Osheya 1:7 - MUKANDA WA MYIDI MUKULU

⁷ Kadi, ntshidi amu munange bena Yuda. Meme Maweja-Nangila Mvidi Mukulu wabu nembasungidile: tshiyi ne buta bua mbale, tshiyi ne muele, tshiyi nduangana myita, tshiyi ne nyama ya tubalu, tshiyi ne bantu badi babanda pa nyama ya tubalu.”

Mukanda wa Nzambi Dihungila Dikulukulu ne Dihungila Dihia-dihia 2003

⁷ Kadi nenfuile Bena Yuda luse; nembahandishe ku bukole bua Yehowa Nzambi wabo, tshiena mbahandisha ku buta, anyi ku muele wa nvita, anyi ku nvita anyi ku tubalu anyi kudi bena tubalu.

Osheya 1:7 ပူးပေါင်းရင်းမြစ်များ

2 Bakalenga 19:29

“Kadi wewe Izkiya, ndi nkuleja bidi ne bua kuenzeka tshidimu etshi, neudie ntete ya kuenza bukula ya bidimenena nkayabi. Tshidimu tshialonda, neudie kabidi ntete ya bidimenena. Kadi tshidimu tshisatu, nenuyikune, nenuyinowe. Nenukune mionji yenu ya mvinyo, nenunue maluvu ayi.

2 Bakalenga 19:34

Nendame Yerushalayime. Nemmusungidile, bualu ndi Mvidi Mukulu. Kabidi ndi nnanga kashidi, muntu wanyi, Davide!”

2 Bakalenga 19:35

Butuku, mutumibue wa Maweja-Nangila kuya mu mitanda ya bena Ashure. Kushipayemu bantu balume binunu lukama ne makumi muanda mukulu ne bitanu. Butshia dinda, bantu bavua bashala ne muoyi babika ku tulu kumonabu bitalu bionsu abi.

2 Bakalenga 6:18

Kadi, bena mvita ba bena Siriya kusemena pabuipi ne muambi Elisha. Muambi Elisha kutendelela kabidi Maweja-Nangila, wamba ne: — Maweja-Nangila, ufofamije mesu a bena mvita aba. Ke Maweja-Nangila kufofamija mesu abu, bu muvua muambi Elisha mulombe.

Misambu 33:16

Mukalenga kena upandila mu mvita bua bungi bua basalayi bende. Tshilobu kena utshimuna bua dikanda diende nansha.

Misambu 44:7

Tshiena ntekemena ku buta buanyi, nansha muele wanyi kawena ungambuluisha.

Ekesode 14:13

Moshe kuandamuna bena Izrayele ne: — Nukoleshe muoyi. Kanutshinyi to! Nenumone mudi Maweja-Nangila unupandisha lelu. Bena Ejipitu banudi bamona aba, katshia kanuakubamona kabidi to.

Ekesode 14:30

Dituku adi ke divua Maweja-Nangila musungidile bena Izrayele ku bianza bia bena Ejipitu. Bena Izrayele kumona bitalu bia bena Ejipitu ku muelelu wa mayi.

Yeshaya 12:2

“Monayi mudi Mvidi Mukulu umpandisha. Ndi ne ditalala munda, tshiena ntshina tshintu to. Maweja-Nangila ke bukole buanyi. Ndi mmuimbila, bualu uvua munsungidile.”

Yeshaya 30:18

Kadi Maweja-Nangila udi windila, utekemena matuku onsu, diba didiye mua kunufuila luse. Udi ukeba mudiye mua kunuambuluisha. Bualu Maweja-Nangila udi Mvidi Mukulu, udi wenza bionsu amu bimpe. Bonsu badi batekemena kudi Mvidi Mukulu, mbena diakalenga.

Yeshaya 49:6

Yeye kungambila ne: “Kabiena bikumbana bua wikale muena mudimu wanyi anu bua kujula tshisamba tshia Yakobe, ne bua kupingaja kundi bena Izrayele badi bashale ne muoyi. Kadi ndi mukuteke kabidi butoke bua bukua bisamba, bua umone mua kupandisha bantu too ne ku ntengu ya buloba.”

Yeshaya 7:14

Nanku Maweja-Nangila nkayende neakupeshe tshimanyinu: nsongakaji neimite difu. Nealele muana wa balume. Neamuinyike Emanuwele, mmumue ne: “Mvidi Mukulu udi netu.”

Yirmeya 25:5

Maweja-Nangila kunuambila ne: “Muntu yonsu wa kunudi adilengeje, alekele malu mabi adiye wenza! Nanku, nenusombe kashidi ne kashidi mu ditunga edi dimvua munupe nuenu ne bankambua benu.

Yirmeya 25:6

Panualekela kulonda mvidie ya bantu ba bisamba bikuabu, kuyikukuila, kuyitendelela, panualekela kumfikisha munda ne mvidie yenu inuvua nudienzela, nanku tshiakunuenzela bibi to.”

Yirmeya 33:26

Nanku, nudi mua kuitaba ne: ndi mubenge ndelanganyi ya Yakobe ne ya muntu wanyi Davide anyi? Nudi mua kuitaba ne: munkatshi muabu tshiakuangata kabidi bamfumu badi balombola tshisamba tshia Abrahame, tshia Izake ne tshia Yakobe anyi? “Kabiena nanku to! Kadi ndi mubanange bushuwa, nembapeshe kabidi diakalenga.”

Osheya 1:8

Tshibengabu mumane kulekela dibele, Ngomere kuimita difu dikuabu, kulela muana wa balume.

1 Samuele 17:47

Bena Izrayele bonsu nebajadike ne: Maweja-Nangila bua kutshimunaye, kena ukengela muela, nansha musongolu to. Udi mfumu wa mvita eyi. Neanufile nuenu bena Peleshete mu bianza bietu.