Osheya 11:11 - MUKANDA WA MYIDI MUKULU

¹¹ Nebafumine kabidi ku Ejipitu bu mudi nyunyi ya mishamisha, ne ku bena Ashure, bu mudi tshisaku tshia nyunyi ya nkudimba. “Nembapingaje mu ditunga diabu.” Ke mudi Maweja-Nangila wamba nanku.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nebafume ku Ejipitu bazakale bu nyunyu, nebafume ku buloba bua Ashû bu nyunyu wa nkutshi; nembashikike mu nsubu yabo kabidi. Â mmei adi Yehowa Wamba.

Osheya 11:11 ပူးပေါင်းရင်းမြစ်များ

Yeshaya 11:11

Dituku adi Maweja-Nangila neenze tshiakabidi muende muonsu, bua kupikula bantu bende. Neapingaje kuabu bavua bashale ne muoyi mu ditunga dia Ashure ne dia Ejipitu, mu ditunga dia Patrose ne dia Kushe, mu Elame ne mu Babilone, mu Amate wa bena Arame, ne mu matunga a ku muelelu wa mayi manene.

Yeshaya 60:8

Aba bonsu mbanganyi? Badi baya lukasa bu mavuba, bu tshisumbu tshia nkudimba idi ipingana mu tshilamba tshiayi.

Yirmeya 31:12

Nebafike pa mukuna wa Siyone, bela mbila ya disanka. Nebaleje mpala wa disanka, pamonabu bionsu bidibu bapeta kudi Maweja-Nangila: ntete ya kuenza bukula, maluvu mapiamapia, mafuta mimpe, mikoku, mbuji ne ngombe. Nebikale bu budimi budi ne mayi ntavule. Nebapete bionsu bidibu nabi dikenga.

Yezekiyele 34:27

Mitshi neyikuame bimuma. Buloba nebumeneshe biakudia. Muntu yonsu neasombe talala mu ditunga. Nensulule nkanu idibu basuika bantu banyi. Nembapikule kudi bavua babakuate ku bupika. Nanku nebajadike ne: meme ndi Maweja-Nangila.

Yezekiyele 34:28

Bivi ba mu matunga makuabu kabakubakuata kabidi to. Nyama ya tshisuku kayakubadia nansha. Nebasombe talala. Muntu nansha umue kakubakuatshisha kabidi bowa to.

Yezekiyele 37:21

Pashishe newambile bantu tshindi meme Maweja-Nangila Mvidi Mukulu mubamanyishe ne: “Nuenu bena Izrayele, nennupatule munkatshi mua bisamba bia bantu munuvua baye. Nennusangishe, nnupingaje mu ditunga dienu.

Yezekiyele 37:25

Nenusombe mu ditunga dimvua mupe muntu wanyi Yakobe, mutua bankambua benu basombe. Nenushalemu kashidi, nuenu, bana benu, ne ndelanganyi yenu yonsu. Muntu mufuanangane ne muntu wanyi Davide, neashale mukalenga wenu kashidi.

Osheya 3:5

Pashishe, bena Izrayele nebapingane kudi Maweja-Nangila. Nebapingane kudi Mvidi Mukulu wabu, ne kudi mukalenga wabu wa ku ndelanganyi ya Davide. Matuku atshidi kumpala, bena Izrayele nebakebe Maweja-Nangila, nebamunemeke, nebatekemene bintu amu kudiye.

Osheya 7:11

Bena Efrayime mbafuanangane ne nyunyi wa nkudimba mupale udi kayi ne lungenyi. Badi babikila bena Ejipitu bua babambuluishe. Pashishe badi banyema baye ku bena Ashure.

Obadya 1:17

Nanku bantu badi bashala ne muoyi, nebasombe mu Siyone. Mukuna wanyi awu newikale tshiakabidi wa tshijila. Ndelanganyi ya Yakobe, neyipingane mu ditunga diayi, divuabu babanyenge.

Zekâya 10:10

Nembumushe mu ditunga dia Ejipitu ne dia bena Ashure, nembapingaje kuabu, nenye nabu mu ditunga dia Ngilaade ne dia Lebanone. Kadi nansha mu matunga awu, kabakupeta muaba mukumbane.

Zekâya 8:7

Ndi nnulaya ne: neusungidile bantu banyi, badi mu bupika mu matunga a kudi diba dipatukila ne kudidi dibuelela.

Zekâya 8:8

Nembumushe ku matunga awu, bua kusombabu mu Yerushalayime. Nebikale bantu banyi, meme nengikale Mvidi Mukulu wabu. Nengikale mukalenga wabu, wa muoyi umue, udi ukosa nsambu pa yoyi.”