Osheya 10:10 - MUKANDA WA MYIDI MUKULU

¹⁰ Meme Maweja-Nangila ndi mufike bua kubanyoka. Bisamba bikuabu nebisangidile bena Izrayele, bua kubaluisha bua malu mabi, adibu benza misangu ne misangu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hanasua kubakengesha, nembakengeshe; ne ba mu bisamba bia bantu nebadisangishe hohamue bua kubabunda, hanabakengesha bua malu mabi abo abidi.

Osheya 10:10 ပူးပေါင်းရင်းမြစ်များ

1 Bakalenga 12:28

Mukalenga Yerobowame kuela meji, ukeba tshia kuenza. Pashishe kuenzaye tuana tua ngombe tubidi tua tshiamu tshia mpawungi. Kuambilaye bena Izrayele ne: — Nuvua nuya mu Yerushalayime misangu yonsu. Kadi mpindiewu kanuyi kabidi mu Yerushalayime to. Tangilayi Mvidi Mukulu wenu uvua munupatule mu Ejipitu udi muaba ewu.

Yobe 39:10

Udi mua kumusuika bua kukudiminaye budimi buebe anyi? Udi mua kukoka lukasu luebe ludi lushipa mabuwa mu tshibanda anyi?

Yeshaya 1:24

Ke padi mfumu munene, Maweja-Nangila muena bukole buonsu, Mvidi Mukulu wa bukole wa Izrayele, wamba ne: “Eyi! Nentekeshe baluishi banyi, nensombuele bena lukuna banyi.

Yirmeya 15:6

Maweja-Nangila udi wamba ne: Nuenu ke badi bambenga, bangela nyima. Ke mumvua mufike bua kunubutula, bualu bidi bintonda bua kunufuila luse.

Yirmeya 16:16

Maweja-Nangila udi wamba ne: ndi ntuma bilembi bia bungi bua bikuate bena Yuda, mudibu bakuata minyinyi ya mu mayi. Pashishe ndi ntuma bilembi bia bungi bua bibakebe miaba yonsu, mudibu bipata nyama mu mikuna minene ne mikese, too ne mu mbuebue.

Yirmeya 21:4

Maweja-Nangila Mvidi Mukulu wa bena Izrayele udi wamba ne: “Nudi nuluisha tshiluilu tshia mukalenga wa bena Babilone tshidi tshinunyunguluila. Kadi meme nengambuluishe baluishi benu, bua bena mvita benu badi baluangana kumpala kua bimana bia tshimenga banyeme, bapingane munda mua tshimenga.

Yezekiyele 16:37

Ke pandi nsangisha balume bonsu bauvua udisankisha nabu, ne bauvua munange, ne bauvua mubenge. Meme mumane kubasangisha bafume nseke yonsu, nenkuteke kumpala kuabu, nenkuvule bilamba biebe bionsu, bobu batangile.

Yezekiyele 16:42

Ke mundi mua kutalaja tshiji tshianyi, tshiyi nkumvuila kabidi mukawu. Nensombe talala. Tshiakufika munda kabidi to.

Yezekiyele 23:46

Meme Maweja-Nangila ndi ngamba ne: “Sangisha bantu bua kubaluisha. Babazakeje, babanyenge bintu biabu!

Yezekiyele 23:9

Diba adi, meme kumulekela mu bianza bia bananga bende bena Ashure, bavuaye mupite kunanga.

Yezekiyele 5:13

Nennuenzele mudi tshiji tshianyi tshingambila. Nennusombuele too ne pajika tshiji tshianyi tshionsu. Nanku nenujadike ne: Meme Maweja-Nangila mvua munuambile malu, bualu butomboji buenu kabuena bundengelela to.

Osheya 10:9

Maweja-Nangila udi wamba ne: Nuenu bena Izrayele, bituadije ku Ngibeya, kunuvua benze amu malu mabi, buenzayi buenu kabuena bujika to. Nanku, ki mbimpe kuluisha bantu babi abu, too ne ku Ngibeya anyi?

Osheya 4:19

Lupepele lua mvunde nelubambule. Nebikale ne bundu bua milambu yabu mibi.

Osheya 4:9

Batuangaji ne bena Izrayele, nembanyoke mushindu umue. Nembanyoke bua buenzayi buabu, nembakengeshe bua bubi buabu.

Osheya 8:1

Maweja-Nangila udi ungambila ne: Ela mpungi ya myita! Ela bibingu! Baluishi badi babuela mu ditunga dia Maweja-Nangila, bu nyunyi ya tshiminyi. Bualu Maweja-Nangila udi wamba ne: “Bena Izrayele mbanyange ndondu umvua mutue nabu. Kabena balonda mikenji yanyi.

Osheya 8:10

Nansha bena Efrayime bapeshe bisamba bikuabu mabuejila a bungi, tshikondu tshiakumbanyi, tshia meme kubakunguja muaba umue. Nanku, matuku makese aa, nebapete dinyoka kudi mukalenga wa bena Ashure.

Matayi 22:7

Mukalenga kufika munda bikole. Kutumaye tshiluilu tshiende, bua kushipa bashipianganyi aba, ne kuosha tshimenga tshiabu.

Dielulula 28:63

Bu muvua Maweja-Nangila musanke bua kunuenzela bimpe, nuenu kusangana, ke muasankaye kabidi bua kununyoka, kunufikila munda, kunubutula. Neanumushe mu ditunga divuaye munupe bua kusomba.