Osheya 10:5 - MUKANDA WA MYIDI MUKULU

⁵ Bena Samariya badi batendelela mvidie wa kana ka ngombe ka mpawungi kadi ku Betele-Awene. Batendeledi ba mvidie awu, ne bantu badi badiamba ne: tudi batuangaji, badi benza madilu manene kumpala kuende. Bantu abu badi batumbisha mvidie awu, kadi butumbi buende bumane kujimina.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bua muana wa ngombe wa ku Bete-awena Bena Samalea nebakuatshike buowa; bualu bua bantu bandi ne bakuidi bandi nebamuashile madilu; nebase muadi bua butumbi buandi, bualu bua buakûmuka kudiye.

Osheya 10:5 ပူးပေါင်းရင်းမြစ်များ

2 Bakalenga 10:29

Kadi Yehu uvua anu wenza buenzayi buvua Yerobowame, muana wa Nebate muenze, mufikishe bena Izrayele ku ditendelela dia bana ba ngombe ba tshiamu tshia mpawungi, bavua ku Betele ne ku Dane.

2 Bakalenga 17:16

Bavua balengulula meyi onsu a Maweja-Nangila Mvidi Mukulu wabu. Bavua badienzela mpingu ibidi ya tuana tua ngombe tua tshiamu tshiengulula, badienzela kabidi makunji a kutendelela. Bavua batendelela bintu bionsu bidi mu tshibuashibuashi, benzela mvidie Baale mudimu.

2 Bakalenga 23:5

Yoshiya kuipata batuangaji bavua batendelela mvidie, bavua bakalenga ba bena Yuda basungula bua kulambula milambu miaba ya kutendelela mvidie ivua mu bimenga bia bena Yuda, ne ivua pabuipi ne Yerushalayime. Yoshiya uvua muipate batuangaji aba, bualu bavua balambula milambu kudi mvidie Baale, mvidie Diba, mvidie Ngondu, kudi mitotu, ne kudi bintu bikuabu bionsu bidi mu tshibuashibuashi.

2 Kulondolola 11:15

Yerobowame nkayende kusungula bantu bua kuikalabu batuangaji miaba ivuabu batendelela mvidie, bakukuila mpingu ya mbuji ya mpumbu ne ya tuana tua ngombe.

2 Kulondolola 13:8

Mpindiewu nudi basue kubenga bukalenga budi Maweja-Nangila mupeshe ndelanganyi ya Davide. Nudi ne bena mvita ba bungi. Nudi ne tuana tua ngombe tua tshiamu tshia mpawungi tuvua Yerobowame munuenzeje bua tuikale mvidie yenu.

Yeshaya 46:2

Mvidie idi iteketa, mifuane kudishinda panshi. Kayena mua kusungidila mpingu yayi. Badi baya ne mvidie mene ayi mu bupika.

Osheya 13:2

Mpindiewu, monayi bena Efrayime abu, batshidi anu batungunuka ne buenzayi. mBadienzele mvidie, ne lupingu lua tshiamu tshitoke tshia mushinga mukole. Nansha mudimu ewu muenza kudi basongi ba mpingu, badi anu bamba ne: “Lambulayi mvidie ewu milambu!” Padi bantu bupukilangana ne mpingu ya tuana tua ngombe, nudi mua kumvua bualu ebu anyi?

Osheya 4:15

Nansha bena Izrayele bena tshiendenda, kadi nuenu bena Yuda, kanuikadi bena tshiendenda to! Kanuyi muaba wa tshijila udi mu Ngilgale. Kanuyi ku Betele-Awene, bua kuditshipa ne: “Bu mudi Maweja-Nangila ne muoyi.”

Osheya 5:8

Mu Ngibeya, elayi mpungi ya mvita. Mu Rama, elayi mpungi kabidi. Mu Betele-Awene, elayi lubila: bantu bambule bia mvita. Nuenu bena tshisamba tshia Binyamine, dimukayi, nudi mu njiwu!

Osheya 9:1

Nuenu bena Izrayele, kanuena mua kuenza tshibilu, nansha kusanka, mudi bisamba bikuabu bienza. Bualu nudi balekela Mvidi Mukulu wenu, nutendelela mvidie ya patupu. Miaba yonsu idibu bashipule ntete ya bukula, nudi nukeba difutu dia ku buenzavi buenu.

Osheya 9:11

Lumu lua bena Efrayime nelujimine, bu mudi nyunyi ya mishamisha ibuka, ijimina. Kabena mua kulela bana, kabena mua kuenda ne difu munda, kabena nansha mua kuimita.

Amosa 3:14

Dituku dindi nnyoka bena Izrayele, bua malu mabi avuabu benza, nennyangakaje bilambuilu bidi mu Betele. Nenkose nsengu idi ku matumba abi, imate panshi.

Sefanya 1:4

“Nennyoke badi basomba mu Yerushalayime, ne bantu bonsu badi mu Yuda. Nengumushe muaba ewu, bionsu biwabu batendelela nabi Baale. Nansha batuangaji ba nwidie ewu, kabena mua kubavuluka kabidi to.

Bienzedi 19:27

Ebi bidi bifuana kunyanga mudimu wetu, bifuana kabidi kumuenesha nzubu wa nwidie mukaji munene Artemise bu tshintu tshia tshianana. Nanku nwidie mukaji ewu, udi bantu bonsu ba mu Aziya ne ba mu buloba bujima bakukuila, kakuikala kabidi ne lumu to!

Yoshua 7:2

Pavua Yoshuwa mu Yeriko, uvua mutume bantu bua kutentekela tshimenga tshia Ayi. Ayi uvua luseke ludi diba dipatukila lua tshimenga tshia Betele, pabuipi ne tshimenga tshia Bete-Avene. Bobu bamane kutentekela tshimenga,

Balombodi 18:24

Mika kuandamuna ne: — Nudi bangate mvidie yanyi imvua mudienzele. Kabidi nudi bakuate mutuangaji wanyi. Tshiena mushale ne tshintu to. Kadi nudi nunkonka tshidi tshintonda bishi?