Osheya 14:8 - MUKANDA WA MYIDI MUKULU

⁸ Bantu banyi nebapingane kundi, bua meme kubalama. Nebadime, banowe ntete ya kuenza bukula. Nebalambe bu mionji ya mvinyo. Nebikale ne lumu, bu mudi maluvu mimpe a mu Lebanone.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bena Efelayima, mpingu yenu idi ne mushinga kai kundi kabidi? Mmeme ndi nnunvuila ne adi nnulama. Ndi bu mutshi wa cyprès udi ne muoyo, nudi nuheta mamuma enu kundi.

Osheya 14:8 ပူးပေါင်းရင်းမြစ်များ

Yobe 33:27

Udi wimba misambu, wambila bantu bonsu ne: “Mvua muenze bibi. Tshivua mukumbaje mikenji. Kadi Mvidi Mukulu ki mmunnyoke to, mmumfuile luse.

Yobe 34:32

Undeje bilema bindi tshiyi mumone meme, meme muenze bibi, tshiena mua kuenzulula kabidi to.”

Yeshaya 41:19

Nenkune mu tshipela mitshi ya sedre ne ndunga, mitshi ya mirte ne ya olive. Mu ditunga divua kadiyi mayi, nenkunemu mitshi ya siprese, mitshi ya pine ne mikuabu kabidi.

Yeshaya 55:13

Mitshi ya siprese neitoloke miaba ivua mitshi ya meba. Mutshi wa mirte neutoloke pavua mingonga. Bantu nebatumbishe Maweja-Nangila. Ke mudibu mua kuvuluka kashidi, bivua Maweja-Nangila munuenzele.

Yeshaya 60:13

Mitshi mimpe yonsu ya mu metu a Lebanone, mitshi ya siprese, ya pine, ne mikuabu, nebafike nayi muebe. Nebalengeje nayi nzubu wanyi wa tshijila, muaba undi nsomba, undi ndeja lumu luanyi.

Yezekiyele 17:23

Nendukunyine pa mukuna wa mu Izrayele udi mupite kutumbuka. Neluele matamba, lukuama ntete. Neluenze mutshi wa Sedre muimpe mutambe. Nyunyi ya mishindu yonsu neyibakile masua ayi mu matamba alu. Neyipete dileji dia kuikishila.

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Luke 15:20

Ke yeye kujuka bua kupingana kudi tatuende. Yeye mutshikale kule ne nzubu wabu, tatuende kumumona. Kumumvuilaye luse bikole. Kuyaye lubilu bua kusambakena nende. Kumupukilaye ne disanka, umutua mishiku.

Yowanane 1:16

Muntu yonsu wa kutudi mmupete tshiende tshitupa tshia bubanji bua dinanga diende. Uvua mudiele lupemba misangu ne misangu.

Efeze 5:9

Bualu amu ku butoke, ke kudi kupatuka bulenga, buakane, ne bulelela, bua mishindu yonsu.

Filipe 1:11

Diba adi amu malu enu mimpe, avua Yezu Kristu muenze nenu, bua kutumbisha ne kunemeka Mvidi Mukulu, neikale biuma bienu.

Filipe 2:13

Bualu Mvidi Mukulu udi ukuata mudimu diba dionsu munda muenu, bua nujinge tshidiye musue, nutshikumbaje kabidi.

Filipe 4:13

Bu mudi Kristu unkolesha, ndi mua kupitshila mu bionsu amu bimpe.

1 Tesalonike 1:9

Bonsu badi balonda munuvua batuakidile bimpe patuvua bafike kuenu, munuvua babenge mvidie, bapingane kudi Mvidi Mukulu wa muoyi ne mulelela, bua kumukuatshila mudimu.

Yakobe 1:17

Mapa malenga onsu ne bintu bimpe bionsu bidi bituluka mu diulu, mbifuma kudi Mvidi Mukulu, Mufuki wa miendu ya mulu. Mvidi Mukulu kena ushintuluka; munda muende kamuena miidima; butoke buende kabuena bukepa.