Nsumuinu 3:18 - MUKANDA WA MYIDI MUKULU

¹⁸ Meji adi mpokolu wa muoyi ne wa diakalenga, kudi bantu badi benza mudiwu abalongesha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Adi mutshi wa muoyo kudi badi bâkuata mu bianza; bonso badi bâkuata bikole badi ne disanka.

Nsumuinu 3:18 ပူးပေါင်းရင်းမြစ်များ

Genese 2:9

Maweja-Nangila Mvidi Mukulu kumenesha mitshi ya mishindu yonsu pa buloba, mitshi milenga kumona ne mesu, mimpe kudia mukana. Munkatshi mua lupangu muvua mutshi wa muoyi ne mutshi wa kujingulula malu mimpe ne mabi.

Genese 3:22

Pashishe Maweja-Nangila Mvidi Mukulu kuamba ne: “Monayi, muntu wenji bu umue wa ku tuetu, watufuanyi ku dijingulula dia malu mimpe ne mabi. Mbimpe kumukandika bua kuolodi tshianza tshiende ku mutshi wa muoyi. Yeye mupole tshimuma, mutshidie neashale ne muoyi kashidi.”

Nsumuinu 11:30

Bidi muntu udi utshina Mvidi Mukulu wenza, bidi bipetesha muoyi. Muntu wa meji udi usankisha bakuabu.

Nsumuinu 13:12

Kupanga kukumbajila muntu bualu, kudi kumutekesha ku muoyi. Dijinga didibu bakumbaja didi mpokolu wa muoyi.

Nsumuinu 15:4

Miaku idi ikolesha muntu mu maboku, idi imusanguluja. Kadi miaku ya tshikisu idi inyanga muoyi wa muntu.

Nsumuinu 4:13

Kuvidi bivuabu bakulongeshe. Ubivuluke: ke bidi bikupetesha muoyi.

Nsumuinu 8:32

“Kadi mpindiewu, bana banyi, ntelejayi. Panuikala nulonda mibelu yanyi, nenupete diakalenga.

Nsumuinu 8:34

Bantu badi banteleja, badi bimana dituku dionsu ku tshiibi tshianyi, batshishila ku nzubu kuanyi, mbena diakalenga.

Muambi 7:12

Adi asombesha bantu ne ditalala bu mudi lupetu luenza. Badi nawu nebasombe matuku mavule panu. Ke patudi ne tshilumbu tshia kuamanya.

Didimanyisha 2:7

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nenganyishe bua badie tshimuma tshia mutshi wa muoyi, udi mu lupangu lua Mvidi Mukulu.”

Didimanyisha 22:2

upueka munkatshi mua musesu munene wa mu tshimenga. Ku nseke ibidi ya musulu kudi mutshi wa muoyi, udi ukuama bimuma misangu dikumi ne ibidi ku tshidimu, musangu umue ku ngondu yonsu. Bavua bondapa bisamba bia bantu ne mabeji awu.