Osheya 13:2 - MUKANDA WA MYIDI MUKULU

² Mpindiewu, monayi bena Efrayime abu, batshidi anu batungunuka ne buenzayi. mBadienzele mvidie, ne lupingu lua tshiamu tshitoke tshia mushinga mukole. Nansha mudimu ewu muenza kudi basongi ba mpingu, badi anu bamba ne: “Lambulayi mvidie ewu milambu!” Padi bantu bupukilangana ne mpingu ya tuana tua ngombe, nudi mua kumvua bualu ebu anyi?

Mukanda wa Nzambi Dihungila Dikulukulu ne Dihungila Dihia-dihia 2003

² Mpindiu badi bananukila kulonda malu mabi, badi badifudila bifuanyikishi bia nzambi yabo ku tshiamu tshiabo tshia argent, ne mpingu bu mudi lungenyi luabo, bintu ebi bionso biakadi midimu ya bansenda. Badi bamba bualu buabi ne, Badi bafila milambu, badi baluangana ne bana ba ngombe mishiku.

Osheya 13:2 ပူးပေါင်းရင်းမြစ်များ

1 Bakalenga 19:18

Kadi munkatshi mua bena Izrayele, nenshiye bantu bakuabu binunu muanda mutekete ne muoyi, mmumue ne: bonsu badikabayi banji kukukuila mvidie Baale, kabayi banji kutua mpingu ayi mishiku.

2 Kulondolola 28:13

Kukandikabu bena mvita abu ne: — Kanufiki ne bena lukanu abu munemu to. Nenutupeteshe tshilumbu tshinene kudi Maweja-Nangila. Tukadi bena tshibawu tshinene. Nulekele kutukebela tshibawu tshikuabu. Kanuena bamanye ne: Maweja-Nangila mmufikile bena Izrayele munda bikole anyi?

2 Kulondolola 33:23

Kadi kavua utondela Mvidi Mukulu bubi buende, bu muvua tatuende Menashe muenze to. Uvua muenze malu mabi mapite a tatuende Menashe.

Misambu 2:12

Nutumikile muanende. Kanuyi benza nanku, yeye mufike munda, nenubutuke. Bualu tshiji tshidi mua kumulunduka lukasa. Bena diakalenga mbonsu badi banyemena kudi Maweja-Nangila!

Yeshaya 1:5

Nudi nutungunuka ne buenzayi buenu bua tshinyi? Dinyoka divuabu banunyoke ki ndikumbane anyi? Mutu wenu onsu mmutapike mputa, muoyi wenu wa munda kawena ne bukole.

Yeshaya 30:1

Maweja-Nangila udi wamba ne: Nuenu bana badi bantombokela, nudi bena diakabi! Nudi nuela meji a kudienzela malu, kanuyi numvuluka. Nudi nutua ndondu ne bantu, indi meme tshiyi musue. Ke munudi nutentakaja bubi pa bukuabu.

Yeshaya 44:11

Bantu bonsu badi batendelela mvidie, nebafue bundu. Badi basonga mpingu, badi amu bantu. Badisangishe bonsu pamue, badileje bonsu apa: nebakuatshike bowa, nebafue bundu, pa kumona mvidie kayi wenza bualu!

Yeshaya 45:20

Nuenu bena matunga makuabu, bavuabu kabayi bashipe, semenayi, nudisangishe, nusemene popamue. Bonsu bavua bafike ne mpingu yabu ya mitshi, nansha badi batendelela mvidie udi kayi mua kubasungidila, kabena ne lungenyi to.

Yeshaya 46:6

Bantu badi batula mpetu yabu yonsu. Badi bapima nkanu mitoke ya mushinga mukole, ne biamu bia mpawungi. Badi bangata nsenda wa mpawungi ku mudimu, bua abafudile mvidie, udibu batendelela, udibu bakukuila.

Yeshaya 46:8

Nuenu bantomboji, nuvuluke bimvua muenze kale. Nuelangane meji bimpe, nudilengeje.

Yirmeya 10:4

Badi balulamika tshiamu tshia mpawungi, nansha tshiamu tshitoke tshia mushinga mukole. Badi balupopela ne ngindu ne misumadi, bua kuimanalu bimpe lululame.

Yirmeya 10:8

Bantu bonsu badi anu bidingidingi. Tshidi mvidie ya mitshi mua kubalongesha ntshinyi?

Yirmeya 8:5

Kadi, bena mu Yerushalayime badi bapambuke mu njila, kabena bapingana mu njila bua tshinyi? Badi anu batungunuka ne kutendelela mvidie ya tshianana? Kabena basue kupingana kundi.

Osheya 10:1

Bena Izrayele mbafuanangane ne mionji ya mvinyo idi isampila, ikuama tumuma tua bungi. Kadi, pavuabu bavulangana, bavua bavudija kabidi bilambuilu. Pavua ditunga dipeta bubanji, ke pavuabu bavudija mabue a tshijila.

Osheya 10:5

Bena Samariya badi batendelela mvidie wa kana ka ngombe ka mpawungi kadi ku Betele-Awene. Batendeledi ba mvidie awu, ne bantu badi badiamba ne: tudi batuangaji, badi benza madilu manene kumpala kuende. Bantu abu badi batumbisha mvidie awu, kadi butumbi buende bumane kujimina.

Osheya 11:2

Kadi pamvua mbikila bena Izrayele nanku, munanukile, bavua bambenga anu kubenga. Bantu banyi badi balambula mvidie Baale milambu. Mvidie yonsu ya mushindu ewu, badi bayoshila milambu.

Osheya 11:6

Ke mudi bena myita babuela mu bimenga bia bena Izrayele, babinyangakaja, banyangakaja kabidi bintu bionsu. Ke difutu didi bena Izrayele bapete, bua meji abu mabi.

Osheya 14:3

Pinganayi kudi Maweja-Nangila, numulomba ne: “Utufuileku luse. Wanyishe bua tukutumbishe.

Osheya 2:8

Kadi meme Maweja-Nangila nenjikile mukaji awu njila ne lupangu lua meba. Nemmuele mu tshimana bua kamonyi njila wa kupitshila.

Osheya 4:17

Bena Efrayime mbanange mvidie. Nubalekele, mbapambuke kashidi.

Osheya 8:4

Bena Izrayele badi badilekela bamfumu, meme tshiyi muanyishe. Badi badisunguila babalombodi, meme tshiyi mumanye. Badi bangata tshiamu tshitoke tshia mushinga mukole ne tshia mpawungi, bua kudienzela mpingu. Badi benza nanku, badi bajimija bintu biabu.

Osheya 8:5

Nuenu bena Samariya, mbimpe numushe mvidie wenu wa kana ka ngombe ka tshiamu tshia mpawungi. Nuenu nudi banjule tshiji. nTshikondu kaayi tshinualekela buenzayi?

Osheya 8:6

Mvidie ewu mmukebe tshinyi mu bena Izrayele. Nsenda wenu ke udi mumufule. Eyowa, mvidie wa kana ka ngombe wa bena Samariya neatayike, bualu kena Mvidi Mukulu.

Dibadika 32:14

Kadi mpindiewu, nuenu bena buenzavi, nudi basue kulonda amu meji mabi a bankambua benu, bua Maweja-Nangila afikile kabidi bena Izrayele munda.

Rome 11:4

Kadi Mvidi Mukulu uvua mumuandamune tshinyi? Kumuandamunaye ne: “Ndi mudilamine bantu binunu muanda mutekete, bavua kabayi batendelela nwidie Baale.”

Rome 2:5

Kadi udi ne muoyi mupape. Kuena musue kudilengeja. Ke muudi udikebela dinyoka dipite bunene, dituku diamueneka tshiji tshia Mvidi Mukulu, diakosaye nsambu pa yoyi.

2 Timote 3:13

Kadi bantu babi ne bena dishima nebatungunuke amu kutungunuka ne dienza bibi. Nebashimangane. Bantu bakuabu nebabashime.

1 Samuele 10:1

Ke Samuwele kuambula kalangi ka mafuta kavuaye naku. Kuelaye Shawule mafuta awu pa mutu. Pashishe kumupukilaye, umuambila ne: — Maweja-Nangila nkayende ke udi mukujidila bua wikale mukalenga wa tshisamba tshiende.