Nsumuinu 7:10 - MUKANDA WA MYIDI MUKULU

¹⁰ Ke mukaji awu kuvua kumuakidila, muvuale bu mukaji muena buendenda, budimu munda tente.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Monai! Mukashi udi ulua kumuakidila, muluate bivualu bia mukashi wa masandi, muikale ne mutshima wa budimu.

Nsumuinu 7:10 ပူးပေါင်းရင်းမြစ်များ

Genese 3:1

Nyoka uvua mudimuke mupite nyama yonsu ivua Maweja-Nangila Mvidi Mukulu mufuke. Nyoka kukonka mukaji ne: — Mbulelela menemene Mvidi Mukulu mmunukandike ne: kanudi bimuma bia mitshi yonsu idi mu lupangu anyi?

2 Bakalenga 9:22

Anu Yorame usambakena ne Yehu, kumukonkaye ne: — Yehu, malu kaayi? Yehu kuandamuna ne: — Udi unkonka nanku bua tshinyi? Udi mumanye bimpe ne: mamuebe Yezabele utshidi utendelela mvidie ya dishima, kabidi utshidi wenza majimbu…

2 Bakalenga 9:30

Yezabele kumvuaye lumu lua bionsu bivua bienzeka abi. Kudilabaye bilabu pa makiki, kudilengejaye bimpe. Yehu ufika mu Yizreyele, Yezabele kuimana ku dididishi, mutangile Yehu.

Nsumuinu 23:28

Badi balaminangana mu njila bu mudi bivi benza. Bakadi bamane kupambula bantu bapite bungi.

Yeshaya 23:16

Wewe mukaji muena tshiendenda, udibu kabayi bavuluka kabidi, angata lunzenze luebe, wendakane mu tshimenga. Imba lunzenze luebe bimpe, imba amu kuimba misambu. Bumue bantu nebakuvuluke.

Yirmeya 4:30

Kadi, wewe Yerushalayime, utshidi uvuala bilamba bikunze bimpe bua tshinyi? Utshidi uvuala bilengejilu biebe bia mpawungi, utshidi ulaba mishila pa makiki bua tshinyi? Udi mudilengeje tshianana. Bavua bakunange, mbamane kukubenga. Badi bajinga kukushipa.

1 Timote 2:9

Ndi musue kabidi bua bantu bakaji bavuale mvuadilu wa kanemu, badilengeje kabayi badileja. Baluke nsuki pa ndukilu mulenga. Kabavuadi bilengejilu bia tshiamu tshia mpawungi, nansha bia mabue a busanga, nansha bilamba bia mushinga mukole.