Nsumuinu 28:17 - MUKANDA WA MYIDI MUKULU

¹⁷ Muntu mushipe muntu nende, neaye kudiela mu dijimba. Bantu kabamupumbishi bua kuenza nanku to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Muntu udibo bahisha bualu bua mashi a munga muntu adi hamʼbidi handi aye mu dijimba; muntu kamukuatshisha nansha.

Nsumuinu 28:17 ပူးပေါင်းရင်းမြစ်များ

Genese 4:12

Wewe newikale udima, kadi buloba kubuyi butoloka bintu bia nsongu. Newikale muendakanyi pa buloba, kuyi ne muaba wa kusomba.

Genese 9:6

Udi upumuna mashi a muntu, nebapumune ende kudi muntu, bualu mbafuke muntu mufuanangane ne Mvidi Mukulu.

2 Samuele 13:34

Kabidi Absalome mmunyeme. Nsongalume uvua wenza mudimu wa kutentekela, kumonaye bantu musumba balonda njila wa ku Oronayime. Kuyaye kuambila mukalenga Davide ne: — Ndi mumone bantu balua kuneku, bapueka pa mukuna balonda njila wa ku Oronayime.

2 Samuele 18:15

Bansongalume dikumi bena mvita, bavua bambula bia mvita bia Yowabe, inyunguluka Absalome, kumushipa kashidi.

1 Bakalenga 2:29

Muntu mukuabu kufika kudi mukalenga Shelomu, umuambila ne: — Yowabe mmunyeme. Udi mu ntenta wa Maweja-Nangila, mmusokomene pabuipi ne tshilambuilu. Nanku Shelomu kutuma Benaya, muana wa Yoyada, mu ntenta amu, umuambila ne: — Uye kushipa Yowabe!

1 Bakalenga 21:19

Uye, umuambile ne: Maweja-Nangila udi wamba ne: “Udi mushipe muntu. Mpindiewu udi mufike bua kuangata bintu biende!” Maweja-Nangila udi wamba kabidi ne: “Muaba udi mbua milake mashi a Nabote, neyilakilepu ne mashi ebe kabidi.”

1 Bakalenga 21:23

Nanku, Maweja-Nangila udi wamba kabidi bua Yezabele ne: “Mbua neyidile Yezabele pabuipi ne bimana bia Yizreyele.”

2 Bakalenga 9:26

“Meme Maweja-Nangila mvua mumone bionsu biuvua muenze makelela. Wewe uvua mutume bantu bua bashipe Nabote ne bana bende ba balume. Nanku, meme Maweja-Nangila, ndi nditshipa bua kukusombuela anu mu budimi ebu.” Nanku, wewe Bidkare, ambula tshitalu tshia Yorame, utshimanshe mu budimi ebu, bu muvua Maweja-Nangila muambe.

Ekesode 21:14

Pikala muntu mutekete mukuende tshiji, mumushipe ku bukole ne budimu, nansha yeye ku tshilambuilu tshianyi, numukuate numushipe.

Nsumuinu 6:17

mesu a ditambisha, ludimi lua muena dishima, bianza bidi bishipa bantu badi kabayi ne tshilumbu,

Yirmeya 41:15

Kadi Ishemayele kunyema ne bantu muanda mukulu, kuyaye kudi bena Amone.

Bienzedi 28:4

Pavua bena ditunga bamona nyoka mulembelela ku tshianza tshia Polu, kuambilanganabu ne: — Bushuwa, ewu mmushipianganyi. Nansha yeye mupanduke ku mayi, Mvidi Mukulu udi amu umunyoka!

Dielulula 19:11

Kadi pikala muntu mukine muanabu, kubutamaye mua kumukuata, kumushipa, pashishe kunyemenaye mu tshimue tshia ku bimenga ebi bisatu,