Nsumuinu 31:30 - MUKANDA WA MYIDI MUKULU

³⁰ Bulenga bua mpala budi bushima, buimpe bua kuisu budi bujika. Amu mukaji udi witaba Maweja-Nangila ke utudi mua kutua makumbu.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Diakalengele didi didinga, mpala mulengele udi hatuhu, kadi mukashi udi unemeka Yehowa neatumbishibue.

Nsumuinu 31:30 ပူးပေါင်းရင်းမြစ်များ

2 Samuele 14:25

Mu ditunga dijima dia bena Izrayele, kamuvua muntu mukuabu uvua ukemesha bantu bonsu bua buimpe buende, bu Absalome to. Absalome uvua muimpe biangatshile ku dikasa too ne ku mutu. Kavua ne tshilema nansha tshimue pambidi.

Misambu 112:1

Tumbishayi Maweja-Nangila, aleluya! Muntu udi unemeka Maweja-Nangila, umvua disanka bua kulonda mikenji yende, udi ne disanka.

Misambu 147:11

udi muanyishe bantu badi bamumanya bu Mvidi Mukulu wabu, batekemena bulenga buende.

Nsumuinu 1:7

Muntu udi musue kupeta meji, atshine, kabidi anemeke Maweja-Nangila. Bantu badi bapepeja malongesha ne mibelu bia bena meji mbatshimbakane.

Nsumuinu 11:16

Mukaji mulenga udi upeta lumu. Muntu wa bukitu udi upeta bubanji.

Nsumuinu 11:22

Mukaji mulengele kuisu kadi kayi ne lungenyi munda, udi bu kakanu ka mpawungi, kadibu bela ku diulu dia ngulube.

Nsumuinu 22:4

Muntu muena bupuekele udi utumikila Maweja-Nangila, neapete bubanji ne lumu; nealale matuku mavule panu.

Nsumuinu 31:29

“Bakaji ba bungi mba tshitembu! Kadi wewe udi mubapite bonsu.”

Nsumuinu 31:31

Numuanyishe bua bionsu bidiye wenza, bena tshimenga bonsu bamutumbishe bua mudimu udiye ukuata.

Nsumuinu 6:25

Kualakanyi buimpe bua mukaji wa bende. Mesu adiye ukulenguila, kaakulobeshi.

Nsumuinu 8:13

Kutshina Maweja-Nangila ke kudiwula bubi. Meme ndi ndiwula ditambisha ne budiambi, ngenzelu mibi, ne miaku ya dishima.

Muambi 12:13

Kadi nkomenu wa malu onsu atuvua bafunde udi nunku: Muntu yonsu udi ne bua kunemeka Mvidi Mukulu, kutumikila meyi ende.

Muambi 7:18

Mbimpe kulonda mibelu yonsu ibidi eyi, bualu muntu udi unemeka Mvidi Mukulu kena ne bua kukolesha malu bikole.

Yezekiyele 16:15

“Kadi uvua udikukula bua bulenga buebe, ne bua lumu luuvua nalu. Ke wewe kubanga kudifila kudi muntu yonsu udi upitshila mu njila.

Luke 1:6

Bonsu babidi bavua bakumbaja bivua Mvidi Mukulu musue, batumikila bimpe menemene mikenji yonsu ne meyi onsu bia Maweja-Nangila.

Rome 2:29

Kadi muena Yuda mulelela ke udi muena Yuda mundamunda muende, ke udibu bateke panshi mu muoyi wende. Mbamuteke nanku kudi Mueyelu wa Mvidi Mukulu, kabiyi bilondeshile mikenji mifunda nansha. Muena Yuda wa bushiwa awu neapete lumu luende kudi Mvidi Mukulu, ki nkudi bantu to.

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

Yakobe 1:11

Diba didi dibanda ne luya luadi, diumisha bisosa. Tshilongu tshidi tshipona panshi, bulenga buatshi budi bujika. Ke mudi muena biuma ujimina munkatshi mua midimu yende.

1 Petro 1:24

Ke mudibu bafunde mu Mukanda wa tshijila ne: “Bantu bonsu badi bu bisosa. Lumu luabu luonsu ludi amu bu bilongu bia mu mpata. Bisosa bidi biuma, bilongu bipopoka.

1 Petro 1:7

Makenga aa adi mua kujadika bukole bua ditaba dienu. Tshiamu tshia mpawungi tshidi tshintu tshia panu tshidi tshijimina. Kadi badi batshiteta mu kapia. Ke mudibu bateta mu makenga ditaba dienu, didi dipita tshiamu tshia mpawungi ku mushinga, bua kujadika bukole buadi. Nanku dituku diafika Yezu Kristu, nebanuele kalumbandi, nebanutumbishe, nebanupe lumu.