Nsumuinu 8:32 - MUKANDA WA MYIDI MUKULU

³² “Kadi mpindiewu, bana banyi, ntelejayi. Panuikala nulonda mibelu yanyi, nenupete diakalenga.

Mukanda wa Nzambi Dihungila Dikulukulu ne Dihungila Dihia-dihia 2003

³² Nunku, bana banyi ba balume nungunvuile: bua badi balamata mu nshila yanyi badi ne disanka.

Nsumuinu 8:32 ပူးပေါင်းရင်းမြစ်များ

2 Samuele 22:22

Ndi nkumbaja mikenji ya Maweja-Nangila. Tshiena ngenzela Mvidi Mukulu wanyi bibi to.

Yobe 28:22

Lufu nansha kandondu ka bafua bidi biamba ne: “Eyowa, tuvua bumvua amu bantu bakula bua meji.”

Misambu 128:1

Musambu wa bena ngendu. Bantu bonsu badi bitaba Maweja-Nangila, balonda njila wende, badi ne disanka!

Misambu 18:21

Maweja-Nangila mmungenzele bimpe, bualu tshivua muenze bibi. Mmunsankishe, bualu ku muela wanyi kakuvua mashi.

Nsumuinu 29:18

Padi bambi kabayi bamanyisha malu a kudi Maweja-Nangila, bantu badi basomba mu bubi. Kadi muntu udi ulama mikenji ya Mvidi Mukulu mmuena diakalenga.

Nsumuinu 3:13

Muntu udi mupete meji, muikale ne lungenyi, mmuena diakalenga.

Nsumuinu 3:18

Meji adi mpokolu wa muoyi ne wa diakalenga, kudi bantu badi benza mudiwu abalongesha.

Nsumuinu 5:7

Nanku, muananyi, unteleje, ulonde mibelu yanyi.

Nsumuinu 7:24

Bana banyi, ntelejayi mpindiewu! Umvuayi mundi ngamba.

Luke 11:28

Kadi Yezu kumuandamuna ne: — To! Badi bateleja muaku wa Mvidi Mukulu, baukumbaja, ke bena diakalenga!