Nsumuinu 29:26 - MUKANDA WA MYIDI MUKULU

²⁶ Bantu ba bungi badi bakeba bua mfumuabu abanyishe. Kadi kua Maweja-Nangila muntu yonsu neapete tshidiye ne bua kupeta.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Ba bungi badi bakeba diakalengele kudi mukokeshi, kadi dikosa dia nsambu dia muntu didi difuma kudi Yehowa.

Nsumuinu 29:26 ပူးပေါင်းရင်းမြစ်များ

Genese 43:14

Mvidi Mukulu wa bukole buonsu akaje muoyi wa muntu awu, bua anufuile luse, nupingane ne Binyamine, kabidi ne Shimeyone bonsu babidi kuneku. Kadi meme nkadi mumane kufuisha muananyi. Nenshale bu muntu uvua kayi mulele anyi?

2 Samuele 14:1

Yowabe, muana wa Seruya kumona ne: mukalenga Davide ukadi ujinga muanende Absalome.

Nehemya 1:11

Maweja-Nangila, ndi nkusengelela ne: utelejeku mundi nutendelela, kabidi mudibu bakutendelela kudi bantu bebe bakuabu, badi ne disanka dia kukutumbisha. Wewe, ungendeshe diakalenga mu bionsu bindi musue kuenza lelu. Ungambuluishe bua mukalenga wa bakalenga angandamune bimpe. Tshikondu atshi, meme Nehemya mvua ntangila bantu bavua balongolola maluvu a mukalenga wa bakalenga.

Estere 4:16

“Uye kusangisha bena Yuda bonsu badi mu Shushane. Nujile biakudia bualu buanyi, kanuyi nudia nansha nunua matuku asatu a munya ne a butuku. Netuenze kabidi nanku meme ne bena mudimu banyi. Pashishe, nansha bu mudibi bikandika kudi diyi, nenye kudi mukalenga. Nanku, bu bobu mua kunshipa nebanshipe!”

Misambu 20:9

Banga badi bakuluka, badishinda; tuetu tudi bashale bimane kulu.

Misambu 62:12

Misangu mivule nkadi mumvue diyi dia Mvidi Mukulu, diamba ne: “Bukole buonsu budi amu kundi.”

Nsumuinu 16:14

Padi mukalenga ufika munda, udi mua kufikisha muntu ku lufu. Kadi muntu wa lungenyi udi umutuyisha.

Nsumuinu 16:15

Mimuemue pa mpala wa mukalenga idi isanguluja bantu. Muoyi wende wa kalolu udi bu mvula udi utalaja buloba.

Nsumuinu 16:33

Bantu badi batshinka bidi mua kuenzeka, kadi Maweja-Nangila ke udi ushindika bualu muende mudiye musue.

Nsumuinu 16:7

Padi Maweja-Nangila muanyishe nsombelu wa muntu, udi ubueja diumvuangana pankatshi pende ne baluishi bende.

Nsumuinu 19:21

Muntu udi wela meji a bungi mu muoyi. Kadi amu bidi Mvidi Mukulu ujadika ke bidi bienzeka.

Nsumuinu 19:6

Bantu ba bungi badi balabidila muntu munene. Bonsu badi badia bulunda ne tshipapayi.

Nsumuinu 21:1

Muoyi wa mukalenga udi bu musulu wa mayi udi Maweja-Nangila utuma kuonsu kudiye musue.

Yeshaya 49:4

Kadi meme, mvua ngela meji ne: mvua mukuate mudimu wanyi tshianana, mvua mudibambe muanyi muonsu, kakuyi tshipeta nansha tshimue. Kadi Maweja-Nangila neapeshe bindi ne bua kupeta. Mvidi Mukulu wanyi neansankishe.

1 Korente 4:4

Bulelela kondu kanyi ka munda kakena kampisha nansha kakese. Kadi ebi kabiena bijadika ne: ndi mubinge to. Mfumu ke mukoshi wanyi wa nsambu.