Osheya 13:4 - MUKANDA WA MYIDI MUKULU

⁴ Maweja-Nangila udi wamba ne: Nuenu bena Izrayele, katshia nupatuka mu Ejipitu, meme ndi anu Maweja-Nangila Mvidi Mukulu wenu. Kanuena bamanye Mvidi Mukulu mukuabu, anu meme. Kakuena mupandishi mukuabu, anu meme.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi meme ndi Yehowa Nzambi wenu, kutuadisha ku buloba bua Ejipitu tô ne lelu, ne kanuena bamanye Nzambi mukuabo, anu meme; kakuena musungidi mukuabo, anu meme.

Osheya 13:4 ပူးပေါင်းရင်းမြစ်များ

2 Bakalenga 18:35

Ku mvidie yonsu eyi, kakuena nansha umue uvua munkandike bua meme kukuata ditunga diende to. Kadi, Maweja-Nangila neankandike bua meme kukuata Yerushalayime mushindu kaayi?”

Yeshaya 43:3

Bualu meme Maweja-Nangila, ndi Mvidi Mukulu webe. Meme ndi Wa tshijila wa bena Izrayele. Ndi mukusungididi webe. “Ndi mfila Ejipitu, bu biuma bua kukupikula; mfila Kushe ne Seba, bua kubashintakaja nebe.

Osheya 11:1

Maweja-Nangila udi wamba ne: “Patshivua bena Izrayele bana batekete, meme mvua mubanange. Mvua mbabikila ne: mbana banyi. Meme kubapatula mu Ejipitu.

Osheya 12:10

Meme Maweja-Nangila, ndi Mvidi Mukulu wenu, biangatshile mu Ejipitu. Ndi musue nusombe tshiakabidi mu ntenta, bu tshikondu tshimvua basambakene nenu mu tshipela.

Osheya 12:9

Nudi nuamba ne: “Bulelela, tudi babanji. Tudi bamane kupeta biuma bia bungi. Patudi tupeta makasa a ku mushinga, katuena benza bibi!”

Osheya 2:15

Nemmunyoke nanku, bua matuku avuaye ulambula mvidie Baale ne mvidie mikuabu. Uvua udilengeja ne tukanu, kabidi ne mabue a mu nshingu, ukeba balume ba kuenda nabu tshiendenda. Kadi uvua umpua muoyi. Meme Maweja-Nangila, ndi ngamba nanku.

Osheya 2:20

Dituku adi mu dina dia bena Izrayele, nentue ndondu ne nyama, nyunyi ne bilandadi. Mu ditunga adi, nengumushe bia mvita bionsu: buta bua mbale, miele, ne bia mvita bikuabu. Nengambuluishe bantu banyi, bua bapete dikisha, balale tulu bimpe mu nzubu.

Yona 2:10

Kadi meme ndi nkuimbila misambu, nkulambula milambu, nkuela tuasakidila. Nenkumbaje bionsu bindi mukulaye. Eyowa, wewe Maweja-Nangila, ke Mumpandishi wanyi!

Bienzedi 4:12

Kakuena lupandu kudi munga muntu to. Bualu panu ponsu Mvidi Mukulu kena mupe bantu dina dikuabu didi mua kutusungila.