Osheya 1:1 - MUKANDA WA MYIDI MUKULU

¹ Mu mukanda ewu, mudi malu avua Maweja-Nangila muambile Osheya, muana wa Beyeri. Tshikondu atshi, Yerobowame, muana wa Yowashe, ke uvua mukalenga mu buloba bua Izrayele. Uziya, Yotame, Akaze ne Izkiya, ke bawa bakalenga mu buloba bua Yuda.

Mukanda wa Nzambi Dihungila Dikulukulu ne Dihungila Dihia-dihia 2003

¹ Dî dia Yehowa diakalua kudi Hoshea, muana wa Beli, mu matuku a Uziya, Yotama, Ahaza ne Hezikiya, bakelenge ba Yuda, ne mu matuku a Yalobama, muana wa Yoasha, mukelenge wa Isalele.

Osheya 1:1 ပူးပေါင်းရင်းမြစ်များ

2 Bakalenga 13:13

Yowashe mumane kufua, kumujiikabu mu Samariya mu lukita lua bakalenga ba bena Izrayele. Nanku, muanende wa balume Yerobowame, kumupingana mu bukalenga.

2 Bakalenga 14:16

Yowashe mumane kufua, kumujiikabu mu Samariya, mu lukita lua bakalenga ba bena Izrayele. Nanku, muanende wa balume Yerobowame kumupingana mu bukalenga.

2 Bakalenga 14:23

Amashiya, muana wa Yowashe, mumane kulala mu bukalenga bua bena Yuda bidimu dikumi ne bitanu, Yerobowame, muana wa Yowashe, kubuela mu bukalenga bua bena Izrayele mu Samariya. Kushalaye mu bukalenga bidimu makumi anayi ne tshimue.

2 Bakalenga 15:32

Peka, muana wa Remalya, mumane kulala mu bukalenga bua bena Izrayele bidimu bibidi, Yotame, muana wa Azariya kudia bukalenga bua mu Yuda,

2 Bakalenga 15:5

Nanku, Maweja-Nangila kusamisha Azariya bikole. Mukalenga kupeta disama dia nsudi. Kushalaye nadi too ne ku lulu luende. Azariya uvua ne bua kusomba anu ku luseke pa nkayende. Muanende wa balume Yotame, uvua mulombodi wa nzubu wa bukalenga. Ke uvuabu bapesha mudimu wa kulombola ditunga.

2 Bakalenga 15:7

Azariya mumane kufua, kumujiikabu mu lukita lua bena diku diabu, luvua mu Tshimenga tshia Davide. Muanende wa balume Yotame kumupingana mu bukalenga.

2 Kulondolola 27:1

Yotame uvua anu ne bidimu makumi abidi ne bitanu, pawaye mubuele mu bukalenga bua bena Yuda. Kushalaye mu bukalenga bidimu dikumi ne bisambombu mu Yerushalayime. Mamuende wa Yotame uvua Yerusha, muana wa Sadoke.

2 Kulondolola 28:1

Akaze uvua ne bidimu makumi abidi, pawaye mubuele mu bukalenga bua bena Yuda. Uvua mushale mu bukalenga bidimu dikumi ne bisambombu mu Yerushalayime. Kavua muenze malu avua Maweja-Nangila musue, bu avua nkambua wende Davide muenze.

2 Kulondolola 29:33

Bavua bafila kabidi ngombe nkama isambombu, mikoku ne mbuji binunu bisatu bua milambu mikuabu.

Yeshaya 1:1

Mu tshikondu tshivua Uziya, Yotame, Akaze, ne Izkiya, bakalenga ba Yuda, Yeshaya, muana wa Amose, uvua mumanyishe bantu malu avua Maweja-Nangila mumuleje, adi atangila bukalenga bua Yuda ne tshimenga tshia Yerushalayime.

Yeshaya 7:1

Tshikondu tshivua Akaze, muana wa Yotame, ne muikulu wa Uziya, mukalenga wa bena Yuda, mukalenga Resine wa bena Arame kufika ne Peka, muana wa Remalya, uvua mukalenga wa bena Izrayele, bua kuluisha tshimenga tshia Yerushalayime. Kadi kabavua batshikuate to.

Yirmeya 1:2

Yoshiya, muana wa Amone, mumane kulala mu bukalenga bua bena Yuda bidimu dikumi ne bisatu, Maweja-Nangila kutuadija kuambila Yirmeya malu onsu aa.

Yirmeya 1:4

Maweja-Nangila kungambila ne:

Yezekiyele 1:3

Nanku matuku atanu a ngondu, kuine aku, mu ditunga dia Babilone, ku muelelu wa musulu wa Kebare, Maweja-Nangila kungambila malu. Meme kumtua bukole buende pambidi panyi.

Yowele 1:1

Telejayi miaku ivua Maweja-Nangila mumanyishe Yowele, muana wa Petuwele.

Amosa 1:1

Mu mukanda ewu mbafunde miaku ya Amosa, mumunyi wa nyama, wa mu musoku wa Tekowa. Maweja-Nangila uvua mumumanyishe malu avua atangila bukalenga bua bena Izrayele, bidimu bibidi kumpala kua tshikumina tshinene. Mu tshikondu tshiwa Uziya mukalenga wa bena Yuda, ne Yerobowame, muana wa Yowashe, mukalenga wa bena Izrayele,

Yona 1:1

Dituku dikuabu, Maweja-Nangila kuambila Yona, muana wa Amitayi, ne:

Mika 1:1

Telejayi bivua Maweja-Nangila muambile Mika, muena mu musoku wa Moreshete, mu tshikondu tshiwa Yotame, Akaze, ne Izkiya, bakalenga ba mu Yuda. Maweja-Nangila uvua mumuleje malu adi atangila bimenga bibidi: tshia Samariya ne tshia Yerushalayime.

Zekâya 1:1

Mu ngondu wa muanda mukulu wa tshidimu tshibidi tshia bukalenga bua Daryaveshe, Maweja-Nangila kuambila muambi Zekarya, muana wa Berekiya, ne muikulu wa Ido, ne:

Yowanane 10:35

Tudi bamanye ne: kabena mua kushipa tshidi Mukanda wa tshijila ujadika. Bavuaye umanyisha miaku yende, Mvidi Mukulu uvua mubinyike ne: mmvidie.

Rome 9:25

Ke bidibu bafunde mu mukanda wa Osheya ne: “Tshisamba tshia bantu bavua kabayi banyi, ne ntshibikile ne: ntshia bantu banyi. Bantu bamvua tshiyi munange, nembabikile ne: mbandi nnanga.

2 Petro 1:21

Bualu bivua bambi batumanyishe kabivua bifuma ku disua nkayadi dia muntu. Kadi bambi bavua bakula mu dina dia Mvidi Mukulu, bualu Mueyelu wa Tshijila uvua ubaludika.