Osheya 14:1 - MUKANDA WA MYIDI MUKULU

¹ Nebanyoke bena Samariya bua buenzayi buabu, bualu mbatombokele Mvidi Mukulu wabu. Nebafue mu myita ne bana babu, nebatundule bakaji babu badi ne mafu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nuenu, Bena Isalele, hinganai kudi Yehowa Nzambi wenu, bualu bua nuakudishinda hanshi bua mibi yenu.

Osheya 14:1 ပူးပေါင်းရင်းမြစ်များ

2 Bakalenga 8:12

Azayele kumukonka ne: — Muambi udi udila bua tshinyi? Muambi Elisha kuandamuna ne: — Ndi ndila bualu nkadi mumanye ne: neukengeshe bena Izrayele bikole. Newoshe bimenga biabu bidi bibaka ne bimana bikole. Neukose nsongalume yonsu muminu, uzaza bana bakese, upanda mafu a bakaji badi bimite.

Yeshaya 19:22

Maweja-Nangila neanyoke bena Ejipitu, bua bamone mua kudilengeja. Nebapingane kudiye. Yeye neanyishe malomba abu, neabambuluishe.

Yirmeya 2:19

Nuenu bena Izrayele, badi banunyoka bua bubi buenu. Badi banukengesha bualu nudi bantomboji! Nenku, mimanye ne: kulekela Maweja-Nangila Mvidi Mukulu wenu, kubenga kumutshina, mbualu butambe bubi. Meme Maweja-Nangila Mvidi Mukulu wa bukole buonsu, ndi njadika nanku. eku ne eku

Yirmeya 4:1

Maweja-Nangila udi wamba ne: Izrayele, wewe mudilengeje, udi mua kupingana kundi. Wewe mumushe mvidie mibi indi tshiyi musue kumona, kuakunyemakana kabidi to.

Muadi 5:16

Buneme buetu mbujike! Tudi ne diakabi, bualu tuvua benzele Maweja-Nangila bibi.

Yezekiyele 16:46

Yayebe, ku mutu wa ditunga, ke tshimenga tshia Samariya, ne misoku idi natshi mutumba. Muakunyebe wa bakaji, kuinshi kua ditunga, ke Sodome, ne misoku idi nayi mutumba.

Yezekiyele 33:11

Nanku, telejayi mudibu banuambila kudi Maweja-Nangila Mvidi Mukulu udi ne muoyi. Tshiena musue bua bantu babi bafue nansha. Ndi njinga amu ne: balengeje nsombelu yabu, bikale ne muoyi. Nanku ndi nnulomba nuenu bena Izrayele ne: kanuenji kabidi bibi to! Nudi basue kufua bua tshinyi?”

Yezekiyele 33:14

Kadi meme mubele muntu mubi ne: udi ufua, padi muntu awu udilengeja, utuadija kuenza malu mimpe, kena ufua to.

Osheya 10:12

Nuenu benza malu mimpe, nebanuenzelewu. Nudime budimi bupiabupia. Tshikondu tshiakumbanyi tshia nuenu kupingana kundi meme Maweja-Nangila, too nepangafika bua kunusungidila.

Osheya 12:6

Yeye ke Mvidi Mukulu wa bukole buonsu, udibu binyika ne: “Maweja-Nangila”.

Osheya 12:8

Maweja-Nangila udi wamba ne: Nuenu bena Efrayime, nudi bafuanangane ne bena Kenaane. Bualu nudi ne tshipimu tshia dishima ku bianza. Bua kupeta bintu, nudi nudinga bantu.

Osheya 13:9

Nuenu bena Izrayele, ndi mumane kunubutula. Kakutshiena udi mua kunuambuluisha.

Osheya 4:8

Badi bapeta bubanji ku milambu idi bantu banyi bena buenzayi bandambula. Ke mudibu basue bua bena Izrayele benze buenzayi.

Osheya 5:5

Ditambisha dia bena Izrayele ke didi dibapisha. Bubi bua bena Efrayime ne bena Izrayele budi bubabutula. Bena Yuda badi balonda bibidilu biabu bibi.

Osheya 6:1

Nudi nuamba ne: “Tuyayi, tupinganayi kudi Maweja-Nangila. Yeye udi mututape mputa, neatuondape kabidi. Yeye udi mutukume, neatusuike tshilamba pa mputa.

Osheya 9:13

Bena Efrayime bavua bu mitshi ya mabue, mikuna mu buloba buimpe. Kadi lelu bakadi bafila bana bavuabu balela, kudi bashipianganyi.

Osheya 9:7

Tshikondu tshiakumbanyi, tshidi Maweja-Nangila ubutula bena Izrayele. Eyowa, tshikondu tshiakumbanyi, tshia kunyoka bena buenzayi. Bena Izrayele bavuluke bualu ebu. Nudi nuamba ne: “Muambi mmupale”, kabidi ne: “Muntu wa tshijila mmupote.” — Bidi nanku, kadi anu bua buenzayi buenu bupite bungi, ne bua lukinu lunudi numutekela.

Amosa 1:13

Teleja tshidi Maweja-Nangila wamba ne: “Ndi ndumbuluisha bena Amone, mbapisha bua malu mabi mavule, kadi nangananga, bualu mu mvita ivuabu baluangana mu ditunga dia Ngilaade, bua kutentamuna mikalu ya buloba buabu, bakapanda mafu a bakaji bavua nawu. Nanku tshiena mua kubafuila luse nansha! Nenkumbaje bindi mujadike ne: