Osheya 11:6 - MUKANDA WA MYIDI MUKULU

⁶ Ke mudi bena myita babuela mu bimenga bia bena Izrayele, babinyangakaja, banyangakaja kabidi bintu bionsu. Ke difutu didi bena Izrayele bapete, bua meji abu mabi.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Muele wa nvita neufike mu misoko yabo, neubutule badi bafuna bulobo, neubashihe, bualu bua mei akahungabo.

Osheya 11:6 ပူးပေါင်းရင်းမြစ်များ

Misambu 106:39

Pakenzabu malu aa, kudipishabu mikiya, mbuendenda mene.

Misambu 106:43

Misangu ya bungi Maweja-Nangila uvua ubapandisha, kadi bobu bavua bamutombokela bua tshishiku tshiabu.

Yeshaya 18:5

Nenku kumpala kua tshikondu tshia kunowa, padi mionji ya mvinyo mimane kuela bilongu, bilongu bimane kuandamuka bimuma, bimuma bimane kupia, yeye neapempe matamba ne muele, neumbushe ntonga ne mabeji.

Yeshaya 27:10

Mu tshimenga tshivuabu bakoleshe ne bimana, mudi mutupu. Tshimenga tshidi amu bu mu tshipela, kamuyi bantu. Ngombe idi idiamu, ilalamu, ibulukuta mabeji a mitshi.

Yeshaya 30:1

Maweja-Nangila udi wamba ne: Nuenu bana badi bantombokela, nudi bena diakabi! Nudi nuela meji a kudienzela malu, kanuyi numvuluka. Nudi nutua ndondu ne bantu, indi meme tshiyi musue. Ke munudi nutentakaja bubi pa bukuabu.

Yeshaya 9:14

Bakulu ne bantu banene ke mutu, bambi badi bashima ke mukila.

Yirmeya 5:17

Bena tshisamba atshi nebadie bintu bienu bionsu, binudi nunowa, ne binutshidi nabi mu mayeba, bana benu ba balume ne ba bakaji, bimuna bienu binene ne bikese, mionji yenu ya mvinyo ne mitshi yenu ya bimuma. Bena mvita nebanyangakaje bimenga bienu bivuabu bakoleshe ne bimana, muaba unudi nuela meji ne: njiwu kayena mua kutukuata munemu to.”

Yirmeya 50:35

Maweja-Nangila udi wamba ne: Bashipe bena Babilone, bashipe bantu ba mu tshimenga tshinene, bashipe balombodi ba mu bukalenga ne bena meji.

Muadi 2:9

Biibi bia tshimenga kupuka. Mvidi Mukulu kutshibula milonda ya kukanga nayi biibi abi. Mukalenga ne balombodi ba mu bukalenga buende, badi mu bianza bia bantu ba bisamba bikuabu. Kakuena muntu udi mua kuamba tshidi Mvidi Mukulu musue; nansha bambi mene kabatshiena bapeta mukenji wa kudi Mvidi Mukulu.

Osheya 10:14

Nanku, diyoyi dia mvita, nediumvuike munkatshi muenu. Bimenga bienu bionsu, bivuabu bakoleshe ne bimana, nebabiupule, anu muvua mukalenga Shalmane mupule Bete-Arbele, muzaze bamamu musangu umue ne bana bavuabu balele.

Osheya 10:6

Bualu mvidie awu, nebaye nende ku Ashure, bu mulambu wa kulambula mukalenga munene. Bena Efrayime nebikale ne bundu. Bena Izrayele nebanyingalale, bua pavuabu basungule bua kuya mu Ashure.

Osheya 4:16

Bena Izrayele mbatomboke bu ngombe ubenga kukoka ditempu. Nanku Maweja-Nangila udi mua kunudisha mu mpata munene, bu mudiye udisha bana ba mikoku anyi?

Osheya 4:17

Bena Efrayime mbanange mvidie. Nubalekele, mbapambuke kashidi.

Lewitiki 26:25

Nennutumine bena mvita bua baluishe ditunga dienu. Nennunyoke bua ndondu wanyi unudi nunyanga. Nansha nuenu baye kusokoma mu bimenga, nennutumine disama dia kishi. Baluishi benu nebanutshimbakaje.

Lewitiki 26:31

Nembutule bimenga bienu, ne miaba yenu ya tshijila, bienza bipela. Dipembu dia bintu binudi nungoshila kadiakunsankisha kabidi to.

Lewitiki 26:33

Nennuluishe, nnutangalaje mu matunga makuabu. Ditunga dienu nedishale tshipela, bimenga bienu bionsu nebibutuke.

Amosa 6:8

Maweja-Nangila, Mvidi Mukulu wa bukole buonsu mmuditshipe ne: “Meme Mvidi Mukulu mulelela, ndi njadika ne: lutambishi lua badi basomba mu bukalenga bua Izrayele ludi lunkuatshisha munyanji. Tshiena musue nzubu yabu milenga. Samariya ne bonsu badi basombamu, ndi mbifila kudi baluishi babu.”

Mika 5:11

Nengumbushe malu anudi nuenza a majimbu, kanuakuikala kabidi ne muntu udi ukeba kunujinguluila malu adi kumpala, pa ngendu ya mitotu ne bia mulu muamua.

Dielulula 28:52

Baluishi abu, nebanutshintshimike mu bimenga bionsu, bidi mu ditunga didi Maweja-Nangila Mvidi Mukulu wenu munupe. Nebanuluishe too ne pupuka bimana bile bia bimenga bienu, miaba inudi nuela meji ne: tudi basokome bimpe.

Dielulula 32:25

Nebabashipe ne muele mu misesu. Nebafue ne bowa mu nzubu yabu. Lufu nelubakuate bonsu, bansongalume ne bansongakaji, bakulumpe ne bana.”