Osheya 2:12 - MUKANDA WA MYIDI MUKULU

¹² Eyowa, neuwule mukaji awu bilamba, babayende batangile. Muntu kena mua kunkandika to.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nenkose mionshi yandi ya tumuma tua nvinyo, ne mitshi yandi ya nfigi biakuambeye bualu buabi ne, Edi ndifutu diakumpabo kudi bannangi. Nembivuishe bu tshihuka, ne nyama ya mu mpata neyibidie.

Osheya 2:12 ပူးပေါင်းရင်းမြစ်များ

Misambu 80:12

Kulepeshawu matamba awu too ne ku mayi manene, ntonga yawu kufika too ne ku musulu wa mayi a Perate.

Yeshaya 29:17

Telejayi: Nkushale matuku amu makese, ditu dia Lebanone nediandamuke lupangu lua mitshi ya bimuma. Lupangu lua mitshi ya bimuma, neluandamuke ditu.

Yeshaya 5:5

Kadi mpindiewu, ndi nnuambila tshindi musue kuenzela budimi buanyi. Nentule lupangu lua meba lumvua muaseku, nyama neidiemu. Nengupule tshimana tshia lupangu. Bantu badi bapita ne njila nebabudiatakaje.

Yeshaya 7:23

Dituku adi kabidi, budimi buvua ne mionji ya mvinyo tshinunu, buvuabu mua kupana ku nkanu mitoke ya mushinga mukole tshinunu, nebushale amu meba ne mingonga.

Yirmeya 13:26

Meme nenkuvule bilamba, nembibandishe too ne ku mutu webe, bua bakumone butaka.

Yirmeya 26:18

— Mu tshikondu tshia Izkiya, mukalenga wa bena Yuda, muvua muambi mukuabu, dina diende mMika, wa mu Mereshete. Uvua muambile bantu bonsu ba mu Yuda ne: Maweja-Nangila wa bukole buonsu udi wamba ne: “Siyone neikale bu budimi budibu babundulula. Yerushalayime neashale bu mu dikolu. Mukuna, muaba udi nzubu wa Mvidi Mukulu, newikale bu ditu.”

Yirmeya 5:17

Bena tshisamba atshi nebadie bintu bienu bionsu, binudi nunowa, ne binutshidi nabi mu mayeba, bana benu ba balume ne ba bakaji, bimuna bienu binene ne bikese, mionji yenu ya mvinyo ne mitshi yenu ya bimuma. Bena mvita nebanyangakaje bimenga bienu bivuabu bakoleshe ne bimana, muaba unudi nuela meji ne: njiwu kayena mua kutukuata munemu to.”

Yirmeya 8:13

Maweja-Nangila udi wamba ne: pandi musue kupola tumuma tua mvinyo munkatshi mua bantu banyi, tshiena mpeta kamuma nansha kamue, tshiena mpeta tshimuma nansha tshimue tshia mutshi wa mfiku. Mabeji a mutshi mene adi mafubidile. Nanku, ndi ndekela mitshi eyi, ishale ya bantu bonsu badi bapita mu njila.

Osheya 13:8

Ndi nnubunda, mudi nyama wa nkashama wenza, padibu bamunyenga muana. Nennusunsule tshiadi tshienu. Nebanudie kudi mbua. Nyama ya tshisuku neyisunsule bitalu bienu.

Osheya 2:5

Yeye kayi muenze nanku, nemmuvule bilamba, mmushiye butaka, muvuaye dituku divuabu bamulele! Ditunga diende, nediandamuke tshipela, nendienze buloba buume. Nemmufuishe ne nyota.

Osheya 5:14

Bualu meme Maweja-Nangila ndi nduisha bena Efrayime, bu mudi nyama wa ntambue. Ndi nduisha bena Yuda, bu mudi nyama wa tshikisu. Anu meme, meme nkayanyi, ke udi ubasunsula. Ndi ngambula minyinyi yabu. Kakuena udi mua kunnyenga minyinyi ayi to.

Osheya 9:1

Nuenu bena Izrayele, kanuena mua kuenza tshibilu, nansha kusanka, mudi bisamba bikuabu bienza. Bualu nudi balekela Mvidi Mukulu wenu, nutendelela mvidie ya patupu. Miaba yonsu idibu bashipule ntete ya bukula, nudi nukeba difutu dia ku buenzavi buenu.

Mika 3:12

Nanku bualu buenu, Siyone neikale bu budimi, budibu babundulula ne lukasu. Yerushalayime neashale makolu. Mukuna wa nzubu wa Mvidi Mukulu nebaubuikile kudi tshipuka.