Osheya 10:14 - MUKANDA WA MYIDI MUKULU

¹⁴ Nanku, diyoyi dia mvita, nediumvuike munkatshi muenu. Bimenga bienu bionsu, bivuabu bakoleshe ne bimana, nebabiupule, anu muvua mukalenga Shalmane mupule Bete-Arbele, muzaze bamamu musangu umue ne bana bavuabu balele.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nunku diyoyo nedijuke munkatshi mua bana benu, misoko yenu yonso ya ngumbu ya nvita neyibutudibue, bu muakashiha Shalamana Bete-âbela mu dituku dia nvita; bakatshibula bamamu ne bana bakalelabo diatshimue.

Osheya 10:14 ပူးပေါင်းရင်းမြစ်များ

Genese 32:11

Maweja-Nangila, tshiena mukumbanyine dikasa dimpe diwudi muntutshishe meme, muena mudimu webe, kuyi upungila. Bualu mvua musabuke musulu wa Yardene ewu anu ne dikombu. Kadi mpindiewu nkadi ne bintu bisumbu bibidi ebi.

2 Bakalenga 17:16

Bavua balengulula meyi onsu a Maweja-Nangila Mvidi Mukulu wabu. Bavua badienzela mpingu ibidi ya tuana tua ngombe tua tshiamu tshiengulula, badienzela kabidi makunji a kutendelela. Bavua batendelela bintu bionsu bidi mu tshibuashibuashi, benzela mvidie Baale mudimu.

2 Bakalenga 17:3

Shalmanazere, mukalenga wa bena Ashure, kufika bua kumuluisha. Osheya kudifila kudiye, kumulambula milambu ya ku tshidimu ku tshidimu.

2 Bakalenga 18:33

Mvidie ya bantu ba bisamba bikuabu, kayivua munkandike bua meme kukuata ditunga diabu to.

Yeshaya 17:3

Bukalenga bua Efrayime kabuakuikala kabidi ne bena mvita. Bena Damase kabakuikala kabidi ne mukalenga to. Bantu badi bashala ne muoyi mu Damase, nebikale bakese, mudi bena Izrayele mene. Maweja-Nangila muena bukole buonsu, ke udi ujadika nanku awu.

Yeshaya 33:14

Mu Siyone, bena tshibawu badi bakuatshika bowa; badi kabayi bitaba Maweja-Nangila badi bazakala. “Nganyi wa kutudi washala pabuipi ne kapia aka kadi kabutulangana? Wa munkatshi muetu wasomba pamue, ne tshikutu tshitema kapia kashidi, udiku anyi?”

Yirmeya 13:14

Nembatutakaje mitu, baledi ne bana, bu mudibu batutakaja mulondu ne mukuabu. Tshiakufuila muntu nansha umue luse to. Nembabutule bonsu tshiyi nansha ne luse kashidi kanyi!”

Yirmeya 48:41

Nebakuate bimenga, nebabuele mu nzubu mikolesha ne bimana. Bilobu bia mvita bia bena Mowabe, bidi ne dikenga bu dia mukaji pa lulelu.

Osheya 10:15

Nuenu bena Izrayele, ke muanukengesha Maweja-Nangila nanku, bua tshikisu tshinuvua natshi. Dinda dionsu, anu myita ituadija, mukalenga wa bena Izrayele neafue.

Amosa 3:14

Dituku dindi nnyoka bena Izrayele, bua malu mabi avuabu benza, nennyangakaje bilambuilu bidi mu Betele. Nenkose nsengu idi ku matumba abi, imate panshi.

Amosa 3:8

Padi nyama wa ntambue ukungula, udi kayi ne bowa nnganyi? Padi Maweja-Nangila Mvidi Mukulu umanyisha bantu bualu, udi mua kubenga kubuambila bantu nnganyi?

Amosa 9:5

Maweja-Nangila Mvidi Mukulu wa bukole buonsu, udi ulenga buloba amu ne munu, bukadi buzakala, bukadi bubanda, bupueka, bu mayi mu musulu wa Nile, bonsu badi basombamu badila muadi.

Mika 5:11

Nengumbushe malu anudi nuenza a majimbu, kanuakuikala kabidi ne muntu udi ukeba kunujinguluila malu adi kumpala, pa ngendu ya mitotu ne bia mulu muamua.

Nahume 3:10

Nansha bikale nanku, baluishi kukuata tshimenga, kuya ne benatshi mu bupika. Kushipelabu ne bana mene, ku mielelu ya misesu yonsu. Kusuikabu bamfumu bonsu nkanu. Bavua batshimuna, kuabanyanganabu bakulu ba tshimenga, bangata ewu bende ewu bende.

Nahume 3:12

Ninive, bimana biwabu bakukoleshe nabi, bidi bu bimuma bia mfiku, bimane kupia. Nyukisha amu mutshi, bimuma bidi bimata mukana mua udi ne nzala.

Abakuke 1:10

Badi baseka bakalenga ba matunga, banaya nabu, batshimbakaja bakulu ba mu bukalenga buabu. Bimana bivua bantu bakoleshe nabi bimenga, badi babimona bu bintu bia tshianana, benza anu kabumba ka buloba, babandapu, bakuata tshimenga.