Osheya 12:7 - MUKANDA WA MYIDI MUKULU

⁷ Kuambilaye Yakobe ne: “Udi ne bua kupingana kuenu. Meme Mvidi Mukulu webe nenkuambuluishe. Enza malu mimpe, ukumbaje bindi musue. Wikale mutekemene anu kundi meme Mvidi Mukulu webe.”

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bena Efelayima badi bangendʼa mushinga, tshiamu tshia kuidikisha nʼatshi bujitu tshia kudinga nʼatshi tshidi mu bianza biabo; bobo badi bananga kukengesha bakuabo.

Osheya 12:7 ပူးပေါင်းရင်းမြစ်များ

Genese 49:18

Maweja-Nangila, ndi mutekemene lupandu kuudi.

Nsumuinu 11:1

Maweja-Nangila udi udiwula bantu badi ne bitempelu bia dishima, kadi udi wanyisha badi bapima bintu mudibi.

Nsumuinu 16:11

Maweja-Nangila udi musue bua bipimu bikale bijalame. Udi ushindika kabidi mudibu ne bua kutempa majitu.

Yeshaya 3:5

Netshikale tshikondu tshia buntomboji, tshia kufuila mianzu. Bansonge nebakengeshe bakulumpe, bantu babule meji nebapetule bantu ba mushinga.

Yeshaya 56:1

Maweja-Nangila uvua muambe ne: “Nulonde buakane. Nuenze malu mempe. Bualu lupandu lundi mufike nalu ludi pabuipi, lukadi pa kufika. Bonsu nebamone mundi nkumbaja malaya anyi.

Yezekiyele 16:3

Ubamanyishe miaku indi meme Maweja-Nangila Mvidi Mukulu nkuambila ya ne: “Kenaane nditunga dia bankambua bebe, muaba uvuabu bakulelele. Tatuebe uvua muena Amore, mamuebe muena Iti.

Yezekiyele 22:29

Miaba yonsu mu ditunga badi bakengesha bantu, biba bintu biabu. Badi bakengesha bapele ne bakengi. Badi batatshisha benyi, kabayi babanemeka.

Yezekiyele 28:5

Udi muvudije biuma biebe, bualu udi mumanye mua kuenda mushinga. Kadi biuma bionsu ebi udi anu uditambisha nabi.

Osheya 14:2

Nuenu bena Izrayele, pinganayi kudi Maweja-Nangila Mvidi Mukulu wenu. Panudi nudishinda, ke tshipeta tshia bubi buenu.

Yowele 2:12

Maweja-Nangila udi wamba ne: “Patshidiku diba, pinganayi mpindiewu kundi, ne muoyi wenu mujima. Nujile biakudia, nudile muadi, nuntendelele!

Amosa 2:7

Badi badiata ku makasa badi kabayi ne bukole. Ku kabadi badi banyanga tshilumbu tshia mupele udi kayi ne kantu ku bianza. Tatu ne muanende wa balume, badi benza malu a buendenda mu bulalu bumue ne nsongakaji mupika wa momumue. Ke mudibu banyanga dina dianyi dia tshijila.

Amosa 3:9

Bandayi pa misaka ya nzubu ya bukalenga ya mu Asdode, tshimenga tshia bena Peleshete, ne ya mu Ejipitu, nuele mbila ne: “Disangishayi pa mikuna, pabuipi ne tshimenga tshia Samariya, bua nujadike mudi bena tshinyangu, bakengeshanganamu, bajula tshimvundu.”

Amosa 4:1

Nuenu bakaji ba mu Samariya, telejayi: nudi badiunde bibi, bafuanangane ne ngombe ya mu Bashane. Telejayi tshindi nnuambila ne: badi kabayi ne bukole, nudi nubanyenga bintu biabu, nukengesha bapele, nuambila babayenu ne: “Koleshayi! Nututuadile maluvu!”

Amosa 5:11

Nudi nukengesha udi kayi bukole, numunyenga ntete ivuaye munowe. Nanku kanuakulala mu nzubu mipiamipia, inuvua base ne mabue. Kanuakunua maluvu a mvinyo anuvua bapete, ku mionji misunguluke inuvua bakune.

Mika 2:1

Bantu badi bela meji butuku, badilongolola bua kuenza malu mabi, butshia baakumbaja, bualu badi ne bukole bua kuenza, mbena diakabi.

Mika 7:2

Mu ditunga kamutshiena muntu, udi witaba Mvidi Mukulu, kamutshiena muntu wa nsongu. Bonsu badi bakeba amu kushipangana, baalaminangana mu njila.

Zekâya 14:21

Ngesu yonsu idi mu Yerushalayime, ne mu ditunga dia Yuda, neyikale bintu bia tshijila bia Maweja-Nangila wa bukole buonsu. Bantu bonsu badi bavua kufila milambu yabu, nebangate ngesu ayi, bua kuipikilamu minyinyi ya milambu. Pafika dituku adi, kakuakuikala ngenda mushinga kabidi mu nzubu wa Maweja-Nangila wa bukole buonsu.

Zekâya 5:8

Mutumibue wa Mvidi Mukulu kungambila ne: — Mukaji ewu udi tshimfuanyi tshia Bubi. Pashishe mutumibue wa Mvidi Mukulu kusakila mukaji munda mua tshibondu. Kumubuikilaye tshiakabidi.

Zekâya 7:9

“Kosayi nsambu pa yoyi, nuenzelangane malu mimpe, ne muoyi muimpe wa dinanga.

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Yowanane 2:16

Kuambilaye basumbishi ba nkudimba ne: — Umbushayi bintu ebi apa! Kanuteki nzubu wa Tatu wanyi bu muaba wa kuendela mushinga!

Yakobe 5:4

Kanuena bafute bena mudimu badi bakuate mudimu mu madimi enu. Nuteleje mudibu badila muadi! Mvidi Mukulu Maweja-Nangila wa bukole buonsu mmumvue mbila ya badi banowe biakudia bienu.

1 Samuele 12:3

Ke pandi muimana kumpala kuenu, muaba udi Maweja-Nangila ne mukalenga udiye musungule. Pangikala munuenzele bualu bubi, numfunde kudibu patoke too. Ndi muibe ngombe wa muntu anyi? Ndi muibe mpunde wa muntu anyi? Ndi mukengeshe muntu anyi? Ndi muenzele muntu bibi anyi? Ndi muangataku tshintu tshia mabuejila kudi muntu bua tshitangidi buenzayi budiye wenza anyi? Pangikala muangate tshintu tshia muntu, angambile, mmupingajilatshi.