Osheya 11:2 - MUKANDA WA MYIDI MUKULU

² Kadi pamvua mbikila bena Izrayele nanku, munanukile, bavua bambenga anu kubenga. Bantu banyi badi balambula mvidie Baale milambu. Mvidie yonsu ya mushindu ewu, badi bayoshila milambu.

Mukanda wa Nzambi Dihungila Dikulukulu ne Dihungila Dihia-dihia 2003

² Kadi hanakananukila kubabikila, bobo bakatamba kumuka kundi. Bakashihela Ba-Bâla milambu ya nyama, bakoshila mpingu musenga wa manananshi.

Osheya 11:2 ပူးပေါင်းရင်းမြစ်များ

1 Bakalenga 12:33

Mu matuku dikumi ne atanu a ngondu wa muanda mukulu, Yerobowame yeye nkayende uvua musungule dituku dia kuenza tshibilu ne bena Izrayele mu Betele. Munkatshi mua tshibilu, Yerobowame nkayende uvua ulambula milambu pa tshilambuilu tshivuaye muenze atshi.

1 Bakalenga 18:19

Kadi, mpindiewu, utume bantu, basangishe bena Izrayele bonsu, bafike muaba undi ewu ku mukuna wa Karmele. Ubikidishe bambi ba mvidie Baale nkama inayi ne makumi atanu, ne bambi ba mvidie mukaji Ashera nkama inayi, badi mukalenga mukaji Yezabele udisha.

Nehemya 9:30

Bidimu bia bungi, wewe kubafuila luse. Bambi bebe kupeta Mueyelu webe, kubela bantu bebe, kadi nanshabu kubateleja. Ke wewe kubafila mu bianza bia bantu benyi.

Yeshaya 65:7

Meme Maweja-Nangila ndi ngamba ne: ndi ntangila malu mabi avuabu benze, ne avua bankambua babu benze kabidi. Bobu aba bavua boshila mvidie yabu ya dishima manananshi pa mikuna minene. Bavua bankeba tshiji pa mikuna mikese. Nenku, nembanyoke amu kubanyoka, bilondeshile malu abu mabi onsu avuabu benze kale.

Yirmeya 18:15

Kadi bantu banyi bakadi bampue muoyi. Badi balambula milambu kudi mvidie idi kayiyi mvidie mene. Ke mudibu badishinde mu njila wabu, ke mudibu bumuke mu njila wabu wa kale, benda mu njila udi bantu kabayi banji kuenda.

Yirmeya 35:13

— Mpindiewu, ambila bena Yuda ne bantu badi basombe mu Yerushalayime ne: “Maweja-Nangila wa bukole buonsu, Mvidi Mukulu wa Izrayele udi wamba ne: Kanuena mua kuitaba mibelu yanyi, kuteleja tshindi nnuambila anyi?

Yirmeya 44:5

Kadi kanuena banteleje, kanuena bangata mibelu yabu ne mushinga, kanuena balekele kuenza malu mabi, nansha kulambula milambu kudi mvidie ya bantu ba bisamba bikuabu.

Osheya 11:7

Bantu banyi bena Izrayele mbantombokele. Badi babikila mvidie Baale. Kadi mvidie ewu kena mua kubambuluisha to.

Osheya 2:13

Nemmukandike masanka ende onsu: a ngendu ya kuya mu nzubu wa Mvidi Mukulu ku tshidimu tshionsu, a bibilu bia ngondu mupiamupia, a matuku ende a Dikisha, ne a matuku a bibilu bikuabu bia kutendelela.

Osheya 4:13

Badi balambula milambu ku nsongu ya mikuna. Badi bosha musenga wa manananshi pa mikuna, bua muinshi ubande mulu. Badi bimane muinshi mua mitshi: ya nsanga, ne mikuabu. Bualu dileji dia mitshi ayi, didi dibalengelela. Ke padi bana benu ba bakaji benda tshiendenda, bakaji ba bana benu ba balume, batomboka ku mabaka.

Osheya 4:17

Bena Efrayime mbanange mvidie. Nubalekele, mbapambuke kashidi.

Zekâya 1:4

Kanulondi malu avua bankambua benu benza. Bambi bavua bababela ku kale mu dina dianyi, bua balekele malu abu mabi ne ngenzelu yabu mibi. Kadi kabavua basue kubateleja. Kabavua bitabe.

Zekâya 7:11

Kadi bantu bavua babenga kuteleja. Bawa bangela nyima, bajibika ne matshi, bua kabumvu.

Luke 13:34

“Yerushalayime we, Yerushalayime we, wewe udi ushipa bambi. Bantu badi Mvidi Mukulu ukutumina, udi ubasa mabue. Misangu bungi munyi imvua musue kukongoloja bantu bebe, mudi nzolu ukunguja tuana tuende mu mapuapua. Kadi kuvua musue nansha.

Yowanane 3:19

Telejayi mudi tshilumbu pa buloba: butoke mbufike pa buloba, kadi bantu kunanga bikole miidima kumpala kua butoke, bualu badi benza malu mabi.

Bienzedi 7:51

Nuenu bantu ba mutu mukole, ba muoyi mupape, kanuena nuitaba ku lubila lua Mvidi Mukulu! Nudi amu nutombokela Mueyelu wa Tshijila! Muvua bankambua benu benza, ke munudi nuenza amu!

Balombodi 10:6

Bena Izrayele kuenza kabidi malu mabi adi Maweja-Nangila ubenga. Kutendelelabu mvidie mulume Baale, ne mvidie mukaji Astarte, kabidi ne mvidie ya bena Arame, ya bena Sidone, ya bena Mowabe, ya bena Amone ne ya bena Peleshete. Kulekelabu Maweja-Nangila, kabayi bamutendelela kabidi to.

Balombodi 2:13

Ke bena Izrayele kubenga Maweja-Nangila, bua kuya kutendelela mvidie Baale ne Astarte.

Balombodi 3:7

Bena Izrayele kuenza malu mabi avua Mvidi Mukulu wabu mubenge. Kupuabu Maweja-Nangila muoyi. Kutendelelabu mvidie Baale ne Ashera.