Osheya 13:13 - MUKANDA WA MYIDI MUKULU

¹³ Nanku, bena Efrayime nebakenge, mudi mukaji ukenga pa kulela. Kadi, muana awu kakuledibua bimpe to. Pakumbana diba dia kumulela, neabenge kupatuka mu difu dia mamuende.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Didinyenga didi dikuata mukashi udi wamba kulela nedibakuate mene, kadi bobo mbana ba balume badi kabayi ne meji: bualu bua tshikondo etshi kantshikondo tshia kujanguluka mu difu.

Osheya 13:13 ပူးပေါင်းရင်းမြစ်များ

2 Bakalenga 19:3

Kuyabu kuambila muambi Yeshaya ne: “Mukalenga Izkiya udi wamba ne: Lelu ndituku dia kutukengeshabu, kutunyoka, ne kubifuisha bundu. Bu mudibu bamba ne: muana ukadi pabuipi, kadi mamuende kena ne bukole bua kulela to.

Misambu 48:6

Bamona amu mukuna, kupapukabu! Bowa kubakuata, kunyemabu.

Nsumuinu 22:3

Muntu mudimuke udi umona dikenga diamba kumukuata, udiepuka. Bantu batatakane badi babuelamu musangu umue, badikengeshisha.

Yeshaya 13:8

Monayi bakadi bapanga tshia kuenza. Bowa ne dikenga mbibakuate. Badi badinyenga bu bakaji pa lulelu. Bakadi batangilangana, buminyine ne bowa, mpala yabu mikunze ne bundu.

Yeshaya 21:3

Ke padi mubidi wanyi mujima musunsuke ne makenga. Dikenga ndinkuate, bu mudidi dikuata mukaji pa lulelu. Bindi ngunwua bidi bimpampakaja. Bindi mmona bidi binkuate bowa.

Yeshaya 26:17

Maweja-Nangila, tuetu kukukeba, tudila, bu mukaji udi udinyenga, udila muadi, diba dikadiye pa kulela.

Yeshaya 37:3

Kuyabu kuambila muambi Yeshaya ne: “Mukalenga Izkiya udi wamba ne: — Lelu ndituku dia kutukengeshabu, dia kutunyokabu, ne kutufuishabu bundu. Bu mudibu bamba ne: muana ukadi pabuipi, kadi mamuende kena ne bukole bua kumulela to.

Yeshaya 66:9

Maweja-Nangila udi unukonka ne: “Meme mumane kufikisha mukaji ku tshikondu tshidiye mua kulela, ndi mua kumukandika bua kaledi muana anyi? Meme mumane kulongolola diledibua dia tshisamba, tshiena mua kukandika bua bualu ebu kabuenzeki to!”

Yirmeya 13:21

Pawamona balunda bebe bakuvuila bua kudia bumfumu mu ditunga ne bua kukukengesha, newambe tshinyi? Newikale ne dikenga bu dia mukaji pa lulelu.

Yirmeya 22:23

Wewe uvua musombe talalaa pa mukuna wa Lebanone. Uvua muenze disua diebe mu mutshi wa sedre. Kadi neudinyenge bu mukaji udi ukeba kulela. Neutue mikemu bikole, padi makenga akukuata.

Yirmeya 30:6

Kadi ebejanganayi ne: nukadi bamone muntu mulume muimite difu mulela muana anyi? Kadi mmunyi mundi mmona bantu balume bonsu, bianza mu tshimonu bu mukaji ukenga pa kulela. Badi batokoloka mpala bu bafue.

Yirmeya 4:31

Ndi mumvue muadi bu wa mukaji ukeba kulela, mikemu ya nsongakaji udi ukeba kulela muanende wa kumpala. Lubila alu ndua Siyone, udi utua mikemu, utendakana, muolole bianza ne: “Eyi, nungambuluishe, bakadi banshipa!”

Yirmeya 49:24

Bena Damase nebatekete mu mikolu. Nebapingane tshianyima, banyema. Nebumvue bowa, bakenga bu mukaji udi ukeba kulela.

Osheya 5:4

Buenzayi bua bena Izrayele mbupite. Nanku kabena mua kupingana kabidi kudi Mvidi Mukulu wabu to. Meji a bena Izrayele, adi anu ku tshiendenda. Kabena bamanye Maweja-Nangila.

Yowanane 16:21

Padi mukaji wamba kulela, udi ne dibungama, bualu tshikondu tshiende tshia dikenga ntshifike. Kadi padiye ulela muana, kena uvuluka kabidi dikenga divuaye nadi to. Bualu udi ne disanka dia muntu udiye mufikishe panu.

Yowanane 5:4

Bualu mutumibue wa Maweja-Nangila uvua upueka meba makuabu mu dijiba amu, uvundulula mayi bikole. Mubedi uvua ubuela mu mayi kumpala pavuawu avunduluka bikole, disama diende divua dijika, nansha diodi dikole bishi.]

Bienzedi 24:25

Kadi pakavua Polu ulongesha mudi muntu ne bua kukumbaja bidi Mvidi Mukulu musue, kudikolela, kudilongolola ku dituku diavua Mvidi Mukulu kulumbuluisha bantu, Felikse kukuatshika buowa, kuamba ne: — Abi mbikumbane! Nenkubikidishe kabidi, pangapeta diba.

2 Korente 6:2

Bualu Mvidi Mukulu udi wamba mu Mukanda wa tshijila ne: “Tshikondu tshia kukuleja mundi nkunanga tshimane kufika, ke meme kukuteleja. Dituku dia kukusungidila dimane kufika, ke meme kubambuluisha.” Telejayi! Lelu ke tshikondu tshinudi ne bua kuanyisha bua Mvidi Mukulu anunange, ke dituku didiye mua kunusungidila.

Dielulula 32:6

Nudi bantu ba tshianana, kanuyi lungenyi! Munudi nuenzela Maweja-Nangila nanku mbishi? Kena Tatuenu, kena mufuki wenu anyi? Kena munusungule, bua nuikale bantu bende anyi?

1 Tesalonike 5:3

Diba diamba bantu ne: “Tudi talalaa. Bionsu bidi mu bupole,” diakamue kabutu nekabakuate, mudi makenga akuata mukaji pa lulelu. Kabakupanduka to.