Nsumuinu 9:18 - MUKANDA WA MYIDI MUKULU

¹⁸ Kadi bantu badi balonda matshimbu kabena bamanye ne: tudi bisangila ku mesa awu ne bafue. Bantu bavua babuele nende mu nzubu, mbamane kuya muaba udi lufu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Kadi muntu au kena mumanye ne, Bafue badimu; kena mumanye ne, Badi bamuendela buenyi badi mu ndondo wa Muaba wa Bafue.

Nsumuinu 9:18 ပူးပေါင်းရင်းမြစ်များ

Misambu 82:5

“Kadi kanuena numvua, kanuena bamanye tshintu nansha tshimue, nudi mu miidima, nuenda nububuta, ke padi bantu bakeba kubutuka.

Nsumuinu 1:32

Bualu tshibulengenyi udi ubutuka padiye ubenga meji. Kalengu ka bantu bapote kadi kabajimija.

Nsumuinu 1:7

Muntu udi musue kupeta meji, atshine, kabidi anemeke Maweja-Nangila. Bantu badi bapepeja malongesha ne mibelu bia bena meji mbatshimbakane.

Nsumuinu 5:5

Malu adiye wenza neakufikishe ku lufu. Njila udiye ulonda udi uya buludi ne ku bafue.

Nsumuinu 6:26

Mukaji muena tshiendenda, badi bamufuta amu tshiakudia tshikese. Kadi bua mukaji wa bende, muntu neajimije bionsu bidiye nabi.

Nsumuinu 7:26

Bualu mukaji wa nenku mmubutule bantu ba bungi. Nansha bavua badiamba ne: tuetu tudi ne muoyi mukole, mbapone mu mateyi ende.

Nsumuinu 7:27

Kuya ku nzubu kua mukaji wa nenku nkubuela muaba wa lufu, nkupueka mu lupongu ludi luyamu.

2 Petro 3:5

mBapue muoyi ku bukole muvua Mvidi Mukulu muakule ku kale, mufuke diulu ne buloba ku muaku wende. Bavua bapatule buloba mu mayi; mpindiewu budi bulelemapu.