Nsumuinu 30:10 - MUKANDA WA MYIDI MUKULU

¹⁰ Kunyangidi muena mudimu lumu kudi mfumuende. Wewe mulunyange, muena mudimu awu neakuele mulawu, nanku neufute tshibawu tshia lunsonge luebe alu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kusonguedi muena mudimu kudi nfumu wandi, bua yeye kakuedi mulau, bua wewe kuhishibu.

Nsumuinu 30:10 ပူးပေါင်းရင်းမြစ်များ

Genese 8:21

Mulambu kununkilawu Maweja-Nangila mupuya muimpe. Kununganaye wamba ne: “Nansha bantu bikale anu ne meji mabi biangatshile ku buana buabu, kadi tshiena ntshipa buloba kabidi bua buenzayi bua muntu. Tshiena mua kubutula bionsu bidi ne muoyi musangu muibidi bu mumvua muenze emu.

Nsumuinu 11:26

Bantu badi batshipa badi bakandamana ne biakudia amu buabu nkayabu. Kadi badi banyisha bantu badi babapanyishabi.

Nsumuinu 28:27

Muntu udi upa bapete bintu ne muoyi wa kalolu, kena upeta dikenga kuende to. Kadi udi kayi musue kutangila dikenga dia mupele, bantu bavule nebamutshipe.

Muambi 7:21

Kuteleji bionsu bidi bantu bamba, bualu udi mua kumvua mudi muena mudimu webe ukujana.

Danyele 6:13

Kuyabu kudi mukalenga wa bakalenga, bamuambila ne: — Mukalenga wa bakalenga, wewe kuela mukenji wa ne: matuku makumi asatu, muntu yonsu watendelela mvidi mukuabu, anyi muntu mukuabu, kayi untendelela meme nkayanyi, nebamuele mu buina bua nyama ya ntambue. Ki mmomu anyi? — Bulelela, ke dipangadika dituvua bangate, bilondeshile meyi a bena Madayi ne a bena Persa, adi muntu kayi mua kushintulula.

Danyele 6:24

Mukalenga wa bakalenga muwule tente ne disanka, kutuma diyi bua bapatule Daniyele mu buina. Pakamupatulabu, bakamusangana kayi ne mputa nansha umue pambidi, bualu uvua mutekemene kudi Mvidi Mukulu wende.

Rome 14:4

Wewe kabidi udi nganyi bua wewe kulumbuluisha muena mudimu wa bende? Bualu, nansha yeye ukuatshila mfumuende mudimu ne dinanukila, nansha yeye mupangile mu njila, tshilumbu atshi tshidi amu tshia mfumuende wa mudimu. Kadi neakuate mudimu ne dinanukila, bualu Mfumu udi ne bukole bua kumuimanyika.

Dielulula 15:9

Nudimuke. Kanuikadi ne meji mabi a ne: tshidimu tshia muanda mutekete tshia kulekelangana mabanza tshidi pabuipi. Kanutatshishi muanenu mupele bua bualu abu. Kanumupadi tshintu tshidiye ulomba. Bualu yeye mudidile Maweja-Nangila, nenuikale bena tshibawu.

Dielulula 23:15

Muaba udi mitanda yenu wikale wa tshijila. Bualu Maweja-Nangila Mvidi Mukulu wenu udi wendakanamu, bua kunulama, kunuambuluisha bua nutshimune baluishi benu. Nanku, Yeye musangane tshintu tshibi munkatshi muenu neanushiye nkayenu.

1 Samuele 24:9

Pashishe Davide kupatuka mu lubuebue, ulonda Shawule. Kumuelaye diyi ne: — Mukalenga Shawule, mukalenga Shawule! Shawule ukenzakana, utangila panyima. Davide kutua mpala panshi ne kanemu,

1 Samuele 26:19

Pikala Maweja-Nangila musue bua wewe kungenzela bibi, nanku Maweja-Nangila itaba mulambu bua kujikija tshiji tshiende. Kadi, pikalabu bakuenzeja bionsu ebi kudi bantu, Maweja-Nangila abatshipe. Bualu lelu badi bangipata, bua tshisombi mu ditunga didi Maweja-Nangila mupeshe bantu bende, bidi bu mudi muntu ungamba ne: “Uye kutendelela mvidie mikuabu.”

1 Samuele 30:15

Davide kumukonka ne: — Udi mua kumfikisha muaba udi bivi abu anyi? Muntu awu kuandamuna ne: — Nenkufikishe kudibu paudi ujadika, uditshipa kumpala kua Mvidi Mukulu muudi kuyi musue kunshipesha, kuyi nansha musue kumfila kudi mfumu wanyi.