Nsumuinu 29:18 - MUKANDA WA MYIDI MUKULU

¹⁸ Padi bambi kabayi bamanyisha malu a kudi Maweja-Nangila, bantu badi basomba mu bubi. Kadi muntu udi ulama mikenji ya Mvidi Mukulu mmuena diakalenga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bikalaku kakuyi tshikena kumona tshia muprofete, bantu badi balekela kudikanda; kadi udi utumikila diyisha dia mikenji udi ne disanka.

Nsumuinu 29:18 ပူးပေါင်းရင်းမြစ်များ

2 Kulondolola 28:19

Maweja-Nangila kukuatshisha bena bukalenga bua Yuda bundu, bualu mukalenga Akaze uvua mufikishe bantu ku dilengulula Maweja-Nangila. Yeye mene kavua muitabe Mvidi Mukulu.

Misambu 106:3

Badi bakosa nsambu biakane, ne badi benza malu makane misangu yonsu badi ne disanka.

Misambu 119:1

Bantu badi ne nsombelu muakane, balonda mikenji ya Maweja-Nangila mu nsombelu wabu, badi ne disanka!

Misambu 119:2

Bantu badi balonda mikenji yende, bamutumikila ne muoyi wabu mujima, badi ne disanka!

Misambu 19:11

Mikenji yende mmipite tshiamu tshia mpawungi mushinga, idi mimpe, mipite buitshi busheme.

Misambu 74:9

Kakutshiena bidi bileja ne: wewe udi munkatshi muetu. Bambi kabatshiena bamanyisha malu. Kakuena wa kutudi udi mumanye ne: ebi nebijike diba kaayi.

Ekesode 32:25

Moshe kujadika ne Arone uvua mulekele bantu nkayabu, benza mudibu basue, bua babaseke kudi baluishi babu.

Nsumuinu 19:16

Muntu udi unemeka mikenji neashale ne muoyi. Udi uyipetula neafue lukasa.

Nsumuinu 29:19

Kabena babela mupika ne miaku nkayayi, bualu, nansha yeye mumvue tshidibu bamuambila, kena witaba to.

Nsumuinu 8:32

“Kadi mpindiewu, bana banyi, ntelejayi. Panuikala nulonda mibelu yanyi, nenupete diakalenga.

Osheya 4:6

Bantu banyi nebafue, bualu kabena bammanye meme to. Wewe kabidi uvua mundengulule. Nanku, nenkubenge, nkumushe ku mudimu wanyi wa butuangaji! Bualu mikenji yanyi meme Mvidi Mukulu webe, udi muyipue muoyi. Nanku meme tshiakuvuluka kabidi bana bebe to.

Matayi 9:36

Ke Yezu kumvua luse bua bungi bua bantu bavuaye mumone, bualu bavua bapungile, bakengakana, bu mikoku idi kayiyi ne mulami.

Luke 11:28

Kadi Yezu kumuandamuna ne: — To! Badi bateleja muaku wa Mvidi Mukulu, baukumbaja, ke bena diakalenga!

Yowanane 13:17

Mpindiewu nudi bamanye bualu ebu. Nuenu benze nanku, nenuikale ne disanka.

Yakobe 1:25

Kadi muntu udi ukenketa ne ntema mikenji mimpe idi itupikula, kayi uyiteleja patupu amu bua kuyipua muoyi, kadi uyenza, muntu awu Mvidi Mukulu neamuele lupemba mu midimu yende.

Didimanyisha 22:14

Bantu badi basukula mintumpu yabu, mbena diakalenga. Nanku nebabanyishe bua badie tshimuma tshia mutshi wa muoyi, babuele mu tshimenga, bapitshile ku tshiibi.

1 Samuele 3:1

Kadi, Samuwele muana uvua wenzele Mvidi Mukulu mudimu, bamulombola kudi mutuangaji Eli. Tshikondu atshi, bua Maweja-Nangila kuyukila ne muntu, nansha kumumuenekela, bivua bualu bukole.