Osheya 13:15 - MUKANDA WA MYIDI MUKULU

¹⁵ Bena Efrayime nebavulangane munkatshi mua bana babu. Kadi, lupepele ludi lumisha bintu nelujuke, lufumina mu tshipela. Maweja-Nangila ke udi mutume lupepele alu. Nanku mayi a mu mpokolu neakame, mayi a mu mishimi neume, Lupepele neluambule bintu bionsu bia mushinga mukole bidi mu tshibutshilu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Nansha biavudishabo bana munkatshi mua bana babo, luhehele lua ku esete neluhehe, luhehele lua Yehowa lufume mu tshihela; ne mushimi wabo wa mai neukame, ne mpokolo wabo neume; neluhaule bintu bionso bilengele bidi mu tshibutshilu.

Osheya 13:15 ပူးပေါင်းရင်းမြစ်များ

Genese 41:23

Meme kumona kabidi miepu ya mponda mikuabu muanda mutekete mishawuke, mifubidile ne lupepela lua mu tshipela.

Genese 41:52

Kuinyikaye muana muibidi ne: Efrayime, wamba ne: “Mvidi Mukulu mmumpe lulelu mu ditunga edi, dimvua musombe mu dikenga dinene.”

Genese 41:6

Kumonaye kabidi miepu mikuabu ya mponda muanda mutekete mishawuke, mifubisha kudi lupepela lua mu tshipela.

Genese 48:19

Tatuende kubenga, wamba ne: — Muananyi, ndi mumanye tshindi ngenza. Ndelanganyi ya Menashe neyikale tshisamba tshinene. Kadi ndelanganyi ya muakunyende Efrayime neyipite bungi, yenza bisamba bivule.

Genese 49:22

Yozefe udi bu mutshi udi udiunda bimpe, utoloka ku mpokolu wa mayi. Matamba awu adi alepa, apita bimana bia nzubu.

Yobe 18:16

Nanku, nebikale bu mutshi udi mufue kuinshi ku miji, too ne ku matamba kulu.

Misambu 1:4

Kadi bantu babi ki mbena diakalenga! Badi bu bisota bidi lupepele lutangalaja.

Misambu 109:13

Ndelanganyi yende ifue, dina diende dijimine mu tshikondu tshidi tshilonda!

Yeshaya 14:21

Bana ba balume ba mfumu awu badi ne bua kufua, bafuta tshibawu tshia tatuabu! Tshianana badi mua kujuka, kukuata tshiakabidi buloba bujima, kuasamu ne bimenga.

Yeshaya 17:13

Tshimvundu tshia bisamba tshidi tshienda tshisemena pabuipi, tshifuana tshiona tshia mavuala a mayi manene. Kadi Maweja-Nangila udi ukanyina bisamba. Biobi bidi binyema kule, bu kasosa kapepula kudi lupepele lua pa mikuna, bu lupuishi lujuula kudi mvunde.

Yeshaya 27:8

Bushuwa, mmubafundile tshibawu, tshia kuya mu tshimuangi, mu ditunga dia bende. Uvua mubumushe mu buloba buabu dituku dimue, ne lupepele lukole, luvua lufuma luseke ludi diba dipatukila.

Yeshaya 41:16

Neupepule mikuna, lupepele neluye nayi! Mvunde neayitangalaje. Kadi wewe neusanke, bualu meme ndi Maweja-Nangila webe, ndi nkusankisha. Neungele tuasakidila muvule, bua bidi Wa tshijila wa bena Izrayele ukuenzela.

Yirmeya 20:5

Bubanji bonsu buvua bantu ba mu tshimenga etshi nabu, difutu dionsu dia ku mudimu wabu, bintu bia mushinga bivuabu nabi, nansha biuma mene bivua bakalenga ba bena Yuda nabi, bionsu abi, nembifile kudi baluishi babu. Bobu abu nebabipawule, nebabiangate, baye nabi mu Babilone.

Yirmeya 4:11

Pashishe, Maweja-Nangila neambile bena Yerushalayime ne: “Lupepele ludi luosha mikuna nelufumine mu tshipela. Neluoshe bantu banyi bena Izrayele. Lupepele alu kabakuikala lutekete, ludi muntu mua kupepula nalu ntete ya kuenza bukula to.

Yirmeya 4:12

Lupepele ludi lufuma luseke alu ku diyi dianyi, nebikale lukole lupite. Mpindiewu ndi musue kunulumbuluisha.”

Yirmeya 51:1

Maweja-Nangila udi wamba ne: “Nentume tshipepela tshikole tshidi mua kubutula ditunga dia Babilone, ne bantu bende.

Yirmeya 51:36

Maweja-Nangila udi wambila bena Yerushalayime ne: “Tshilumbu tshiebe ndi ntshiangata ne manza abidi. Ndi nkunsombuela, ngumishe musulu wa Perate, nenkamishe mpokolu ya Babilone.

Yezekiyele 17:10

Bushuwa, bavua bakuna muonji wa mvinyo awu bimpe. Kadi kawena mua kukola to. Bualu padi lupepele lua luseke ludi diba dipatukila lututa, neume onsu. Neumine anu muaba uvuawu mutolokele awu.”

Yezekiyele 19:12

Kadi bavua bajula muonji awu ne tshiji, bawimansha panshi. Lupepepe lua kudi diba dipatukila, kumisha bimuma biawu, kumatabi panshi. Matamba mimpe awu kuuma. Bantu kuwosha muiku.

Danyele 11:8

Neapingane mu Ejipitu ne bintu biapawulaye: mpingu ya mvidie ya bena ditunga, kabidi ne malonga a mushinga mukole a tshiamu tshia mpawungi ne a tshiamu tshitoke tshia mushinga mukole, avuabu bajidile mvidie ayi. Papita bidimu bia bungi kabayi baluangana mvita,

Osheya 10:1

Bena Izrayele mbafuanangane ne mionji ya mvinyo idi isampila, ikuama tumuma tua bungi. Kadi, pavuabu bavulangana, bavua bavudija kabidi bilambuilu. Pavua ditunga dipeta bubanji, ke pavuabu bavudija mabue a tshijila.

Osheya 2:3

Ambilayi bana benu ba balume ne ba bakaji ne: Maweja-Nangila udi unuinyika ne: “Bantu banyi,” kabidi ne: “Bananga banyi,”

Osheya 4:19

Lupepele lua mvunde nelubambule. Nebikale ne bundu bua milambu yabu mibi.

Osheya 9:11

Lumu lua bena Efrayime nelujimine, bu mudi nyunyi ya mishamisha ibuka, ijimina. Kabena mua kulela bana, kabena mua kuenda ne difu munda, kabena nansha mua kuimita.

Yona 4:8

Diba dimane kubanda, Mvidi Mukulu kutuma lupepele lua luya, lufumine ku luseke ludi diba dipatukila. Kupulalu mutshi awu. Munya mukole kuosha Yona mu mutu. Kusuaye kufua tshipuka. Nanku Yona kujinga lufu, wamba ne: “Mbimpe meme kufua pa mutu pa kushala ne muoyi.”

Nahume 2:9

Kale bantu bavua ba bungi mu Ninive, mpindiewu badi banyemamu, bu mudi mayi apueka lubilu, padi nkila ubumbuka. Padibu bamba ne: “Pinganayi, pinganayi!” muntu nansha umue kena ukudimuka.

Dielulula 33:17

Yozefe apete lumu! Udi mukole bu ngombe mulume, udi ne nsengu ibidi bu ya nyama wa mbowa, ya kutshimuna nayi bisamba bikuabu, kubipata too ne ku ndekelu wa buloba. Lusengu lumue ke bantu binunu ne binunu ba bena Efrayime, lukuabu ke bantu nkama ne nkama ba bena Menashe.”