nyama kulushiya tshipela tshikuatshisha bantu bowa.

Yirmeya 13:22

Nanku neukonke ne: “Makenga onsu aa adi ankuata bua tshinyi?” Bu muudi wenza tshilema tshinene, nebakuvule bilamba, babibandishe too ne ku mutu, nebakuenzeje malu ku bukole.

Yirmeya 13:26

Meme nenkuvule bilamba, nembibandishe too ne ku mutu webe, bua bakumone butaka.

Yirmeya 14:3

Bamfumu badi batuma bena mudimu babu bua kusuna mayi, Padibu bafika ku biina bia mayi, badi babisangana kamuyi mayi nansha makese. Badi bapingana bapungile, bapampakana, binyike mitu panshi, bipanza bia mayi munda mutupu.

Yirmeya 17:6

Muntu awu kena mua kupeta diakalenga to. Udi anu bu mutshi udi uma mu mpata, bu mutshi udi munkatshi mua mabue adi mu tshipela, mu buloba buatuke, budi muntu nansha umue kayi wasa.

Yirmeya 2:31

(Bantu badi babala bualu ebu mpindiewu, bateleje bimpe tshidi Maweja-Nangila wamba!) Bena Izrayele, meme Maweja-Nangila ndi nnukuatshisha bowa mudi tshipela nansha mudi ditunga didi ne miidima bikuatshisha bantu bowa anyi? Eyi, bantu banyi bena Izrayele, mmunyi munudi nuamba ne: “Tudi tuenza mutudi basue, katuena tupingana kuudi!”

Yirmeya 2:6

Kabavua nanyi bualu, kabavua bebejangana ne: ‘Maweja-Nangila udi penyi? Yeye ke uvua mutupatule mu Ejipitu, mutupitshishe mu tshipela, muaba muume uvua ne mbuwa, muaba kauyi mayi, udi ukuatshisha bantu bowa, muaba udi muntu kayi upitshila, kayi wasa nzubu.’

Yirmeya 22:6

Bua nzubu wa bukalenga bua bena Yuda, Maweja-Nangila udi wamba ne: Nansha meme musakidile nzubu wa bukalenga ewu, mumumone muakane, amu bu mundi nsankidila metu a Ngilaade, nansha nsongu ya mikuna ya Lebanone, ndi nditshipa ne: nzubu ewu neashale tshipela, muaba udi bantu kabayi basombe.

Yirmeya 4:26

Ndi mumone ditunga divua ne mitshi ya bimuma, dishale tshipela. Bimenga bionsu bia mu ditunga mbinyanguke. Maweja-Nangila ke udi muenze bionsu abi, bua tshiji tshikole tshivuaye natshi.

Yirmeya 51:43

Bimenga biende mbinyanguke! Ditunga diende dikadi tshipela, muaba udi bantu kabayi mua kusomba, muaba udi bantu kabayi nansha mua kupitshila.

Yirmeya 51:5

Bualu Maweja-Nangila Mvidi Mukulu wabu wa bukole buonsu, ki mmubenge bena Izrayele ne bena Yuda. Kadi bena Babilone mbenzele Maweja-Nangila wa tshijila wa Izrayele bibi bitambe.

Yezekiyele 16:22

Matuku audi wenda tshiendenda tshiebe tshibi atshi, kuena mutuluke musangu nansha umue buana buebe, tshikondu tshiutua butaka, tshiutua mudibonde mu mashi.

Yezekiyele 19:13

Mpindiewu muonji wa mvinyo, mbaukune mu tshipela, mu ditunga diume kadiyi ne mayi.

Osheya 13:15

Bena Efrayime nebavulangane munkatshi mua bana babu. Kadi, lupepele ludi lumisha bintu nelujuke, lufumina mu tshipela. Maweja-Nangila ke udi mutume lupepele alu. Nanku mayi a mu mpokolu neakame, mayi a mu mishimi neume, Lupepele neluambule bintu bionsu bia mushinga mukole bidi mu tshibutshilu.

Osheya 2:10

Mukaji awu kavua muitabe ne: meme Maweja-Nangila ke uvua umupesha ntete ya kuenza bukula, maluvu a mvinyo, ne mafuta mapiamapia. Meme ke uvua mumunemeshe ne nkanu ya tshiamu tshitoke tshia mushinga mukole, ne ya mpawungi, bivuaye utendelela nabi mvidie Baale.

Didimanyisha 17:16

Kadi nsengu dikumi iuvua mumone, kabidi ne nyama, nebikine mukaji muena buendenda. Nebimunyenge bionsu bidiye nabi, bimushiye butaka. Nebidie munyinyi wende, bibutule biende bidi bishala mu kapia.

Balombodi 15:18

Diakamue Shimeshone kumvua nyota mikole. Kubikilaye Maweja-Nangila bua amuambuluishe, wamba ne: — Eyi, Mvidi Mukulu, wewe ke udi mungambuluishe bua kutshimuna mvita mikole eyi. Kadi mpindiewu, ndi mfua ne nyota, anu bua kunkuatabu kudi bantu abu, badibu kabayi bateke panshi.