Nsumuinu 6:16 - MUKANDA WA MYIDI MUKULU

¹⁶ Kudi malu asambombu adi Maweja-Nangila ubenga, adiye udiwula kashidi:

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Mianda isambombo idiku idi Yehowa ukina; e, mianda muanda mutekete idi imunyingalasha:

Nsumuinu 6:16 ပူးပေါင်းရင်းမြစ်များ

2 Bakalenga 21:16

Mukalenga Menashe uvua mushipe bantu bapite bungi, bavua kabayi ne bualu to. Tshimenga tshia Yerushalayime tshijima, tshivua ne mashi mapite bungi. Bubi ebu, badi babusangisha kabidi ku buenzayi bonsu budi Menashe muenze, bua kufikisha bena Yuda ku dienza malu adi Maweja-Nangila mubenge.

Yobe 5:19

Mvidi Mukulu neansungidile mu njiwu, too ne ku diba didi dikenga kadiyi mua kukukuata kabidi to.

Misambu 11:5

Udi mumanye bantu, ne badi bamulamata, ne badi bamubenga. Udi ukina muende muonsu badi bajula tshinyangu.

Misambu 5:7

Wewe udi ubutula bena dishima, ubenga badi bashipa bantu, nansha badi babadinga.

Nsumuinu 11:1

Maweja-Nangila udi udiwula bantu badi ne bitempelu bia dishima, kadi udi wanyisha badi bapima bintu mudibi.

Nsumuinu 11:20

Maweja-Nangila udi upetula bantu bena budimu. Kadi udi wanyisha bantu ba muoyi umue.

Nsumuinu 12:22

Maweja-Nangila udi udiwula bena dishima. Kadi udi wanyisha badi bamba malu pa wowu.

Nsumuinu 17:15

Mubingishi wa muena tshibawu, ne mupishi wa muntu muakane, mbantu babidi badi Maweja-Nangila udiwula mushindu wa momumue.

Nsumuinu 20:10

Kupima bujitu nansha bule bua tshintu ne bipimu bia kudinga nabi bantu, nngenzelu udi Maweja-Nangila udiwula bikole.

Nsumuinu 20:23

Maweja-Nangila udi udiwula majitu adibu bapima badinga bantu. Udi ubenga tshipimu tshia dishima.

Nsumuinu 21:4

Mpala wa kapeja ne muoyi wa ditambisha ke bidi bileja bubi bua muena lonji.

Nsumuinu 3:32

Bualu Maweja-Nangila udi udiwula bantu badi benza malu mabi, kadi udi umvuangana ne bantu bakane.

Nsumuinu 30:18

Kudi bintu bisatu bindi tshiyi mua kumvua: mudi nyunyi ya tshiminyi ibuka mulu, mudi nyoka ulandala pa dibue, mudi majuwa enda munkatshi mua mayi manene. Kadi kudi kabidi tshinayi tshindi tshiyi ngumvua: mudi mulume usangana njila udi umufikisha kudi mukaji.

Nsumuinu 30:21

Kudi malu asatu adi bantu kabayi mua kuanyisha, bualu adi akemesha buloba bujima:

Nsumuinu 30:24

Mudi mishindu inayi ya nyama mikese, kadi mikale ne meji a bungi pa buloba:

Nsumuinu 30:29

Kudi bintu bisatu bidi bienda madiunda, bitua ntunku pa buloba, mbiebi:

Nsumuinu 6:15

Nanku neabutuke diakamue, neafue kakuyi mushindu udiye mua kupanda.

Nsumuinu 6:17

mesu a ditambisha, ludimi lua muena dishima, bianza bidi bishipa bantu badi kabayi ne tshilumbu,

Nsumuinu 8:13

Kutshina Maweja-Nangila ke kudiwula bubi. Meme ndi ndiwula ditambisha ne budiambi, ngenzelu mibi, ne miaku ya dishima.

Yirmeya 26:15

Kadi nuenu banshipe, numanye ne: nudi bashipe muntu udi kayi ne bualu. Nanku nebanunyoke bualu buanyi, nuenu ne bantu bonsu badi basomba mu tshimenga etshi. Bualu Maweja-Nangila mmuntume menemene bua kunuambila malu onsu aa.

Amosa 1:11

Teleja tshidi Maweja-Nangila wamba ne: “Ndi ndumbuluisha bena Edome, mbapisha bua malu mabi mavule, kadi nangananga, bualu bavua balondakaja, ne muele wa mvita mu bianza, bana babu bena Izrayele. Kabavua ne luse nansha lua kana. Bavua balamina bana babu lukuna kashidi, babafikila munda, bakeba kubabutula. Nanku tshiena mua kubafuila luse! Nenkumbaje bindi mujadike ne:

Amosa 1:3

Teleja tshidi Maweja-Nangila wamba ne: “Ndi ndumbuluisha bena Arame ba mu Damase, mbapisha bua malu mabi mavule, kadi nangananga, bualu mbakengeshe ne lonji lukole, bantu badi basomba mu ditunga dia Ngilaade. Nanku tshiena mua kubafuila luse. Nenkumbaje bindi mujadike ne:

Amosa 1:6

Teleja tshidi Maweja-Nangila wamba ne: “Ndi ndumbuluisha bena Peleshete ba mu Ngaza, mbapishe bua malu mabi mavule, kadi nangananga, bualu mbakuate bantu bonsu mu misoku mivule, baye nabu, babasumbishe mu bupika kudi bena Edome. Nanku tshiena mua kubafuila luse! Nenkumbaje bindi mujadike ne:

Amosa 1:9

Telejayi tshidi Maweja-Nangila wamba ne: “Ndi ndumbuluisha bena Fenisiya ba mu Tire, mbapisha bua malu mabi mavule, kadi nangananga, bualu kabavua bavuluka ndondu uvuabu batue ne bena Izrayele. Mu misoku mivule mbakuate bantu bonsu, baye nabu, babasumbishe kudi bena Edome. Nanku tshiena mua kubafuila luse! Nenkumbaje bindi mujadike ne:

Amosa 2:1

Teleja tshidi Maweja-Nangila wamba ne: “Ndi ndumbuluisha bena Mowabe, mbapisha bua malu mabi mavule, kadi nangananga, bualu bakosha mifuba ya mukalenga wa bena Edome, bua kuenza nayi lupemba. Nanku tshiena mua kubafuila luse! Nenkumbaje bindi mujadike ne:

Amosa 2:4

Teleja tshidi Maweja-Nangila wamba ne: “Ndi ndumbuluisha bena Yuda, mbapisha bua malu mabi mavule, kadi nangananga, bualu mbalengulule malu onsu amvua mubamanyishe. Mbadiate mikenji yanyi ku makasa. Bavua bapambuka mu njila, batendelela mvidie, ivua bankambua babu mene bakukuila. Nanku tshiena mua kubafuila luse! Nenkumbaje bindi mujadike ne:

Amosa 2:6

Teleja tshidi Maweja-Nangila wamba ne: “Ndi ndumbuluisha bena Izrayele, mbapisha bua malu mabi mavule. Nanku tshiena mbafuila luse. Nenkumbaje bindi mujadike. Ndi mbapisha, nangananga bualu mbasumbishe mu bupika muntu uvua kayi ne bualu, bua bamone mua kufuta mabanza. Mbapane mupele, uvua kayi mua kufuta dibanza diende, amu dia mukolu wa bisabata.

Zekâya 8:17

Kanuedi meji a kuenzelangana bibi. Nulekele kutshipa mitshipu ya dishima, bualu meme Maweja-Nangila tshiena muanyishe malu a nanku.”

Dielulula 23:18

Muena Izrayele yonsu, mulume nansha mukaji, kena mua kuenda tshiendenda mu nzubu ya mvidie ya bena ditunga.

Dielulula 24:4

mulume wa kumpala kena mua kuangata kabidi mukaji awu to. Bualu mukaji awu kudi mulume ewu udi ne mikiya. Maweja-Nangila Mvidi Mukulu wenu, kena musue bua mulume awu amuangate tshiakabidi. Kanuena mua kunyanga ditunga didiye munupe, ne buenzayi bua mushindu ewu.

Dielulula 25:16

Bualu Maweja-Nangila Mvidi Mukulu wenu udi unyoka bantu badi badinga mushindu ewu.

Didimanyisha 21:27

Kadi tshintu nansha tshimue tshidi ne mikiya, katshiakubuela mu tshimenga etshi. Muntu udi wenza malu mabi, ushima, kakubuelamu. Amu badi ne mena abu mu mukanda wa muoyi, mukanda wa Muana wa mukoku, ke badi mua kubuelamu.