Osheya 12:9 - MUKANDA WA MYIDI MUKULU

⁹ Nudi nuamba ne: “Bulelela, tudi babanji. Tudi bamane kupeta biuma bia bungi. Patudi tupeta makasa a ku mushinga, katuena benza bibi!”

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kadi meme ndi Yehowa Nzambi wenu, kutuadisha ku buloba bua Ejipitu tô ne kunoku; nennushikike kabidi mu ntenta, bu munuakashikama mu matuku a disanka dia kudia bidia.

Osheya 12:9 ပူးပေါင်းရင်းမြစ်များ

Genese 25:27

Bana ba mapasa abu kukola. Esawu uvua tshilembi wa kalanda-musenga, musue kukeba nyama mu tshisuku. Kadi Yakobe uvua muntu wa lutulu, musue kulama ku mbelu.

2 Samuele 7:2

Dituku dikuabu, mukalenga Davide kuambila muambi Natane ne: — Meme Davide ndi musombe mu nzubu muasa ne mitshi ya sedre, kadi mushete wa Maweja-Nangila wa tshijila udi anu mu ntenta wa bilamba. Udi wela meji kaayi?

Ezela 3:4

Pashishe, bena Izrayele kuenza tshibilu tshia tuzubu tua Bisasa, bu mudibu bafunde. Bavua balambula milambu ya kuosha bungi bukumbane ku dituku dionsu.

Misambu 49:7

Badi batekemena amu ku mpetu yabu, baditemba bua bubanji budibu nabu.

Misambu 81:10

Kanuena mua kuikala ne mvidie mukuabu munkatshi muenu! Kanutendeledi mvidie ya bena bisamba bikuabu.

Ekesode 20:2

— Meme ndi Maweja-Nangila, Mvidi Mukulu webe, uvua mukupatule mu ditunga dia Ejipitu, muvuabu bakukuate ku bupika.

Nsumuinu 30:12

Kudi bantu badi bela meji ne: tudi bantu bimpe. Kadi ki mbapange manyanu pambidi pabu.

Yirmeya 35:7

Kanuena mua kuenza nzubu to. Kanuena mua kudima madimi to. Kanuena mua kukuna mionji ya mvinyo to. Kanuena mua kuikala nabi to. Kadi nusombe mu nzubu ya ntenta matuku onsu anudi ne muoyi panu. Nanku nenulale matuku mavule, mu ditunga didi kadiyi dienu.

Yirmeya 5:27

Bu mudi nsanji muwule tente ne nyunyi, ke mudi nzubu ya bena Izrayele miwule tente ne bintu bivuabu bapete mu buivi. Ke padi bena Izrayele bapete bukole, bapete bubanji bua bungi.

Osheya 11:1

Maweja-Nangila udi wamba ne: “Patshivua bena Izrayele bana batekete, meme mvua mubanange. Mvua mbabikila ne: mbana banyi. Meme kubapatula mu Ejipitu.

Osheya 13:4

Maweja-Nangila udi wamba ne: Nuenu bena Izrayele, katshia nupatuka mu Ejipitu, meme ndi anu Maweja-Nangila Mvidi Mukulu wenu. Kanuena bamanye Mvidi Mukulu mukuabu, anu meme. Kakuena mupandishi mukuabu, anu meme.

Osheya 2:15

Nemmunyoke nanku, bua matuku avuaye ulambula mvidie Baale ne mvidie mikuabu. Uvua udilengeja ne tukanu, kabidi ne mabue a mu nshingu, ukeba balume ba kuenda nabu tshiendenda. Kadi uvua umpua muoyi. Meme Maweja-Nangila, ndi ngamba nanku.

Lewitiki 19:36

Kadi nuikale ne bipimu bia bushuwa bua buwudi, bujitu ne bule. Meme ndi Maweja-Nangila Mvidi Mukulu wenu, uvua munupatule mu Ejipitu.

Lewitiki 26:13

Meme ndi Maweja-Nangila Mvidi Mukulu wenu, uvua munupatule ku bupika mu ditunga dia Ejipitu. Meme kukosa nkanu ya bupika buenu, bua numone mua kuenda ntunku.

Mika 6:4

Nudi nuntompuela, bualu mvua munupatule mu Ejipitu, munupikule mu bupika, munutumine Moshe, Arone ne Miriyame bua kunulombola anyi?

Zekâya 11:5

Bantu badi bayisumba badi bayishipa, kabayi bitaba ne: tudi ne tshilumbu. Bantu badi bayisumbisha badi bela mbila ne: “Tuele Maweja-Nangila tuasakidila, bualu tudi ne bintu bivule!” Balami bayi mene kabena bayifuila luse.

Dibadika 15:41

Meme ndi Maweja-Nangila Mvidi Mukulu wenu. Ndi munupatule mu Ejipitu bua ngikale Mvidi Mukulu wenu. Eyowa, ndi Maweja-Nangila Mvidi Mukulu wenu.”

Yowanane 7:2

Tshibilu tshia bena Yuda tshia tuzubu tua Bisasa tshikavua pabuipi.