Nsumuinu 5:19 - MUKANDA WA MYIDI MUKULU

¹⁹ Mukajebe udi ukunanga, udi mulenga bu ngulungu. Mubidi wende akusankishe matuku onsu. Usanke amu kusanka bua dinanga didiye ukunanga nadi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Yeye udi bu ntole mukashi udi muena dinanga, udi bu dishina dia ngulungu didi dilengele ku mesu! Mabele andi akusankishe misangu yonso; wikale mukuatshike ne dinanga diandi matuku onso.

Nsumuinu 5:19 ပူးပေါင်းရင်းမြစ်များ

2 Samuele 12:4

Dituku dikuabu, muntu muenyi kufika ku nzubu kua muntu mubanji. Mubanji kena muangate tshimuna tshia ku bimuna biende bua kushipela muenyi awu to. Kuangataye anu kana ka mukoku ka mupela, bua kukalambila muenyi wende awu.

Nsumuinu 5:15

Mukajebe udi bu mpokolu wa mayi matoke. Unue mayi a mpokolu ewu!

Nsumuinu 5:20

Muananyi, mukaji wa bende udi ukusamina muoyi bua tshinyi? Bua tshinyi udi musue kubuelela mukaji wa bende mu nzubu.

Musambu wa Solomo 2:17

Ku dilolu padi panshi patalala, kuisu kutuadija kufiika, neupingane kundi, munanga wanyi. Unyeme lubilu bu kabuluku, nansha bu ngulungu muana, udi usomba mu mikuna mipanduluke.

Musambu wa Solomo 2:9

Munanga wanyi udi unyema lubilu, bu nyama wa kabuluku, nansha bu ngulungu muana. Ukadi mufike, muimane kunyima kua tshimana tshia nzubu wetu. Udi upalamina ku madidishi, ukenzakana mu masosu a tukanu.

Musambu wa Solomo 4:5

Mabele ebe adi bu bana babidi ba mbuji, bana ba mapasa ba nyama wa kabuluku, badi badia mashinda muaba udi bilongu bitoke.

Musambu wa Solomo 7:3

Kuinshi kua difu diebe, kudi bu dikopu didi ne maluvu a muenya muimpe diba dionsu. Difu diebe didi bu miepu munkatshi mua bilongu.

Musambu wa Solomo 8:14

“Munanga wanyi, patuka lukasa, tunyeme bu nyama wa kabuluku, bu ngulungu muana, tuye ku mikuna idi inunka dipembu dimpe.