Nsumuinu 28:27 - MUKANDA WA MYIDI MUKULU

²⁷ Muntu udi upa bapete bintu ne muoyi wa kalolu, kena upeta dikenga kuende to. Kadi udi kayi musue kutangila dikenga dia mupele, bantu bavule nebamutshipe.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Udi uha bahele bintu kena ukengela tshintu, kadi udi ubuikila mesu andi nebamuele milau ya bungi.

Nsumuinu 28:27 ပူးပေါင်းရင်းမြစ်များ

Nsumuinu 11:24

Badi bapeshangana bintu ne muoyi muimpe, badi bavudija biuma biabu. Kadi badi balamina biabu ne bukonkotu, biabu abi bidi bikepela.

Nsumuinu 11:25

Muntu udi wenzelangana bimpe, neapete diakalenga. Udi upa mukuabu tshiakunua, kakufua nyota.

Nsumuinu 11:26

Bantu badi batshipa badi bakandamana ne biakudia amu buabu nkayabu. Kadi badi banyisha bantu badi babapanyishabi.

Nsumuinu 19:17

Paudi upesha mupele tshintu, udi utshisombesha Maweja-Nangila. Yeye ke wakufuta mudimu webe wa luse.

Nsumuinu 22:9

Muntu udi wenzelangana bimpe, Mvidi Mukulu neamuele lupemba, bualu tshiende tshiakudia udi wabanyangana ne bapele.

Nsumuinu 24:24

Padi ndumbulula ubingisha muena tshibawu ne: “Kuena ne bualu,” bantu bonsu nebamukine, bamutshipa.

Nsumuinu 28:28

Padi bantu babi babuela mu bukalenga, bantu bonsu badi basokoma. Kadi diba didibu babumusha, bantu bakane ba bungi badi badileja.

Yeshaya 1:15

Panudi nuolola bianza bienu kulu bua kuntendelela, ndi mbuikila ku mesu bua tshimonyi. Nansha nuenu nuntendelela misangu ne misangu, tshiena musue kunuteleja to. Bualu bianza bienu bidi ne mashi a bantu tente.

Dielulula 15:10

Nanku nuikale ne muoyi muimpe, nusombeshe mupele tshintu tshidiye ulomba. Nuenu benze nanku, Maweja-Nangila Mvidi Mukulu neanusankishe mu bionsu binudi nuenza.

Dielulula 15:7

Pikala muntu mupele munkatshi mua bana benu, mu tshimenga tshia ditunga dianupesha Maweja-Nangila Mvidi Mukulu wenu, unusomba tshintu, kanumuiminyi to.

Ebrewu 13:16

Kanupu muoyi bua kuenza malu mimpe, kabidi bua kuambuishangana, bualu milambu ya nenku ke idi isankisha Mvidi Mukulu.