Nsumuinu 30:13 - MUKANDA WA MYIDI MUKULU

¹³ Bantu bakuabu badi batangila bantu nabu ne kapeja, badiela mulu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bantu badiku,—mona mudi mesu abo ne dihetu, ne mudibo bahanda mesu mulu!

Nsumuinu 30:13 ပူးပေါင်းရင်းမြစ်များ

Misambu 101:5

Nempuwishe bantu badi bajana bakuabu mu musokoku. Tshiena mua kubuikidila bantu badi bapetula bakuabu, ne badi baditambisha.

Misambu 131:1

Musambu wa bena ngendu udi mu mukanda wa misambu ya Davide. Maweja-Nangila, tshiena ne ditambisha, mesu anyi ki nga muena ditambisha. Tshiena nkeba butumbi, nansha malu adi mampite.

Nsumuinu 21:4

Mpala wa kapeja ne muoyi wa ditambisha ke bidi bileja bubi bua muena lonji.

Nsumuinu 6:17

mesu a ditambisha, ludimi lua muena dishima, bianza bidi bishipa bantu badi kabayi ne tshilumbu,

Yeshaya 2:11

Muena ditambisha neiname panshi. Muena kapeja, nebamupuekeshe. Dituku diadia nebamanye ne: amu Maweja-Nangila nkayende udi ne bukole.

Yeshaya 3:16

Maweja-Nangila udi wamba ne: “Bakaji ba mu Yerushalayime badi ne ditambisha. Badi benda bela mitu mulu, bakenzakana kabayi bundu, benda balunduka badisua, badidisha nkanu yabu ya ku mikolu.”

Yeshaya 5:15

Nanku bantu bonsu nebiname badia buloba. Nansha muntu muena ditambisha, neinyike mesu panshi.

Yezekiyele 28:9

Padibu bafika bua kukushipa, newambe kabidi ne: ndi mvidie anyi? Udi muntu patupu! Bumvidie buebe kabuakumueneka diba didi bashipianganyi bakakuata.

Abakuke 2:4

Funda nanku: bena buenzayi nebafue. Kadi bantu badi benzela bakuabu bimpe, nebapete muoyi, bualu badi bitaba Maweja-Nangila.