Nsumuinu 3:32 - MUKANDA WA MYIDI MUKULU

³² Bualu Maweja-Nangila udi udiwula bantu badi benza malu mabi, kadi udi umvuangana ne bantu bakane.

Mukanda wa Nzambi Dihungila Dikulukulu ne Dihungila Dihia-dihia 2003

³² Bualu bua Yehowa udi ukina muntu udi ne tshishiku, kadi bunyana buandi budi kudi badi ne mitshima miakane.

Nsumuinu 3:32 ပူးပေါင်းရင်းမြစ်များ

Yobe 29:4

Mvua mudiumvue bu muntu mukulumpe, bualu Mvidi Mukulu mulunda wanyi, uvua ulama nzubu wanyi.

Misambu 18:26

Maweja-Nangila, wewe udi unanga badi bakunanga, usankisha bikole, badi bakutumikila.

Misambu 25:14

Badi bitaba Maweja-Nangila, udi ubamanyisha malu ende masokome, ubalongesha mudi ndondu wende.

Nsumuinu 11:20

Maweja-Nangila udi upetula bantu bena budimu. Kadi udi wanyisha bantu ba muoyi umue.

Nsumuinu 14:10

Muntu yonsu udi mudimanye nkayende kanyinganyinga ne disanka bidi mu muoyi wende. Muntu mukuabu nansha umue kena mua kubiumvua menemene to.

Nsumuinu 17:15

Mubingishi wa muena tshibawu, ne mupishi wa muntu muakane, mbantu babidi badi Maweja-Nangila udiwula mushindu wa momumue.

Nsumuinu 8:13

Kutshina Maweja-Nangila ke kudiwula bubi. Meme ndi ndiwula ditambisha ne budiambi, ngenzelu mibi, ne miaku ya dishima.

Yeshaya 41:24

Kadi nudi tuntu tua patupu. Binudi nuenza bidi bia tshianana. Badi banusungula bu mvidie yabu, ndi mbadiwula kashidi.

Matayi 11:25

Tshikondu atshi, Yezu uvua wamba ne: — Eyo, Tatu, Mfumu wa diulu ne buloba, ndi nkutumbisha, bualu udi muambile bantu bashadile malu audi musokoke bena meji ne bantu bavua balonga mikanda.

Matayi 13:11

Ke Yezu kubandamuna ne: — Mbanyishe bua nuenu numanye malu masokome a Bukalenga bua mu diulu, kadi ki mbanyishe bua bantu bakuabu baamanye nansha!

Luke 16:15

Yezu kubambila ne: — Nuenu nudi basue kudileja bu bantu bimpe ku mesu a bakuabu. Kadi Mvidi Mukulu udi mumanye mioyi yenu. Bualu tshidi bantu bamona ne: ntshinene, katshiena ne mushinga ku mesu a Mvidi Mukulu.

Yowanane 15:15

Tshiena nnubikila kabidi bena mudimu. Bualu muena mudimu kena mumanye tshidi mfumuende wenza. Ndi nnubikila balunda. Bualu mvua munumanyishe bionsu bimvua mumvue kudi Tatu wanyi.

Yowanane 7:17

Muntu udi musue kuenza tshidi Mvidi Mukulu musue, neajingulule mudi dilongesha dianyi difume kudi Mvidi Mukulu, nansha kundi meme nkayanyi.

Didimanyisha 2:17

“Bidi Mueyelu wa Tshijila wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nembapeshe mana masokome. Nempeshe kabidi yonsu wa kudibu lusoka lutoke lufunda dina dipiadipia, didi muntu kayi mumanye, amu udi udipeta.”