Osheya 2:23 - MUKANDA WA MYIDI MUKULU

²³ Maweja-Nangila udi wamba ne: dituku adi nenkumbaje bionsu bidi bantu banyi balomba. Nenkumbaje tshidi diulu dikengela: mvula nealoke pa buloba.

Mukanda wa Nzambi Dihungila Dikulukulu ne Dihungila Dihia-dihia 2003

²³ ne meme nemmumiamine mu buloba bua bualu buanyi; nenfuile luse kudi Wakadi-kayimufuidibue-luse; nengambile Badi-kabayi-bantu-banyi ne, Nudi Bantu-banyi; ne yeye neambe ne, Wewe udi Nzambi wanyi.

Osheya 2:23 ပူးပေါင်းရင်းမြစ်များ

Misambu 118:28

Wewe Maweja-Nangila, udi Mvidi Mukulu wanyi, ndi musue kukutumbisha. Mvidi Mukulu wanyi, ndi musue kumanyisha bunene buebe.

Misambu 22:27

Ndi mbikila bapela, badie buukute! Bantu badi batendelela Mvidi Mukulu, nebamutumbishe, balale panu, baboboke!

Misambu 68:31

Kanyina bena Ejipitu, nyama ya mu mayi eyi. Tandisha bakalenga ba matunga, balume ba ngombe aba. Bakuambule nkanu yabu ya tshiamu tshitoke tshia mushinga mukole. Tangalaja bisamba bidi binanga mvita.

Misambu 72:16

Ntete ya kuenza bukula, ivulangane mu ditunga. Biakudia bitoloke bia bungi mu mikuna, bisampile bu mu mikuna ya Lebanone, biele miepu bungi bu bisosa bia mu mpata!

Musambu wa Solomo 2:16

Munanga wanyi, udi amu wanyi meme! Meme kabidi ndi amu wende! Udi upeta biakudia biende, muaba udi bilongu bitoke bivule.

Yeshaya 44:5

Diba adi, muntu neambe ne: ‘Ndi muntu wa Maweja-Nangila.’ Mukuabu neajinge, bua bamuinyike dina dia Yakobe. Munga neafunde pa tshianza tshiende ne: ‘Ntshia Maweja-Nangila.’ Neasanke bua kubuela mu tshisumbu tshia bena Izrayele.”

Yirmeya 16:19

— Maweja-Nangila, wewe udi umpesha bukole. Wewe udi undama. Mu tshikondu tshia dikenga, ndi mua kunyemena kuudi. Bantu ba bisamba bikuabu nebafike kuudi wewe, bafuma ku nshikidilu wa buloba. Diba adi nebambe ne: “Bankambua betu bavua anu ne mvidie ya dishima. Mvidie yabu ivua anu lupepele, kayivua mua kuambuluisha muntu nansha umue.

Yirmeya 30:22

Nuenu nenuikale tshiakabidi bantu banyi. Meme nengikale Mvidi Mukulu wenu.

Yirmeya 31:27

Maweja-Nangila udi wamba ne: Dituku adi, nenguwuje Bukalenga bua Izrayele ne bua Yuda ne bantu, kabidi ne nyama, mudibu bamiamina ntete mu budimi.

Yirmeya 32:38

Nebikale tshiakabidi bantu banyi. Meme nengikale Mvidi Mukulu wabu.

Yirmeya 33:26

Nanku, nudi mua kuitaba ne: ndi mubenge ndelanganyi ya Yakobe ne ya muntu wanyi Davide anyi? Nudi mua kuitaba ne: munkatshi muabu tshiakuangata kabidi bamfumu badi balombola tshisamba tshia Abrahame, tshia Izake ne tshia Yakobe anyi? “Kabiena nanku to! Kadi ndi mubanange bushuwa, nembapeshe kabidi diakalenga.”

Yezekiyele 36:29

Nengumushe bubi buonsu pambidi penu. Tshiena nnutumina kabidi tshiyole tshia nzala to. Kadi nemmeneshe ntete mimpe ya kuenza bukula. Nennupeshe bintu bia bungi mu madimi enu.

Osheya 1:6

Ngomere kuimita kabidi difu, kulela muana wa bakaji. Maweja-Nangila kuambila Osheya ne: “Muana awu, umuinyike ne: Lorushama, mmumue ne: Tshibengabu. Bualu meme Maweja-Nangila tshiena munange kabidi bena Izrayele to. Tshiena musue kubafuila kabidi luse to.

Osheya 8:2

Nansha bobu balengelela, bangela mbila ne: ‘Mvidi Mukulu wetu, tuetu bena Izrayele tudi bakumanye!’

Zekâya 10:9

Mvua mubatangalaje mu bisamba bikuabu, bu mudibu bamiamina maminu. Kadi nebamvulukile mu matunga a kule. Nanku nebakoleshe bana mu matunga awu, pashishe nebapingane nabu mu ditunga diabu.

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Zekâya 14:16

Dituku adi, bantu bawa bashale ne muoyi, munkatshi mua bisamba bivua biluisha Yerushalayime, nebaye mu tshimenga etshi ku tshidimu ku tshidimu, bua kutendelela Maweja-Nangila, Mukalenga wa bukole buonsu, ne bua kuenza tshibilu tshia tuzubu tua Bisasa.

Zekâya 14:9

Dituku adi, Maweja-Nangila neikale mukalenga wa buloba bujima. Bantu kabakukukuila kabidi mukuabu to, kadi amu Yeye nkayende Mvidi Mukulu. Bonsu nebatumbishe amu dina diende.

Zekâya 2:11

Nuenu bena Yerushalayime badi mu bupika ku Babilone, koleshayi, nunyeme.”

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

Rome 3:29

Tudi mua kuamba ne: Mvidi Mukulu udi amu wa bena Yuda nkayabu anyi? Kena Mvidi Mukulu wa bantu ba bisamba bikuabu kabidi anyi? Bushuwa, udi kabidi Mvidi Mukulu wa bantu ba bisamba bikuabu,

Yakobe 1:1

Meme Yakobe, muena mudimu wa Mvidi Mukulu ne wa Mfumu Yezu Kristu, ndi ngela bantu bonsu ba Mvidi Mukulu badi batangalake pa buloba bujima mioyi.