Nsumuinu 4:16 - MUKANDA WA MYIDI MUKULU

¹⁶ Bantu babi kabena balala kabayi banji kuenza bibi. Kabena bamona tulu kuisu, padibu kabayi banji kulenduisha bantu bakuabu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bualu bua kabena balala tulu bikalabo kabayi benze bibi; tulu ludi tumuka kudibo bikalabo kabayi bahoneshe muntu.

Nsumuinu 4:16 ပူးပေါင်းရင်းမြစ်များ

Misambu 36:3

Udi uditemba ne: ndi muntu muakane. Ke mudiye kayi mua kutonda bubi buvuaye muenze, nansha kububenga.

Misambu 36:4

Bionsu bidiye wamba bidi amu bia dishima ne bia didinga. Mmupange meji, mmupange muoyi muimpe.

Nsumuinu 1:16

Bualu badi bipatshila bua kuenza malu mabi. Badi baluijakaja bua kuela mashi a bantu panshi.

Nsumuinu 2:14

Badi bumvua disanka padibu benza bibi, badi basankila mu bubi.

Nsumuinu 4:15

Ubenge njila ayi, kupitshidimu. Udisunguile njila ya wewe kulonda.

Yeshaya 57:20

Kadi bantu babi, badi bu mayi manene adi ela mavuala, kaayi ne mushindu wa kubatama. Mayi a nanku adi muwule ne binyindanyinda kabidi ne bintu bibi bionsu tente.

Yirmeya 9:4

Muntu yonsu udi udinga muntu nende. Kakuena muntu udi wamba malu malelela. Bantu bonsu mbamane kuibidila mua kudingangana. Mbenze bibi bitambe. Nanku, kabena ne mushindu wa kupingana kundi meme.”

Mika 2:1

Bantu badi bela meji butuku, badilongolola bua kuenza malu mabi, butshia baakumbaja, bualu badi ne bukole bua kuenza, mbena diakabi.

Mika 7:3

Badi bamanye bimpe, mudibu mua kuenza malu mabi. Bamfumu ne bakoshi ba nsambu, badi balomba mabuejila. Bantu banene badi bamba majinga abu patoke, bashima bantu bua kuakumbaja.

Luke 22:66

Butshia, bakulu ba bena Yuda, bamfumu ba batuangaji, ne balongeshi ba mikenji, kudisangisha. Kubikilabu Yezu ku Tshipangu tshiabu tshikulu,

Yowanane 18:28

Pashishe kumukabu ne Yezu kua Kayifa, kuyabu nende ku nzubu wa bukalenga wa mulombodi wa ditunga. Bivua dinda dinda. Kadi bamfumu ba bena Yuda kabavua babuela mu nzubu wa bukalenga, bua kabapi mikiya, kadi bapange mua kudia didia dia tshibilu tshia Dipita dia Maweja-Nangila.

Bienzedi 24:7

Kadi Liziyase mulombodi wa basolayi kufika, kutunyenga Polu ku makanda.

2 Petro 2:14

Badi balengamena amu bakaji badi bananga malu mabi. Kuenza malu mabi kakuena kubatonda. Badi bateya badi kabayi ne muoyi mukole. Muoyi wabu mmuibidile lukuka lua biuma. Mvidi Mukulu mmumane kubatshipa!