Nsumuinu 6:3 - MUKANDA WA MYIDI MUKULU

³ Diba adi udi ku bumfumu bua muntu uuvua musombeshangane nende lupetu. Nanku, bua wewe kupatuka mu bualu ebu: uye kumonangana nende, umusengelele, umulombe bikole bua akupatule mu bualu ebu.

Mukanda wa Nzambi Dihungila Dikulukulu ne Dihungila Dihia-dihia 2003

³ enza nunku, muanʼanyi, bua kudi handisha, bualu bua wakubuela mu tshianza tshia muena mutumba nʼebe: ya, udihuekeshe, wenzeshe muena mutumba nʼebe ne mei a dinanukila.

Nsumuinu 6:3 ပူးပေါင်းရင်းမြစ်များ

2 Samuele 24:14

Davide kuandamuna ne: — Ndi munkatshi mua dikenga dikole…Kadi, ndi musue kushala anu mu bianza bia Maweja-Nangila pa mutu pa kuikala mu bianza bia bantu. Bualu Maweja-Nangila udi ne luse.

2 Kulondolola 12:5

Pavua Shishake wenda usemena pabuipi ne tshimenga, muambi Shemaya kumonangana ne mukalenga Robowame, kabidi ne bamfumu ba bena Yuda bavua basangile mu Yerushalayime. Kubambilaye ne: — Maweja-Nangila udi wamba ne: “Nudi bandekele! Nanku, meme kabidi ndi nnutekela mu bianza bia Shishake.”

2 Kulondolola 36:12

Uvua wenza malu adi Maweja-Nangila Mvidi Mukulu wende mubenge. Uvua mubenge kutonda bubi buende kumpala kua muambi Yirmeya, uvua umumanyisha malu avua Maweja-Nangila muambe.

Misambu 31:8

Ndi nsanka, ntshionkomoka, bualu uvua mungenzele bimpe, mumone dikenga dianyi, muvuluke dibungama dianyi.

Ekesode 10:3

Moshe ne Arone kuya kudi mukalenga wa bena Ejipitu, kumuambila ne: — Maweja-Nangila Mvidi Mukulu wa bena Ebrewu, udi wamba ne: “Mbimpe udipuekeshe kumpala kuanyi. Ulekele bantu banyi bena Izrayele baye kuntendelela.

Nsumuinu 6:2

Udi mulaye bua kukumbaja biuvua muambe anyi? Malaya ebe adi akukuata anyi?

Nsumuinu 6:4

Kuikisha nansha kakese, kuladi to, amu wewe mumane kupatuka mu tshilumbu atshi.

Yakobe 4:10

Nudipuekeshe kumpala kua Mfumu. Yeye neanubandishe.