Osheya 12:14 - MUKANDA WA MYIDI MUKULU

¹⁴ Kadi Maweja-Nangila uvua mupatule bena Izrayele mu Ejipitu, ku mudimu wa muambi. Muambi awu, ke uvuaye mutume, bua ikale mulami wa tshisamba tshiende tshia bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bena Efelayima bakamukuatshisha tshiji tshikole; nunku Mukelenge wabo neabahishe bua kumatshisha kuabo kua mashi, neabahingashile difutu dia bihendu biabo.

Osheya 12:14 ပူးပေါင်းရင်းမြစ်များ

2 Samuele 1:16

Davide kuela muena Amaleke awu lusanzu ne: — Wewe nkayebe udi mudikebele lufu. Udi mumane kudienzela bibi, bualu udi ujadika ne: “Meme ke udi mushipe mukalenga uvua Maweja-Nangila musungule.”

Yezekiyele 18:10

“Kadi muntu awu udi mua kuikala ne muanende wa balume wiba, ushipa bantu, nansha wenza malu mabi a mishindu yonsu.

Yezekiyele 18:13

Udi usombeshangana makuta bua kuvudija biuma biende ne kupeta makasa. Muntu wa nanku udi mua kushala ne muoyi anyi? Nansha kakese! Udi muenze malu mabi onsu aa andi mbenga. Nanku neafue. Yeye nkayende mmudikebele lufu luende.

Yezekiyele 33:5

Muntu awu mmufue bua tshilema tshiende, bualu uvua mumvue bamudimuja, yeye kulengulula. Bu yeye mudimuke, uvua mua kushala ne muoyi.

Danyele 11:18

Kunyima neaye ne mvita yende ku muelelu wa ditunga. Neakuate maloba a bungi, too ne padi mukalenga muenyi umutshimuna, umupingajila malu mabi onsu avuaye muenzele bakuabu.

Osheya 4:2

Kadi, nudi nutshipa mukuenu, numudinga, numushipa, numuiba, nuenda tshiendenda. Ditunga dionsu ndinyanguke ne dishipangana.

Osheya 7:16

Pikala bena Efrayime bapingana kudi muntu, kabena bapingana kundi meme Maweja-Nangila to. mBafuanangane ne buta bua mbale, budi kabuyi bukumbane bua kuela nabu mikete. Bamfumu babu nebafue mu myita, bualu bavua bampende! Nebabaseke kudi bena Ejipitu!

Mika 6:16

Nenuidikije malu mabi onsu, avua mukalenga Omri wenza ne bena diku dia Akabe, muanende wa balume. Nudi nulonda bilele biabu! Ke pandi mbutula tshimenga tshienu. Nuenu badi basombamu, bantu nebanuseke. Bundu budi bukuata bantu banyi bonsu, nebunukuate kabidi.”

Dielulula 18:15

Maweja-Nangila neanutumine muambi mukuabu, bu meme Moshe. Neamusungule amu munkatshi mua bana benu. Nenuteleje bidiye wamba.

Dielulula 18:18

Nanku nembatumine muambi wa munkathi mua bana babu, bu muudi wewe Moshe. Nengikale mmuambila malu, yeye umanyisha bena Izrayele bionsu bingikala mumumanyishe.

Dielulula 28:37

Bena mu matunga ikale Maweja-Nangila munutume, nebakuatshike bonsu bowa, bua bionsu bidi binuenzekela. Nebishale bu nsumuinu, bantu bonsu banuseka.

1 Samuele 2:30

Bu muudi wenza nanku, teleja tshindi nkuambila, meme Maweja-Nangila Mvidi Mukulu wa bena Izrayele: Mvua mulaya bena nzubu webe ne bena diku diebe, bua bikale batuangaji banyi kashidi. Kadi mpindiewu, ndi nkujadikila ne: kabitshiena nanku to. Meme ndi nnemeka amu bantu badi bannemeka meme. Kadi bantu badi bampepeja, meme nembapepeje.