Nsumuinu 8:14 - MUKANDA WA MYIDI MUKULU

¹⁴ Mudimu wanyi nkubela ne kudimujangana. Ndi lungenyi mene. Meme ke udi upeshangana bukole.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Ndi mua kulesha bantu lungenyi, ndi meji a kukuatshisha nʼau bantu; ndi dijingulula dia mianda, ndi ne bukole.

Nsumuinu 8:14 ပူးပေါင်းရင်းမြစ်များ

Yobe 12:13

Kadi udi ujingulula malu, udi lungenyi lutue, udi amu Mvidi Mukulu. Yeye udi kabidi ne bukole ne meji, bidiye ne bua kukumbaja.

Nsumuinu 1:25

Nudi nubenga mibelu yanyi yonsu. Nudi nulengulula bindi nnulongesha.

Nsumuinu 18:1

Muntu udi udinanga, udi udilamuna kudi bakuabu. Udi ufika munda padibu bafila meji makuabu.

Nsumuinu 19:20

Teleja mibelu, wanyisha bua bakulongeshe. Nanku neushale muntu wa lungenyi.

Nsumuinu 24:5

Meji a muntu ke bukole buende. Dimanya diende didi divudija bumfumu buende.

Nsumuinu 3:21

Muananyi, tekemena lungenyi ne meji. Nebikuludike kashidi. Kubilekedi.

Muambi 7:19

Meji adi aludika bilenga udi nawu, bipite mudi balombodi dikumi mua kuludika tshimenga tshimue.

Yeshaya 28:29

Lungenyi lua kuenza nanku ludi lufuma kabidi kudi Maweja-Nangila muena bukole buonsu. Mvidi Mukulu udi uleja bantu nanku, mudi meji ende a kukema, mudiye mumanye malu onsu.

Yeshaya 40:14

Bua kupeta meji, Mvidi Mukulu uvua muyukile ne nganyi? Uvua mumulongeshe, mumuleje mua kupita, mumumvuije njila wa kulonda nnganyi mene awu?

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Yirmeya 32:19

Udi wela meji ku malu manene audi musue kuenza. Kabidi udi ne bukole bua kuakumbaja. Udi utangila bimpe malu adi bantu benza. Udi ufuta muntu yonsu bilondeshile bidiye wenza.

Yowanane 1:9

Butoke ebu ke butoke bulelela budi bufika pa buloba bua kutokesha bantu bonsu.

Rome 1:22

Badi baditemba ne: tudi bena meji, kadi badi bantu bapale.

1 Korente 1:24

Kadi bua bonsu badi Mvidi Mukulu mubikile, nansha bena Yuda nansha bantu ba bisamba bikuabu, Kristu udi bukole bua Mvidi Mukulu, kabidi ne meji a Mvidi Mukulu.

1 Korente 1:30

Kadi Mvidi Mukulu mmunusange ne Yezu Kristu. mMuenze Kristu meji etu. Kristu udi utubingisha kumpala kua Mvidi Mukulu, utuenza bantu bende ba tshijila, utupikula kabidi ku bubi.

Kolose 2:3

Yeye ke nsapi idi ikangula, yunzulula bibutshilu bisokome bionsu bia meji ne lungenyi bia kudi Mvidi Mukulu.