Osheya 11:3 - MUKANDA WA MYIDI MUKULU

³ Kadi meme ke uvua mulongeshe bena Efrayime mua kuambula dikasa. Meme ke uvua mubambule mu maboku anyi. Kadi, kabena bavuluka ne: meme ke uvua ndeji wabu to.

Mukanda wa Nzambi Dihungila Dikulukulu ne Dihungila Dihia-dihia 2003

³ Kadi meme nguakayisha Bena Efelayima mua kuendabo; nakabakuongoluela mu maboko anyi, ka dî kabakamanya ne nakabondaha.

Osheya 11:3 ပူးပေါင်းရင်းမြစ်များ

Misambu 107:20

Wamba amu diyi dimue, kubondapaye, kubasungidilaye ku lufu.

Ekesode 15:26

Maweja-Nangila kubambila ne: “Nuenu bateleje diyi dianyi meme, Maweja-Nangila, Mvidi Mukulu wenu, bakumbaje bilenga bindi nnuambila, batumikile mikenji yanyi, tshiakunutumina dikenga nansha dimue, bu mumvua mutumine bena Ejipitu. Bualu meme ndi Maweja-Nangila, udi unondapa.”

Ekesode 19:4

“Nudi badimuene mundi muenzele bena Ejipitu. Meme kunuambula mudi nyunyi wa tshiminyi wambula bana bende pa mapuapua, kunufikisha kundi meme.

Ekesode 23:25

Nuntendelele anu meme Maweja-Nangila Mvidi Mukulu wenu. Nanku nennuele lupemba, nenupete bia kudia ne mayi a kunua. Nennumbushile masama adi mua kunutatshisha.

Yeshaya 1:2

Maweja-Nangila udi wamba ne: “Diulu, teleja, buloba, teya matshi. Meme kukolesha bana. Kadi bobu bamane kukola, kuntombokelabu.

Yeshaya 30:26

Dituku dikale Maweja-Nangila muele buanga, pa mputa ya bantu bende, muondape mputa yabu ivuaye mubatape, ngondu neakenke bu diba. Bukenke bua diba nebupite bua matuku onsu, misangu muanda mutekete, bu bukenke bua lumingu lujima, bukenka dituku dimue.

Yeshaya 46:3

Nuenu bena Izrayele, ntelejayi, nuenu bena Yakobe badi bashala ne muoyi, nuenu bandi mulame katshia banulela, katshia nuamona diba.

Yeshaya 63:9

Mu makenga abu onsu, kena mutume muntu mukuabu bua kubambuluisha. Kadi uvua mubasungidile amu yeye mene. Yeye uvua muangate bualu buabu ne manza abidi, bualu uvua mubanange, ubumvuila luse. Yeye ke uvua mudiangatshile malu abu, mubambule mu maboku ende, ku tshikondu ne ku tshikondu.

Yirmeya 30:17

Bonsu mbakutangile bu “tshintu tshia patupu.” Badi bamba ne: “Mukuna ewu wa Siyone, bonsu mbalengulule.” Kadi meme nengondape, nengumishe mputa yebe. Ke mundi ngamba meme Maweja-Nangila.

Yirmeya 8:22

Mu Ngilaade kamuena buanga, nansha munganga anyi? Mputa wa bantu banyi bena Izrayele, kena mua kuma bua tshinyi?

Osheya 14:4

Bena Ashure kabena mua kutupandisha to. Katuena mua kubanda kabidi, pa nyama ya tubalu tua myita to. Mpingu yetu, mbintu bivuabu basonge. Katuena mua kuyinemeka kabidi bu Mvidi Mukulu wetu to. Bualu anu wewe nkayebe, ke udi ufuila bana ba nshiya luse.”

Osheya 2:8

Kadi meme Maweja-Nangila nenjikile mukaji awu njila ne lupangu lua meba. Nemmuele mu tshimana bua kamonyi njila wa kupitshila.

Osheya 7:1

dituku dindi nkeba kuondapa bena Izrayele, bubi bua bena Efrayime ne tshikisu tshia bena Samariya, bidi bimueneka tshiakabidi. Bualu badi badinga bantu, biba bintu biabu mu nzubu. Badi bakengeshangana mu njila.

Osheya 7:15

Meme Maweja-Nangila mvua mubafikishe ku bantu, mubape bukole. Kadi bobu badi bangelela anu meji mabi.

Bienzedi 13:18

Uvua mubalame bidimu bu makumi anayi mu tshipela.

Dielulula 1:31

ne mu tshipela. Nuenu nkayenu nudi bajadike muvua Maweja-Nangila munuambule, bu mudi muntu wambula muanende mu njila, too ne munudi bafike muaba ewu!”

Dielulula 33:27

Matuku onsu Maweja-Nangila udi unulama, udi ne bukole bunene pa buloba bujima, uvua nabu kale, udi nabu lelu. Udi unuipatshila baluishi benu, nuenu batangile, unuamba bua kubabutula.

Dielulula 8:2

Nuvuluke luendu lule luvua Maweja-Nangila Mvidi Mukulu munuendeshe mu tshipela bidimu makumi anayi. Uvua munukengeshe bua kunuteta, bua ajadike meji adi munda muenu, ne mushindu unudi basue kukumbaja mikenji yende.