Osheya 12:8 - MUKANDA WA MYIDI MUKULU

⁸ Maweja-Nangila udi wamba ne: Nuenu bena Efrayime, nudi bafuanangane ne bena Kenaane. Bualu nudi ne tshipimu tshia dishima ku bianza. Bua kupeta bintu, nudi nudinga bantu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bena Efelayima bakuamba ne, Tuakulua babanji, tuakuheta biuma; mu malu onso atuakuenza kabena banji kutusangana ne dihanga dia bubi.

Osheya 12:8 ပူးပေါင်းရင်းမြစ်များ

Misambu 49:6

Padi makenga makole mankuate, bena mutshima bangela munkatshi, bankengesha, nempampakene tshinyi?

Misambu 52:7

Nenku Mvidi Mukulu neakubutule kashidi, neakukuate, akuipate kuebe, neakumbushe pa buloba patudi apa,

Misambu 62:10

Bantu badi bu lupepele, bantu tshiabu ndishima. Bobu babande pa tshipimu bonsu pamue, kabena ne bujitu.

Nsumuinu 11:1

Maweja-Nangila udi udiwula bantu badi ne bitempelu bia dishima, kadi udi wanyisha badi bapima bintu mudibi.

Nsumuinu 30:12

Kudi bantu badi bela meji ne: tudi bantu bimpe. Kadi ki mbapange manyanu pambidi pabu.

Nsumuinu 30:20

Mukaji udi kayi ulamata bayende, udi wenda tshiendenda, wowa mayi, wamba ne: “Tshiena muenze bualu bubi nansha bumue.” Udi udiumvua amu bu muntu mumane kudia, ukupula ku mishiku.

Yirmeya 2:23

Izrayele, mmunyi muudi ukimina kuamba ne: “Tshiena ne manyanu, tshiena mutendelele mvidie Baale?” Tangila biudi wenza mu tshibandabanda! Utonde bionsu biuvua muenze! Udi bu muana wa kamelu mukaji, udi unyemakana eku ne eku.

Yirmeya 2:35

nudi amu nuamba ne: katuena ne tshilumbu to. Maweja-Nangila ke udi mupile, bualu udi utufikila munda kapayi bualu. Kadi bu munudi nuamba ne: katuena benze bualu bubi, ndi musue kunulumbuluisha.

Yirmeya 5:27

Bu mudi nsanji muwule tente ne nyunyi, ke mudi nzubu ya bena Izrayele miwule tente ne bintu bivuabu bapete mu buivi. Ke padi bena Izrayele bapete bukole, bapete bubanji bua bungi.

Yezekiyele 28:5

Udi muvudije biuma biebe, bualu udi mumanye mua kuenda mushinga. Kadi biuma bionsu ebi udi anu uditambisha nabi.

Osheya 13:6

Panuvua bafike muaba uvua ne bisosa, nzala yenu kujika diakamue. Kadi bamane kudia buukute, ke nuenu kuditambisha. Ke munuvua bampue muoyi.

Osheya 14:1

Nebanyoke bena Samariya bua buenzayi buabu, bualu mbatombokele Mvidi Mukulu wabu. Nebafue mu myita ne bana babu, nebatundule bakaji babu badi ne mafu.

Osheya 4:8

Badi bapeta bubanji ku milambu idi bantu banyi bena buenzayi bandambula. Ke mudibu basue bua bena Izrayele benze buenzayi.

Amosa 8:5

Nudi nuebejangana ne: “Bibilu bia ngondu mupiamupia nebijike diba kaayi, bua tumone mua kupana tshiakabidi ntete yetu ya kuenza bukula! Dituku dia Dikisha ki ndijike anyi, bua tumone mua kukangula, biibi bia mayeba etu! Netukepeshe bipimu bia ntete, netubandishe mushinga. Netunyangakaje tshiamu tshia kupima natshi bua tumone mua kudinga bantu.”

Abakuke 1:16

Badi balambula makondu abu milambu, bawoshila musenga wa kamonya, mudibu benzela mvidie. Bualu ke adi abadisha, abanemesha.

Zekâya 11:5

Bantu badi bayisumba badi bayishipa, kabayi bitaba ne: tudi ne tshilumbu. Bantu badi bayisumbisha badi bela mbila ne: “Tuele Maweja-Nangila tuasakidila, bualu tudi ne bintu bivule!” Balami bayi mene kabena bayifuila luse.

Malaki 2:17

Nudi nutondesha Maweja-Nangila ne mayuki enu. Nudi nukonka ne: “Tudi tumutondesha munyi?” Bidi bimutonda ke miaku inudi nuamba ne: “Maweja-Nangila udi wanyisha muntu udi wenza malu mabi. Tshianana uvua mua kunyoka bantu ba mushindu ewu. Ke kabidi miaku yenu ya ne: “Mvidi Mukulu utu ukosa nsambu pa yoyi, udi penyi?”

Malaki 3:13

Maweja-Nangila udi wamba ne: “Nudi nunjana, pashishe nudi nukonka ne: ‘Tudi tukujana, tukuamba bishi?’

Luke 10:29

Kadi mulongeshi wa mikenji uvua musue kuleja Yezu ne: lukonku luanyi luvua pa bualu. Ke kuebejaye Yezu ne: — Mukuetu nnganyi?

Luke 12:19

Nengambe ne: Disanka kaayi! Ndi ne bintu bivule bidi mua kungambuluisha bidimu ne bidimu. Mpindiewu ndi mua kuikisha, kudia, kunua, kuondoloka.”

Luke 16:13

Muena mudimu nansha umue kena mua kuenzela bamfumu babidi mudimu. Bualu neakine ewu, anange wawa. Neajinge ewu, apepeje wawa. Kanuena mua kuenzela Mvidi Mukulu mudimu, kuenzela kabidi ne biuma musangu umue.

Luke 16:15

Yezu kubambila ne: — Nuenu nudi basue kudileja bu bantu bimpe ku mesu a bakuabu. Kadi Mvidi Mukulu udi mumanye mioyi yenu. Bualu tshidi bantu bamona ne: ntshinene, katshiena ne mushinga ku mesu a Mvidi Mukulu.

Dielulula 8:17

Kadi kanuedi meji ne: nudi badipetele diakalenga ku bukole buenu nkayenu to.

1 Timote 6:17

Ambila bena biuma bia panu, bua kabaditambishi, kabatekemenyi biuma ebi bia lupitapita. Kadi batekemene kudi Mvidi Mukulu udi utupetesha bionsu bitudi tukengela bua tuetu kusanka nabi.

1 Timote 6:5

dielangana mpata ne munanunanu ne bantu badi ne lungenyi lunyanguke, kabatshiyi bamanye bulelela. Bualu badi bela meji ne: kuenzela Mvidi Mukulu mudimu mmuaba wa kupeta biuma.

Didimanyisha 3:17

Udi wamba ne: ‘Ndi mubanji. Ndi mupete bivule. Tshiena nkengela tshintu!’ Kadi kuena mumanye dikenga diudi nadi, didi dikuatshisha luse! Udi mupele, udi butaka, udi mpofu.