Osheya 2:20 - MUKANDA WA MYIDI MUKULU

²⁰ Dituku adi mu dina dia bena Izrayele, nentue ndondu ne nyama, nyunyi ne bilandadi. Mu ditunga adi, nengumushe bia mvita bionsu: buta bua mbale, miele, ne bia mvita bikuabu. Nengambuluishe bantu banyi, bua bapete dikisha, balale tulu bimpe mu nzubu.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Nenkubangile ne kuditshiha kûdi mua kueyemena, ne wewe neumanye Yehowa.

Osheya 2:20 ပူးပေါင်းရင်းမြစ်များ

Genese 9:10

Ndi ntua kabidi ndondu ne bionsu binuvua bapatuke nabi mu buatu: nyunyi, bimuna ne nyama ya muitu, kabidi ne bivuavua kuenda ne muoyi pa buloba pashishe.

Yeshaya 2:4

Neakose nsambu ya bisamba pa yoyi, nealumbuluishe bantu bonsu. Nebandamune mafuma abu, ne miele ya mvita, bishale nkasu ne bikasu, bia kudima ne kunowa nabi. Tshisamba katshitshiena tshiluisha tshikuabu. Bantu kabatshiena balongeshangana mvita.

Yeshaya 62:4

Kabakukuinyika kabidi ne: “Mmukaji udibu babenge”. Ditunga diebe kabena badinyika kabidi ne: “Mbuloba bunyanguke”. Kadi nebakuinyike ne: “Munanga wa Maweja-Nangila”. Nebinyike buloba buebe ne: “Ke mukaji udi usomba mu dibaka dimpe”. Bualu neusankishe Maweja-Nangila bulelela, kabidi buloba buebe nebuikale bu mukaji musela.

Yirmeya 24:7

Nembapeshe bukole bua kumanyabu ne: meme ndi Maweja-Nangila. Nebapingane kundi ne muoyi wabu mujima. Nanku, nebikale bantu banyi, meme nengikale Mvidi Mukulu wabu.

Yirmeya 30:10

Maweja-Nangila udi wamba ne: Nuenu bena Izrayele nudi bantu banyi, kanutshinyi to. Nuenu ndelanganyi ya Yakobe, kanuzakadi to. Bualu nennusungidile, nnumushe ku matunga adi kule. Nensungidile bana banudi balele badi mu matunga a bende, muvuabu baye nenu mu bupika. Bena Izrayele, nenupingane kuenu, nenusombe talalaa. Kabakunutatshisha kabidi to.

Yirmeya 32:41

Nengikale ne disanka dia kubenzela malu mimpe. Nengenze muanyi muonsu bua basombe kashidi mu ditunga edi.

Yirmeya 9:24

Maweja-Nangila udi wamba ne: Dituku nedifike dindi nnyoka bantu bonsu badibu bateka panshi, kadi kabayi badilengeja,

Yezekiyele 16:62

Nentue tshiakabidi nebe ndondu. Neujadike ne: meme ndi Maweja-Nangila.

Yezekiyele 16:8

Meme kupitshila pabuipi nebe tshiakabidi. Mvua mumone ne: ukavua mukumbaje bidimu bia kukubangila. Nanku, meme kukubikila ne tshinkutu tshianyi bua kujika butaka buebe. Meme kukulaya ne: nenshale webe ne muoyi umue. Meme kutua nebe ndondu. Ke mumua mushale wanyi meme. Meme Maweja-Nangila Mvidi Mukulu, ndi njadika bualu ebu.

Yezekiyele 34:25

“Nemfile bupole munkatshi mua mikoku yanyi. Nengipate nyama yonsu ya lonji idi mu ditunga. Nanku mikoku yanyi neyisombe talala mu mpata, ilala nansha muitu.

Yezekiyele 34:27

Mitshi neyikuame bimuma. Buloba nebumeneshe biakudia. Muntu yonsu neasombe talala mu ditunga. Nensulule nkanu idibu basuika bantu banyi. Nembapikule kudi bavua babakuate ku bupika. Nanku nebajadike ne: meme ndi Maweja-Nangila.

Yezekiyele 38:23

Nanku, nendeje bisamba bionsu ne: ndi Mvidi Mukulu munene wa tshijila. Bisamba nebimanye ne: meme ndi Maweja-Nangila.”

Osheya 13:4

Maweja-Nangila udi wamba ne: Nuenu bena Izrayele, katshia nupatuka mu Ejipitu, meme ndi anu Maweja-Nangila Mvidi Mukulu wenu. Kanuena bamanye Mvidi Mukulu mukuabu, anu meme. Kakuena mupandishi mukuabu, anu meme.

Osheya 2:19

Nemmukandike bua katedi nansha dina mene dia Baale.

Osheya 6:6

Tshindi nkeba ndinanga, ki mmilambu to. Ndi musue bua bantu benze tshindi njinga. Kadi, tshiena musue bua bandambule anu milambu ya nyama nansha.”

Lewitiki 26:5

Nanku dishipula dia ntete mu ditunga dienu, neditungunuke too ne ku matuku a dinowa dia tumuma tua mvinyo. Dinowa dia tumuma tua mvinyo neditungunuke too ne ku matuku a dikuna . Nenuikale ne biakudia bia bungi. Kabidi nenusombe ku matshi talala.

Lewitiki 26:6

Nembueje ditalala mu ditunga dienu, nenulale tulu mu nzubu, batalaja mioyi. Nembutule nyama ya lonji idimu. Baluishi kabakunubunda kabidi to.

Mika 4:3

Yeye nealumbuluishe bisamba bia bantu ba bungi. Neakose bilumbu bia bisamba binene, nansha bidi kule mene. Miele yabu ya mvita, nebayifule nkasu ya kudima nayi. Mafuma abu, nebaafule miele ya kusolela nayi matamba a mionji ya mvinyo. Tshisamba katshiena tshiluisha kabidi tshikuabu. Bantu kabena balonga kabidi mua kuluangana mvita.

Zekâya 9:10

Neumushe matempu a mvita mu Efrayime. Neapatule tubalu mu Yerushalayime. Neatshibule mata a mvita. Neafile ditalala mu bisamba bia bantu, neashale mfumu ku mayi manene ne ku makuabu, biangatshile ku musulu wa Perate, too ne ku ndekelu wa buloba.

Matayi 11:27

Tatu mmumpeshe bintu bionsu. Kakuena muntu udi mumanye Muana, anu Tatu nkayende. Kakuena muntu udi mumanye Tatu, amu Muana nkayende, kabidi ne bonsu badi Muana musue kumanyisha Tatu.

Luke 10:22

“Tatu wanyi mmumpeshe bintu bionsu. Kakuena muntu udi mumanye Muana, anu Tatu nkayende. Kakuena muntu udi mumanye Tatu, anu Muana nkayende, kabidi ne bantu badi Muana musue kumanyisha Tatuende.”

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

Yowanane 8:55

Kadi kanuena bamumanye. Meme ndi mumumanye. Bu meme muambe ne: Tshiena mumumanye, mvua kuikala muena dishima munudi nuenu. Kadi ndi mumumanye. Ndi ntumikila miaku yende.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

Filipe 3:8

Tshiena ngamba amu bua biobi abi to. Kadi nkadi ntangila bionsu bidi ne mushinga bu bintu bia kuimansha, bualu bua tshiuma tshipite buimpe etshi: kumanya Yezu Kristu, Mfumu wanyi. Bualu buende Yeye, ndi muimanshe bionsu bivua ne mushinga ku mesu anyi. Ndi mbitangila bu bintu bia kuela mu dyala, bua mmone mua kupeta Kristu,

Kolose 1:10

Nanku nenumone mua kusomba mudi Mfumu musue, kuenza kabidi diba dionsu bidi bimulengelela. Nenuenze midimu mimpe ya mishindu yonsu. Nenuye kumpala mu dimanya dienu dia Mvidi Mukulu.

2 Timote 1:12

Ke pandi ne bua kukenga nanku. Kadi tshiena nteketa mu maboku, bualu ndi mumanye undi mutekemene. Ndi mushindike ne: udi ne bukole bua kulama bimpe bivuaye mumpeshe, too ne ku dituku dia Tshilumbuluilu.

Ebrewu 8:11

Muntu nansha umue wa kudibu kakulongesha muena kuabu, nansha muanabu, umuambila ne: ‘Umanye Maweja-Nangila!’ Bualu bonsu nebamumanye, kubangila ku muana mutekete too ne ku muntu mukole.

1 Yone 4:6

Kadi tuetu tudi bantu ba Mvidi Mukulu. Muntu udi kayi wa Mvidi Mukulu, kena ututeleja to. Muntu udi mumanye Mvidi Mukulu, udi ututeleja. Ke mutudi mua kusunguluja Mueyelu wa bulelela ne mueyelu wa ntupakanyi.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.