Obadya 1:9 - MUKANDA WA MYIDI MUKULU

⁹ Wewe tshimenga tshia Temane, bilobu biebe bia myita nebikuatshike bowa. Bena myita ba mu ditunga diebe, nebabashipe bonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Temena, bena bukitu bebe nebakuatshike buowa, ne muntu yonso neashihibue ne neumushibue ku mukuna wa Esau.

Obadya 1:9 ပူးပေါင်းရင်းမြစ်များ

Genese 36:11

Elifaze kulela bana ba balume batanu: Temane, Omare, Sefo, Ngatame ne Kenaze.

Yobe 2:11

Balunda basatu ba Yobe kumvuabu lumu lua makenga onsu avua makuate Yobe. Kumukabu mu matunga abu, mena abu adi nenku: Elifaze, muena mu tshimenga tshia Temane, Bildade wa mu buloba bua Shuka, Sofare wa mu buloba bua Naama. Bavua bumvuangane bua kuya kukolesha Yobe ku muoyi, ne kumusamba.

Yirmeya 49:20

Nanku, teleja tshidi Maweja-Nangila musue kuenzela bena Edome, tshidiye mulongoluele bena Temane. Kanuedi mpata: bana ne bena butekete mene, nebaye nabu bonsu, bu mudibu basaka bimuna.

Yirmeya 49:22

Baluishi nebatantshile pabuipi ne Bosra mudi nyunyi wa mukanku ujinguluka mulu. Dituku adi, bilobu bia mvita bia bena Edome nebikenge bu mukaji udi pa lulelu.

Yirmeya 49:7

Maweja-Nangila wa bukole buonsu udi umanyisha malu adi atangila bena Edome, wamba ne: Bena meji kabena kabidi mu Temane anyi? Bena lungenyi lutue kabena mua kufila kabidi ngenyi anyi? Lungenyi luabu ndunyanguke anyi?

Yezekiyele 25:13

Kadi meme Maweja-Nangila Mvidi Mukulu ndi njadika ne: Nennyoke bena Edome bikole. Nembutule bantu ne nyama bidi mu ditunga diabu. Ditunga nedishale tshipela, biangatshile ku tshimenga tshia Temane too ne ku tshia Dedane. Bantu ba mu ditunga dia Edome nebafue mu mvita.

Amosa 1:12

Nengoshe tshimenga tshia Temane. Kapia nekashidishe nzubu mimpe idi mu Bosra.”

Amosa 2:16

Nansha bena bukitu ba muoyi mukole, nebanyeme bamane kuimansha bia mvita. Meme Maweja-Nangila ndi njadika nanku.”

Obadya 1:21

Bobu bamane kutshimuna, nebabande pa mukuna wa Siyone, bua kuikalabu bamfumu ba bena Edome. Ke mudi Maweja-Nangila ujadika bumfumu buende nanku.

Obadya 1:5

Pikala bivi anyi bapawudi ba bintu bafike ku nzubu kuebe butuku, nebangate bionsu bidibu mua kuya nabi. Kuakushala ne tshintu to! Pikala banowi bafike mu budimi buebe bua nwinyo, kabakushiya bintu bia kupumbulula to.

Nahume 3:13

Bena mvita bebe badi amu bu bakaji. Biibi bikole bia bimenga bia mu ditunga diebe, bidi bidiunzulukila, baluishi babuela. Kapia kadi kosha mabaya adibu bapayike ku biibi.

Abakuke 3:3

Mvidi Mukulu udi utumina ku Temane, Mvidi Mukulu wa tshijila udi upueka ku mikuna ya Parane. Diulu ndiwule tente ne buneme buende, buloba tente ne lumu luende.

Dielulula 2:5

Kanubabundi to. Tshiakunupesha kantu ka mu ditunga diabu to, nansha katupa ka buloba kakese. Bualu ndi mumane kupesha ndelanganyi ya Esawu mikuna ya Seyire.