Osheya 11:9 - MUKANDA WA MYIDI MUKULU

⁹ Tshiena nnunyoka, bilondeshile tshiji tshianyi to. Tshiena mbutula bena Efrayime musangu muibidi to, bualu meme tshiena muntu, ndi Mvidi Mukulu. Nuenu bena Efrayime, numanye ne: meme Mvidi Mukulu wa tshijila ndi nenu. Tshiena musue kufika kunudi mufike munda.”

Mukanda wa Nzambi Dihungila Dikulukulu ne Dihungila Dihia-dihia 2003

⁹ Tshiena ngenza malu onso adi bukole bua tshiji tshianyi bingambila nansha, tshiena mpingana kudi Bena Efelayima bua kubabutula; bualu bua meme ndi Nzambi, tshiena muntu; ndi Wa Tshijila munkatshi muenu; tshiena ndua kabidi ne tshiji tshikole.

Osheya 11:9 ပူးပေါင်းရင်းမြစ်များ

2 Samuele 20:10

Amasha kavua mudimuke bua muela uvua Yowabe muangule, mukuate ku tshianza tshia bakaji. Yowabe kutua Amasha muela mu difu. Mala a Amasha kupatuka, kupongoloka panshi, kufuaye. Yowabe kavua ne bua kumutua muela tshiakabidi to. Pashishe, Yowabe ne muanabu Abishayi kutungunuka, kulondakaja Sheba.

Misambu 46:5

Musulu udi upitshila mu tshimenga tshia Mvidi Mukulu, ufila mayi matalale, usankisha bantu. Mu tshimenga atshi ke mudi nzubu wa tshijila wa Mvidi Mukulu, Muena kulu.

Misambu 78:38

Kadi yeye uvua mubanange, ubafuila luse, kayi ubabutula. Kavua ulonda muvua tshiji tshiende tshimuambila. kavua ulonda meji atshi,

Misambu 85:4

Udi mulekele tshiji tshiebe, kuena musue kubafikila munda.

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Yeshaya 31:1

Bantu badi baya mu Ejipitu bua kukeba diambuluisha, mbena diakabi! Badi batekemena ku nyama ya tubalu, ne ku matempu mavule a bena Ejipitu, ne ku babandi babu ba pa tubalu, bualu badi bilobu. Kadi kabena bakeba Mvidi Mukulu wa tshijila wa Izrayele. Kabena bakeba lungenyi kudi Maweja-Nangila.

Yeshaya 41:14

Izrayele, tshisamba tshia Yakobe, lekela kutshina. Bakuabu badi bakumona bu kantu kakese, bu kishi kadibu mua kudiata ku makasa. Kadi meme nkayanyi nenkuambuluishe. Meme Maweja-Nangila ndi njadika nanku. Meme Mvidi Mukulu wa tshijila wa bena Izrayele, nenkusungidile.

Yeshaya 41:16

Neupepule mikuna, lupepele neluye nayi! Mvunde neayitangalaje. Kadi wewe neusanke, bualu meme ndi Maweja-Nangila webe, ndi nkusankisha. Neungele tuasakidila muvule, bua bidi Wa tshijila wa bena Izrayele ukuenzela.

Yeshaya 48:9

Kadi bu mundi Mvidi Mukulu, tshiena mua kulonda tshiji tshianyi. Ndi musue bua bantu banemeke dina dianyi. Ke mundi nnufuila luse. Tshiena musue kunubutula.

Yeshaya 5:24

Nenku bantu aba nebabutuke, mudi kapia kuosha bisosa, mudi ndimi ya kapia ilakuka ku bisuku. Nebabutuke bonsu mudi miji ibola, mudi bilongu biuma, bipona panshi. Bualu bavua badiwule dilongesha, dia Maweja-Nangila muena bukole buonsu, babenge diyi dia Mvidi Mukulu wa tshijila wa bena Izrayele.

Yirmeya 26:3

Ndi mutekemene se: nebateleje. Muntu yonsu adilengeje. Ndi musue kubatumina dikenga bua malu mabi adibu benza. Kadi bobu bateleje, tshiakubanyoka to.

Yirmeya 30:11

Ndi mufike bua kunusungidila. Meme Maweja-Nangila ndi ngamba nanku. Ndi musue kubutula matunga onsu, miaba yonsu imvua munutangalaje. Kadi tshiena imubutula nuenu to. Bushuwa, ndi amu ne bua kununyoka. Tshiena mua kunutangila bu bantu badi kabayi ne bualu.

Osheya 12:1

Maweja-Nangila udi wamba ne: Bena Efrayime badi bandinga, banshima nseke yonsu. Bena Yuda kabidi batshidi amu bantombokela, meme Mvidi Mukulu wabu wa tshijila.

Osheya 14:4

Bena Ashure kabena mua kutupandisha to. Katuena mua kubanda kabidi, pa nyama ya tubalu tua myita to. Mpingu yetu, mbintu bivuabu basonge. Katuena mua kuyinemeka kabidi bu Mvidi Mukulu wetu to. Bualu anu wewe nkayebe, ke udi ufuila bana ba nshiya luse.”

Malaki 3:6

“Meme Maweja-Nangila tshiena nkudimuka. Kadi nuenu kabidi nudi basue kushala kashidi ndelanganyi menemene ya Yakobe.

Dibadika 23:19

Mvidi Mukulu kena muntu, kena ushima! Kena muana wa Adame, kena ushintulula meji ende. Udi wenza amu mudiye wamba. Udi ukumbaja bionsu bidiye ulaya.

Dielulula 13:17

Nukungule bubanji buonsu bua mu tshimenga atshi muaba umue, muaba udi bantu bambilangane malu. Nubioshe musangu umue ne tshimenga atshi, bua bikale bu mulambu wa kuoshila Maweja-Nangila Mvidi Mukulu wenu. Tshimenga atshi nutshiupule bua kashidi, kabayi mua kutshiasulula kabidi to.

1 Samuele 26:8

Abishayi kuambila Davide ne: — Butuku ebu, Mvidi Mukulu mmufile Shawule, muluishi webe mu bianza biebe. Itaba, meme nenye kumutua difuma diende, dipatuka ditua ne mu buloba. Ndi mmutua difuma anu musangu umue. Tshiakumutua musangu muibidi to.