Osheya 12:6 - MUKANDA WA MYIDI MUKULU

⁶ Yeye ke Mvidi Mukulu wa bukole buonsu, udibu binyika ne: “Maweja-Nangila”.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nunku hinganai kudi Nzambi wenu, londai luse ne kulumbulula kuakane, indilai Nzambi wenu matuku onso.

Osheya 12:6 ပူးပေါင်းရင်းမြစ်များ

Genese 49:18

Maweja-Nangila, ndi mutekemene lupandu kuudi.

Misambu 123:2

Bu mudi mesu a bapika, matangile tshianza tshia mfumuabu, bu mudi mesu a muena mudimu mukaji matangile tshianza tshia mamuende wa nzubu, ke mudi mesu etu matangile kudi Maweja-Nangila Mvidi Mukulu wetu, too ne muatuambuluishaye.

Misambu 27:14

— Tekemena Maweja-Nangila, kola muoyi, kutekeshi mu maboku, eyowa, tekemena Maweja-Nangila!

Misambu 37:7

Shala talalaa kumpala kua Maweja-Nangila, indila ne lutulu tshiavuaye kuenza. Kubabi badi bapeta diakalenga, badi bakumbaja meji abu mabi.

Ekesode 3:15

Pashishe kuambilaye Moshe ne: — Newambile bena Izrayele ne: “Maweja-Nangila Mvidi Mukulu wa bankambua benu, wa Abrahame, wa Izake ne wa Yakobe mmuntume kunudi.” Edi ke dina dianyi dia kashidi dia nuenu ne ndelanganyi yonsu kumbikila.

Nsumuinu 1:23

Londayi mundi nnulongesha. Nanku mibelu yanyi neinuludike. Ne tuabanyangane nenu lungenyi lundi nalu.

Nsumuinu 21:3

Muntu udi ulonda njila wa buakane, muikale kabidi ne muoyi wa kalolu, udi usankisha Maweja-Nangila, mupite muntu udi umulambula milambu.

Yeshaya 1:16

Dilongololayi, nudikobolole, nubenge buenzayi, tshibumvu kabidi nansha. Kanuenji kabidi bibi to.

Yeshaya 30:18

Kadi Maweja-Nangila udi windila, utekemena matuku onsu, diba didiye mua kunufuila luse. Udi ukeba mudiye mua kunuambuluisha. Bualu Maweja-Nangila udi Mvidi Mukulu, udi wenza bionsu amu bimpe. Bonsu badi batekemena kudi Mvidi Mukulu, mbena diakalenga.

Yeshaya 31:6

Nuenu bena Izrayele, pinganayi kudi Maweja-Nangila, unuvua balengulule bikole.

Yeshaya 40:31

Kadi badi batekemena kudi Maweja-Nangila, badi bapeta makanda mapiamapia. Badi babuka bu nyunyi ya biminyi. Badi banyema lubilu, kabayi bapungila. Badi benda, kabayi bateketa.

Yeshaya 58:6

Nudi bamanye tshijila tshindi musue. Tshidi nunku: kulekela bantu bavuabu bakuate mu lukanu kapayi bualu, kumusha majitu adi manemenene pa makaya abu, kupikula bantu badibu bakengesha, kumusha pambidi pa bantu bionsu bidi bibabueja mu bupika,

Yeshaya 8:17

Ndi muindile Maweja-Nangila. Mpindiewu udi ulengulula ndelanganyi ya Yakobe. Kadi ndi amu ndama lutulu, ntekemena kudiye.

Yirmeya 22:15

Udi wela meji ne: udi mukalenga muimpe, bua paudi usungula mabaya a sedre, adi bakalenga bakuabu kabayi nawu anyi? Tatuebe uvua udia unua, anu mudi bantu bonsu benza. Kadi uvua ukosa nsambu amu pa yoyi. Ke muvuaye mupete dikasa dimpe.

Yezekiyele 18:30

Meme nendumbuluishe yonsu wa kunudi bilondeshile malu adiye wenza. Meme Maweja-Nangila ndi njadika nanku. Enzayi malu mimpe. Lekelayi bibi bionsu binudi nuenza. Kanuenji bubi nansha bumue budi mua kunujimija.

Osheya 10:12

Nuenu benza malu mimpe, nebanuenzelewu. Nudime budimi bupiabupia. Tshikondu tshiakumbanyi tshia nuenu kupingana kundi meme Maweja-Nangila, too nepangafika bua kunusungidila.

Osheya 14:1

Nebanyoke bena Samariya bua buenzayi buabu, bualu mbatombokele Mvidi Mukulu wabu. Nebafue mu myita ne bana babu, nebatundule bakaji babu badi ne mafu.

Osheya 4:1

Maweja-Nangila udi umanyisha bena ditunga tshilumbu tshidibu natshi kudiye. Nuenu bena Izrayele, telejayi: Maweja-Nangila udi unuambila ne: “Nuenu bena ditunga edi, kanuena nulamatangana kabidi ne muoyi umue, kanuena nuenzelangana kabidi bimpe to. Kanuena bamanye Mvidi Mukulu. Kanuena nuenza tshidiye musue.

Yowele 2:12

Maweja-Nangila udi wamba ne: “Patshidiku diba, pinganayi mpindiewu kundi, ne muoyi wenu mujima. Nujile biakudia, nudile muadi, nuntendelele!

Yowele 2:13

Pandayi mioyi yenu, kanupandi bilamba.” Eyowa, nupingane kudi Maweja-Nangila Mvidi Mukulu wenu. Udi ununanga, unufuila luse, udi ne lutulu lua bungi, udi wenzela bantu bimpe kayi upungila, ujinga amu kulengulula bivuaye ukanyina nabi bantu.

Amosa 4:13

Vulukayi, uvua muenze mikuna, uvua mufuke lupepele, udi umanyisha bantu meji ende, udi wandamuna butuku buenza munya, udi wendakana ku nsongu ya mikuna, ke Maweja-Nangila, Mvidi Mukulu wa bukole buonsu.

Amosa 5:24

Nukuate mudimu bua bakose nsambu pa yoyi; bua malu mempe adi bantu benzelangana, ikale bu misulu idi yuwula mayi tente, ipasalala, kayiyi ikama dituku nansha dimue.

Mika 6:8

Mbanulongeshe binudi ne bua kuenza, bidi Maweja-Nangila ujinga kudi bantu: udi unulomba bua nunemeke bantu ne bintu biabu, nuenzele bakuabu bimpe, nubanange, nuende bimpe mu njila udi Mvidi Mukulu wenu unuleja.

Mika 7:7

Kadi meme ndi ntangila kudi Maweja-Nangila. Bu mundi ntekemena Mvidi Mukulu, neansungidile. Mvidi Mukulu wanyi neumvue dilomba dianyi.

Abakuke 2:3

Bindi nkuleja, kabiena bienzeka mpindiewu. Kadi nebikumbane pa tshikondu tshiabi. Nansha kabiyi bienzeka lukasa, indila ne lutulu, mutekemene. Bindi nkumanyisha nebienzeke, kamuyi mpata, kabiyi nansha binenga.

Sefanya 3:8

Maweja-Nangila udi wamba ne: “Nuindile dituku dindi mfika bua kunupisha, kununyoka. Ndi mujadike ne: nensangishe bisamba ne makalenga, bua kubiosha ne kapia ka tshiji tshianyi. Buloba bujima nebupie, ku kapia ka tshiji tshianyi.”

Zekâya 1:3

Kadi nupingane kundi, meme Maweja-Nangila; nenku nempingane kunudi. Meme ndi nnulaya nanku.

Zekâya 7:9

“Kosayi nsambu pa yoyi, nuenzelangane malu mimpe, ne muoyi muimpe wa dinanga.

Zekâya 8:16

Telejayi munudi mua kuenza: Muntu yonsu ambile muanabu malu malelela. Mu tubadi tuenu nukose nsambu pa yoyi, nupingaje ditalala mu ditunga.

Bienzedi 2:38

Ke Petro kubandamuna ne: — Nudilengeje. Batue yonsu wa kunudi mu mayi mu dina dia Yezu Kristu, bua Mvidi Mukulu anujimijile mibi yenu. Nanku nenupete dipa dia kudi Mvidi Mukulu, ke Mueyelu wa Tshijila.

Bienzedi 26:20

Bangabanga meme kulongesha mu Damase ne mu Yerushalayime, pashishe mu ditunga dijima dia Yudeya, ne mu matunga a bantu ba bisamba bikuabu. Mvua mulombe bantu bonsu, bua bandamune ngenzelu yabu, bapingane kudi Mvidi Mukulu, baleje ku malu mimpe adibu benza, mudibu badilengeja.

Yakobe 1:27

Bantu badi banemeka Mvidi Mukulu Tatu menemene, ke badi bambuluisha bana ba nshiya, ne bakaji bakamba, mu makenga abu, badilama ku bubi buonsu budi bufuma panu.

Yakobe 2:13

Bualu muntu uvua kayi mufuile muanabu luse, Mvidi Mukulu neamulumbuluishe, kayi umufuila luse. Muntu uvua muleje luse, udi mua kutekemena luse kudi Mvidi Mukulu, mumukosedi wa nsambu.