Osheya 2:16 - MUKANDA WA MYIDI MUKULU

¹⁶ Nanku nentekeshe mukaji awu, nemmupingaje kabidi mu tshipela, nemmuambile mundi mumunange bikole be.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yehowa udi wamba ne, Mu dituku adi yeye neambikile ne, Bayanyi; kena umbikila ne, Nfumu wanyi.

Osheya 2:16 ပူးပေါင်းရင်းမြစ်များ

Genese 34:3

Kadi Shekeme kunanga Diina bikole, kumuambila malu onsu avua munda muende, bua atekeshe muoyi wende.

Yeshaya 40:2

Nukoleshe bena Yerushalayime ku muoyi! Nubele mbila, nubambile ne: “Midimu yenu mikole yajiki! Nudi bafute tshibawu tshienu. Maweja-Nangila mmununyoke misangu ibidi dinyoka dijima dinuvua ne bua kupeta.”

Yeshaya 54:5

Bualu uvua mukufuke, ke washala bu bayebe. Ke yeye udibu binyika ne: “Maweja-Nangila muena bukole buonsu.” Yeye ke wa tshijila wa Izrayele, udi ukupandisha. Yeye mene ke udibu binyika ne: “Mvidi Mukulu wa buloba bujima.”

Yirmeya 3:14

Maweja-Nangila udi wamba ne: Nuenu bana bavua bambenge, pinganayi. Meme ke mfumuenu. Nensungule muntu umue mu tshimenga etshi, bantu babidi mu musoku wawa, bua kubapingaja mu Siyone.

Yezekiyele 20:35

Netuye nenu mu tshipela, muaba udi kauyi bantu bakuabu. Nennuimanyike kumpala kuanyi bua kunulumbuluisha.

Osheya 2:7

Mamuabu udi mubalele, mmuena tshiendenda, kena udinemeka to. Udi wamba ne: “Meme ndi musue kukeba, balume ba mu tshiendenda, badi bangonda biakudia, mampa, mayi a kunua, bilamba bienza ne ndanda, nansha ne boya bua nyama, mafuta ne maluvu a nwinyo.”

Yowanane 3:29

Muntu udi ne mukaji ke bayende wa mukaji. Kadi mulunda wa bayende wa mukaji udi wimana pabuipi ne muena mukaji, umuteleja. Udi usanka bikole padiye umvua diyi dia bayende wa mukaji. Ke disanka dianyi dijima. Mpindiewu diakumbanyi.

2 Korente 11:2

Ndi mununange, munukuatshile mukawu, mudi Mvidi Mukulu mununange, munukuatshile mukawu. Bualu nudi bu mukaji utshidi kamama, umvua mufile kudi bayende umuepele, ke Kristu.

Didimanyisha 19:7

Tutuayi tshianga, tusankayi, tumutumbishayi! Bualu tshibilu tshia dibaka dia Muana wa mukoku ntshimane kukumbana. Mukajende kabidi mmumane kudilongolola.

Balombodi 19:3

Bayende kumulonda, musue kumusengelela bua apingane kumbelu. Uvua muye ku ba mukajende ne muena mudimu wende, kabidi ne nyama ya mpunde ibidi. Nsongakaji kubueja bayende mu nzubu mua tatuende. Tatuende wa mukaji umona muku wende, kumuakidila ne disanka.

Rute 2:13

Pashishe, Rute kuamba ne: — Mukalenga, ndi nkuela tuasakidila, bua paudi munsambe, munkoleshe ku muoyi, meme tshiyi nansha bu umue wa ku bakaji bena mudimu bebe.