Nsumuinu 3:3 - MUKANDA WA MYIDI MUKULU

³ Wikale muena dinanga ne muena muoyi umue. Ngenzelu eyi ikale bu webe nsala wa lumu. Uyifunde mu muoyi webe.

Mukanda wa Nzambi Dihungila Dikulukulu ne Dihungila Dihia-dihia 2003

³ Luse ne lulamatu lua ku bushuwa kabiumuki kûdi. Ubisuike mu nshingu muebe, ubifunde mu mutshima webe.

Nsumuinu 3:3 ပူးပေါင်းရင်းမြစ်များ

2 Samuele 15:20

Wewe udi mufike kundi anu matuku makese aa. Lelu tukadi mua kuya nebe, meme tshiyi mumanye muaba undi nya anyi? Nansha kakese, pingana mu tshimenga. Uye ne bena kuenu. Maweja-Nangila akuambuluishe, akuenzele bimpe.

Misambu 119:11

Ndi ndama mikenji yebe mu muoyi wanyi, bua tshikadi mua kupila ku mesu kuebe.

Misambu 25:10

Bionsu bidi Maweja-Nangila wenza, bidi bileja mudiye unanga bantu badi balama ndondu wende, bakumbaja mikenji yende.

Misambu 85:10

Bulelela, diambuluisha diende didi pa buipi ne badi bamutshina, butumbi buende nebushale mu ditunga dietu.

Ekesode 13:9

Tshibilu etshi netshikale bu tshimanyinu ku diboku nansha pa mpala yenu, bua kunuvuluija dipatuka dienu mu Ejipitu. Nanku, netshinuvuluije munudi ne bua kumanyisha bantu mikenji ya Maweja-Nangila, uvua munupatule mu ditunga dia Ejipitu.

Ekesode 34:6

Pashishe, kupitaye kumpala kua Moshe wamba kabidi ne: “Ndi Maweja-Nangila Mvidi Mukulu wa luse ne dinanga, ndi ne lutulu luvule, ndi nkumbaja bionsu bindi ndaya bantu, tshiena mfika munda lukasa.

Nsumuinu 1:9

Yoyi neikupe lumu bu nsala wa kalumbandi muasa ku mutu, nansha bu mabue a busanga adibu bela mu nshingu.

Nsumuinu 14:22

Bantu badi bela meji a kuenza bibi badi bapambuke. Kadi bantu badi bela meji mempe, bantu nebabanange ne muoyi umue.

Nsumuinu 16:6

Unange bantu, ulamate Maweja-Nangila, nanku neakufuile luse bua ntupakanyi yebe. Newepuke bubi paudi utshina Maweja-Nangila.

Nsumuinu 20:28

Padi mukalenga wa muoyi muimpe wenza malu mimpe, neashale ne muoyi. Padiye ukosa nsambu pa yoyi udi ushindika bukalenga buende.

Nsumuinu 6:21

Ubivuluke matuku onsu mu muoyi webe. Ubilame bimpe, bu masanga a mushinga mukole, adibu bela mu nshingu.

Nsumuinu 7:3

Enda nadi miaba yonsu bu kakanu ka ku munu, udifunde mu muoyi webe.

Yirmeya 17:1

— Tshilema tshia bena Yuda tshidi mu muoyi wabu kashidi. Tshidi amu bu miaku idibu bafunde ne ntapu wa tshiamu, nansha ne lusongu lua dibue dia mbongu. Bavua batshifunde kabidi ne ku matumba adi ku bilambuilu biabu.

Osheya 4:1

Maweja-Nangila udi umanyisha bena ditunga tshilumbu tshidibu natshi kudiye. Nuenu bena Izrayele, telejayi: Maweja-Nangila udi unuambila ne: “Nuenu bena ditunga edi, kanuena nulamatangana kabidi ne muoyi umue, kanuena nuenzelangana kabidi bimpe to. Kanuena bamanye Mvidi Mukulu. Kanuena nuenza tshidiye musue.

Malaki 2:6

Bavua balongesha amu malu mimpe. Kabavua bashima. Bawa bumvuangana nanyi bimpe, benza bimvua musue. Bawa basaka bantu ba bungi bua balekele kuenza malu mabi.

Matayi 23:23

Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nulambula Mvidi Mukulu tshia dikumi tshia biakudia bienu, nansha tshia luenyi, tshia tshidibi a luenyi, ne tshia tshikote. Kadi nudi nulengulula malu mapite bunene adi mikenji itulongesha, bu mudi kuenzela bantu bimpe, kufuilangana luse, ne kuitaba Mvidi Mukulu. Kadi ke malu anuvua ne bua kuenza, kanuyi nulengulula makuabu.

2 Korente 3:3

Eyowa, nuenu nudi mukanda uvua Kristu mufundishishe kutudi. Kena muufundishishe ne mayi a mukanda, kadi amu ku bukole bua Mueyelu wa Mvidi Mukulu udi ne muoyi. Kena muufundishishe pa mabue, kadi amu mu mioyi ya bantu.

Efeze 5:9

Bualu amu ku butoke, ke kudi kupatuka bulenga, buakane, ne bulelela, bua mishindu yonsu.

Dielulula 6:8

Bua nuenu kuvuluka mikenji eyi kashidi, nuyisuike ku maboku enu ne mu mpala yenu.

Ebrewu 10:16

“Maweja-Nangila udi wamba ne: ndondu ungatua nabu kunyima kua matuku aa udi nenku: Nemfunde mikenji yanyi mu mioyi yabu, neishale mu lungenyi luabu.”